ମିଶନ ଶକ୍ତି ଦୌଡିବ, ବିକଶିତ ଓଡ଼ିଶାର ସ୍ୱପ୍ନକୁ ମିଶନ ଶକ୍ତି ହିଁ ପୂରା କରିବ । ସମୀକ୍ଷା ପରେ ବଡ ବୟାନ ଦେଲେ ଉପ-ମୁଖ୍ୟମନ୍ତ୍ରୀ ପ୍ରଭାତୀ ପରିଡା ।
କନକ ବ୍ୟୁରୋ : ଆଜି ମିଶନ ଶକ୍ତି ବିଭାଗର ଅଧିକାରୀଙ୍କ ସହ ଆଲୋଚନା ପରେ, ଆଗାମୀ ଦିନରେ ମିଶନ ଶକ୍ତି ଦୌଡିବ ବୋଲି କହିଛନ୍ତି ଉପ ମୁଖ୍ୟମନ୍ତ୍ରୀ ତଥା ମିଶନ ଶକ୍ତି ମନ୍ତ୍ରୀ ପ୍ରଭାତୀ ପରିଡା । ମିଶନ ଶକ୍ତି ଲକ୍ଷ୍ୟ ସ୍ଥଳରେ ବିକଶିତ ଓଡିଶାର ସ୍ବପ୍ନ ପୂରଣ ହେବ ।
Kanak News is now on WhatsApp
Join and get latest news updates delivered to you via WhatsApp
ମିଶନ ଶକ୍ତି ଏକ ମାଇକ୍ରୋ ସରକାର, ୧୯ଟି ବିଭାଗ ସହିତ ଅନୁବନ୍ଧିତ ଏବଂ ୟୁଏନ ଏଜେନ୍ସି ସହିତ ମଧ୍ୟ ଅନୁବନ୍ଧିତ । ବିଶ୍ୱ, ରାଜ୍ୟ ଏବଂ ଗାଁ ଏଥିରେ ମିଶିକି ଅଛନ୍ତି । ଓଡିଶାକୁ ଏକ ନମ୍ବର କରିବା ପାଇଁ ସାମାଜିକ ସ୍ଥିତି, ଅର୍ଥନୀତି, ମହିଳାଙ୍କ ଅବସ୍ଥିତି ଆଗାମୀ ଶହେ ଦିନ ଭିତରେ ଦ୍ରୁତ ଗତିରେ ବିକାଶ ହେବ । ମିଶନ ଶକ୍ତି ଏକ ମାତ୍ର ବିଭାଗ ବିକଶିତ ଓଡିଶାର ସ୍ବପ୍ନ କରିପାରିବ ।
ଉପମୁଖ୍ୟମନ୍ତ୍ରୀ ଏବେ ମିଶନ ଶକ୍ତି ବିଭାଗର ଦାୟିତ୍ୱ ନେଇଛନ୍ତି । ତେଣୁ ଏହି ବିଭାଗ ଚାଲିବ କି ନାହିଁ ସେ ବାବଦରେ ସନ୍ଦେହ କରିବା ଉଚିତ ନୁହେଁ । ବରଂ ଏହି ବିଭାଗ ଏବେ ଦୌଡିବ । ମିଶନ ଶକ୍ତି ଏକ ସମୂହ । ଯେଉଁଠି ବିଶ୍ୱ, ଦେଶ, ରାଜ୍ୟ ଓ ଗାଁ ଗୁଡିକର ଅନୁଷ୍ଠାନ କାମ କରୁଛନ୍ତି । ସମସ୍ତଙ୍କ ଉଦ୍ୟମରେ ଓଡ଼ିଶା ଏକ ନମ୍ବର ରାଜ୍ୟ ହେବ । ଆମୋଦ ପ୍ରମୋଦ ବଦଳରେ ଓଡ଼ିଶାର ବିକାଶ କରିବାକୁ ପ୍ରଧାନମନ୍ତ୍ରୀ ପରାମର୍ଶ ଦେଇଛନ୍ତି ।