କନକ ବ୍ୟୁରୋ: ରାଜଧାନୀରେ ଜଟିଳ ହେଉଛି ଡେଙ୍ଗୁ । ଆଉ ବିଳମ୍ବରେ ହେଲେ ବି ଭୁବନେଶ୍ୱର ମହାନଗର ନିଗମ ଏହାକୁ ନିୟନ୍ତ୍ରଣ କରିବାକୁ ଅଂଟାଭିଡିଛି । ରାଜଧାନୀର ବିଭିନ୍ନ ଅଂଚଳରେ ଚାଲିଛି ସଫେଇ କାର୍ଯ୍ୟର୍କ୍ରମର । ମୌସୁମୀ ବର୍ଷା ଆସୁ ଆସୁ ହିଁ ଡେଙ୍ଗୁର ହଟସ୍ପଟ ପାଲଟିଲାଣି ଭୁବନେଶ୍ୱରର ଆଇଆରସି ଭିଲେଜ, ସାଲିଆ ସାହି ଓ ପୁରୁଣା ଭୁବନେଶ୍ୱର । ଖୋର୍ଧା ଓ ଭୁବନେଶ୍ୱର ମହାନଗର ନିଗମରେ ଅଧିକ ଡେଙ୍ଗୁ ରୋଗୀ ଚିହ୍ନଟ ହୋଇଥିବାରୁ ସମ୍ବେଦନଶୀଳ ଅଂଚଳରେ ସଫେଇକୁ ତ୍ୱରାନ୍ୱିତ କରାଯାଇଛି । ମଶା ଔଷଧ ଓ ବ୍ଲିଚିଂ ପକାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ରାଜଧାନୀରେ ରାଜ୍ୟରୁ ସବୁଠାରୁ ଅଧିକ ଡେଙ୍ଗୁ ରୋଗୀ ଚିହ୍ନଟ ହୋଇଥିବାରୁ ଭୁବନେଶ୍ୱର ମହାନଗର ନିଗମ ବୈଠକ ପରେ ବୈଠକ କରୁଛି । କିନ୍ତୁ ଡେଙ୍ଗୁ ବ୍ୟାପିବାରେ ଲାଗିଛି । କେବଳ ସାଲିଆ ସାହିରେ ଦିନକୁ ୪ରୁ ୫ ନୂଆ ରୋଗୀ ଚିହ୍ନଟ ହେଉଛନ୍ତି । ଦିନକୁ ଦିନ ରାଜଧାନୀରେ ଡେଙ୍ଗୁ ସ୍ଥିତି ନିୟନ୍ତ୍ରଣ ବାହାରକୁ ଚାଲିଯାଉଛି । ଆଉ ନୂଆ ରୋଗୀଙ୍କ ପାଇଁ କ।।ପିଟାଲ ହସପିଟାଲରେ ସ୍ୱତନ୍ତ୍ର ବ୍ୟବସ୍ଥା ହୋଇଛି । ରାଜଧାନୀବାସୀ ସତର୍କ ରହିବା ସହ ନିଜ ଅଂଚଳ ସଫା କରିବାକୁ ଅନୁରୋଧ କରିଛି ବିଏମସି ।
ଡେଙ୍ଗୁ ଏକ ଭୂତାଣୁଜନିତ ଜ୍ୱର ହୋଇଥିବାରୁ ୯୦ ପ୍ରତିଶତ ଆକ୍ରାନ୍ତ ଆପଣାଛାଏଁ ସୁସ୍ଥ ହୋଇଥାନ୍ତି । ତେଣୁ ଡେଙ୍ଗୁର ମୁକାବିଲା ପାଇଁ ଏଥର ସ୍ୱତନ୍ତ୍ର ଏସଓପି ଜାରି କରାଯାଇଛି ।
-ପାଣି ଜମୁଥିବା ସ୍ଥାନକୁ ତୁରନ୍ତ ସଫା କରିବାକୁ କୁହାଯାଇଛି
-ଟାୟାର, ଡଷ୍ଟବିନ ଉପରେ ନଜର ରଖିବାକୁ କୁହାଯାଇଛି
-ଖାଲୁଆ ଜାଗାରେ ଯେଭଳି ପାଣି ଜମି ନରହିବ ସେଥିପ୍ରତି ସତର୍କ ରହିବାକୁ କୁହାଯାଇଛି ।