ଗଂଜାମର କରୋନା ସ୍ଥିତିକୁ ନେଇ ଅସନ୍ତୋଷ ପ୍ରକାଶ କଲେ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ : କହିଲେ, ସଂକ୍ରମଣ ଭୟରେ ରୋଗୀଙ୍କୁ ଦେଖୁନାହାନ୍ତି ଏମକେସିଜିର ଡାକ୍ତର; ବରିଷ୍ଠ ଡାକ୍ତର କାର୍ଯ୍ୟରେ ଅବହେଳା କଲେ ନିଆଯିବ କାର୍ଯ୍ୟାନୁଷ୍ଠାନ
କନକ ବ୍ୟୁରୋ : ଗଞ୍ଜାମରେ କରୋନୋ ସ୍ଥିତି ସାଂଘାତିକ ହେଲାଣି । ପରିସ୍ଥିତିର ସମୀକ୍ଷା କରିଛନ୍ତି ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର । ଜିଲ୍ଲାପାଳ, ଏମକେସିଜି ଅଧ୍ୟକ୍ଷ, ପ୍ରଫେସର ଓ ବରିଷ୍ଠ ଅଧିକାରୀ ଉପସ୍ଥିତରେ ଏହି ସମୀକ୍ଷା ହୋଇଛି । ସମୀକ୍ଷା ବେଳେ ଜଣାପଡିଥିଲା, ବଡ ଡାକ୍ତରଖାନାରେ ରୋଗୀମାନଙ୍କ ଚିକିତ୍ସା ବୁଝିବାକୁ ଡାକ୍ତର ଓ ପ୍ରଫେସରମାନେ ଯାଉନାହାନ୍ତି । ଏପରିକି କରୋନା ଭୟରେ ଚିକିତ୍ସା ପାଇଁ ଆସୁଥିବା ଗର୍ଭବତୀ ମହିଳା, ଟ୍ରାମା, ଅସ୍ଥିଶଲ୍ୟ , ସାଧାରଣ ଶଲ୍ୟ ଚିକିତ୍ସା ବିଭାଗରେ ବି ରୋଗୀଙ୍କୁ ସ୍ୱାସ୍ଥ୍ୟ ସେବା ମିଳୁନି । ଡାଏଲିସସ ୟନିଟ ବି ବନ୍ଦ ରହିଛି । ରୋଗୀଙ୍କ ଟେଲିଫୋନ କଲ ମିଳିବା ପରେ ବି ଜିଲ୍ଲାରେ ୧୦୮ ଓ ୧୦୪ ଆମ୍ବୁଲାନ୍ସ ସେବା ରୋଗୀକୁ ଆଣିବାକୁ ଯାଉନଥିବା ବି ଦେଖିବାକୁ ମିଳିଛି । ପ୍ରଦୀପ୍ତ ମହାପାତ୍ର କହିଥିଲେ, ଏମକେସିଜିର କୋଭିଡ କେୟାର ସେଂଟରରେ ଯେଭଳି କୌଣସି ରୋଗୀଙ୍କ ମୃତ୍ୟୁ ନ ହୁଏ, ସେଥିପାଇଁ ଡାକ୍ତର ଓ ସ୍ୱାସ୍ଥ୍ୟକର୍ମୀ ଉଦ୍ୟମ କରିବେ । କରୋନାକୁ ମୁଖ୍ୟମନ୍ତ୍ରୀ ମୋ ସରକାରରେ ସାମିଲ କରିଥିବାରୁ ରୋଗୀଙ୍କ ମତାମତ ନିୟମିତ ଭାବେ ନିଆଯିବ ।
Kanak News is now on WhatsApp
Join and get latest news updates delivered to you via WhatsApp
ଏମକେସିଜିର ବରିଷ୍ଠ ଡାକ୍ତର କାର୍ଯ୍ୟରେ ଅବହେଳା କଲେ ଦୃଢ କାର୍ଯ୍ୟାନୁଷ୍ଠାନ ନେବାକୁ ବି ପ୍ରଦୀପ୍ତ ମହାପାତ୍ର ଚେତବନୀ ଦେଇଛନ୍ତି । ପ୍ରତ୍ୟେକ ଡାକ୍ତରଖାନାରେ ପରିମଳ ବ୍ୟବସ୍ଥା ସମ୍ପର୍କରେ ରୋଗୀଙ୍କଠାରୁ ମତାମତ ନିଆଯିବ । ସେହିଭଳି ଶୀତଳାପଲ୍ଲୀ କୋଭିଡ ହସପିଟାଲରେ ଅବ୍ୟବସ୍ଥା ଦୂର କରିବାକୁ କେତେକ ଗୁରୁତ୍ୱପୂର୍ଣ୍ଣ ନିଷ୍ପତି ନିଆଯାଇଛି । ଏହି ହସ୍ପିଟାଲ ପାଇଁ ଗଞ୍ଜାମ ସିଡିଏମଓ ୧୦ ଜଣ ବିଶେଷଜ୍ଞ ଡାକ୍ତର ନିୟୋଜିତ କରିବେ । ହଳଦିଆପଦରଠାରେ ଅଶ୍ୱିନୀ ହସ୍ପିଟାଲ ଗ୍ରୁପ ଦ୍ୱାରା ପ୍ରତିଷ୍ଠା କରାଯାଇଥିବା କୋଭିଡ ହସ୍ପିଟାଲକେ ଡାକ୍ତର ନିଯୁକ୍ତ ସୁବିଧା ଉପରେ ବି ବୈଠକରେ ଆଲୋଚନା ହୋଇଛି ।