ରାଲି ବେଳେ ମହିଳା ଉପ ଜିଲ୍ଲାପାଳଙ୍କ ଚୁଟି ଭିଡିଦେଲେ ଜଣେ ବିଜେପି କର୍ମୀ । ଜବାବରେ ଗାଲରେ ଶକ୍ତ ଚାପୁଡା ମାରିବା ସହ ରାସ୍ତାରେ ଘୋଷାଡିଲେ ସାହସୀ ମହିଳା ଅଫିସର ପ୍ରିୟା ବର୍ମା ।
କନକ ବ୍ୟୁରୋ : ନାଗରିକତା ସଂଶୋଧନ ଆଇନକୁ ନେଇ କେଉଁଠି ବିରୋଧ ଚାଲିଛି ତ ଆଉ କେଉଁଠି ସମର୍ଥନର ରାଲି । ଆଉ ଏହାରି ଭିତରେ ମଧ୍ୟପ୍ରଦେଶରୁ ଏମିତି କିଛି ଘଟଣା ସାମ୍ନାକୁ ଆସିଛି, ଯାହା ବର୍ତମାନ ସମୟରେ ସବୁଠୁ ଚର୍ଚ୍ଚାର ବିଷୟ ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ଜାନୁଆରୀ ୧୯ ତାରିଖ ୨୦୨୦ । ମଧ୍ୟପ୍ରଦେଶର ରାଜଗଡ ଠାରେ ଲାଗିଥିଲା ଧାରା ୧୪୪ । ଆଉ ଠିକ୍ ଏହି ସମୟରେ ଧାରା ୧୪୪କୁ ଖାତିର ନକରି ନାଗରିକତା ସଂଶୋଧନ ଆଇନ୍ ସମର୍ଥନରେ ରାଲି ବାହାର କରିଥିଲେ ଭାରତୀୟ ଜନତା ପାର୍ଟିର କାର୍ଯ୍ୟକର୍ତା ।
#WATCH Madhya Pradesh: A protestor pulls hair of Rajgarh Deputy Collector Priya Verma, after she hits BJP workers and drags them. The clash broke out during a demonstration in support of #CAA. pic.twitter.com/7ckpZaFBkJ
— ANI (@ANI) January 19, 2020
ଉତେଜନାମୂଳକ ପରିସ୍ଥିତି ସୃଷ୍ଟି ହେବାର ଆଶଙ୍କା କରି ଘଟଣାସ୍ଥଳରେ ଯାଇ ପହଂଚିଥିଲେ ରାଜଗଡର ଉପଜିଲ୍ଲାପାଳ ପ୍ରିୟା ବର୍ମା । ଏହି ସମୟରେ କିଛି ଯୁକ୍ତିତର୍କ ଭିତରେ ଜଣେ ଉଦ୍ଧତ ବିଜେପି କର୍ମୀ ପ୍ରିୟା ବର୍ମାଙ୍କ ଚୁଟି ଭିଡି ଦେଇଥିଲେ । ଆଉ ଏହା ପରେ ଉକ୍ତ ବିଜେପି କର୍ମୀଙ୍କୁ ସାବାଡ କରିଥିଲେ ମହିଳା ଅଫିସର । ତା ଗାଲରେ ଏକ ଶକ୍ତ ଚାପୁଡା ମାରିବା ସହ ରାସ୍ତା ମଝିରେ ତାଙ୍କୁ ଘୋଷାଡିଥିଲେ । ଯେଉଁ ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ସହ ମହିଳା ଉପ ଜିଲ୍ଲାପାଳ ପ୍ରିୟା ବର୍ମାଙ୍କୁ ସମସ୍ତେ ପ୍ରଂଶସା କରୁଛନ୍ତି ।
कलेक्टर मैडम, आप यह बताइये कि कानून की कौन सी किताब आपने पढ़ी है जिसमें शांतिपूर्ण प्रदर्शन कर रहे नागरिकों को पीटने और घसीटने का अधिकार आपको मिला है?
सरकार कान खोलकर सुने ले, मैं किसी भी कीमत पर मेरे प्रदेशवासियों के साथ इस प्रकार की हिटलरशाही बर्दाश्त नहीं करूंगा! #CAA pic.twitter.com/PdKgrSDnW7
— Shivraj Singh Chouhan (@ChouhanShivraj) January 19, 2020
ଅନ୍ୟପଟେ ଏହି ଘଟଣାକୁ ନେଇ କଡା ପ୍ରତିକ୍ରିୟା ରଖିଛନ୍ତି ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ । ନଜର ପକାନ୍ତୁ ଶିବରାଜଙ୍କ ଏହି ଟ୍ୱିଟ୍ ଉପରେ । ଶାନ୍ତିପୂର୍ଣ୍ଣ ପ୍ରଦର୍ଶନ କରୁଥିବା ନାଗରିକଙ୍କୁ ପିଟିବାର ଅଧିକାର ଉପଜିଲ୍ଲାପାଳଙ୍କୁ କିଏ ଦେଲା ବୋଲି ସେ ପ୍ରଶ୍ନ କରିଛନ୍ତି ।
ତେବେ ରବିବାର ଘଟିଥିବା ଏହି ଘଟଣା ପରେ ପ୍ରିୟା ବର୍ମାଙ୍କୁ ସୋସିଆଲ ମିଡିଆରୁ ଛୁଟୁଛି ପ୍ରଂଶସାର ସୁଅ । ଜଣେ ମହିଳା ଅଫିସରଙ୍କ ଏଭଳି କାର୍ଯ୍ୟାନୁଷ୍ଠାନ ପାଇଁ ସମସ୍ତେ ତାଙ୍କୁ ସାବାସୀ ଦେଉଛନ୍ତି । ତେବେ ଆସନ୍ତୁ ଜାଣିବା କିଏ ଏହି ପ୍ରିୟା ବର୍ମା ।
ମାତ୍ର ୨୧ ବର୍ଷ ବୟସରେ ଡେପୁଟି କଲେକ୍ଟର ହୋଇପାରିଥିବା ପ୍ରିୟା ବର୍ମାଙ୍କ ଘର ଇନ୍ଦୋରର ଏକ ଛୋଟ ଗାଁରେ । ୨୦୧୪ରେ ମଧ୍ୟପ୍ରଦେଶର ଲୋକସେବା ଆୟୋଗ ପରୀକ୍ଷାରେ ସେ ପାସ୍ କରିଥିଲେ । ସର୍ବପ୍ରଥମେ ତାଙ୍କ ନିଯୁକ୍ତି ଭୈରବଗଡ ଜେଲରେ ଜେଲର ଭାବେ ହୋଇଥିଲା । କିନ୍ତୁ ଆଇଏଏସ ହେବାର ଲକ୍ଷ୍ୟ ରଖିଥିଲେ ପ୍ରିୟା । ନିଜର କଠିନ ପରିଶ୍ରମ ଏବଂ ଇଚ୍ଛାଶକ୍ତି ବଳରେ ୨୦୧୭ରେ ସେ ମଧ୍ୟପ୍ରଦେଶରେ ଚତୁର୍ଥ ର୍ୟାଙ୍କ ହାସଲ କରିଥିଲେ । ଏବଂ ତାଙ୍କୁ ରାଜଗଡର ଉପଜିଲ୍ଲାପାଳ ଭାବେ ଦାୟିତ୍ୱ ମିଳିଥିଲା ।