କନକ ବ୍ୟୁରୋ : ରାଷ୍ଟ୍ରପତି କାର୍ଯ୍ୟକାଳ ଶେଷ ହେବା ପୂର୍ବରୁ ଡୋନାଲ୍ଡ ଟ୍ରମ୍ପଙ୍କ ବିରୋଧରେ ମହାଭିଯୋଗ ପ୍ରସ୍ତାବ ଆଣି ହ୍ୱାଇଟ ହାଉସରୁ ବିଦା କରିବାକୁ ଚାହୁଁଛନ୍ତି ଡେମୋକ୍ରାଟ୍ । ଏଥିସହ ବିଦାୟୀ ରାଷ୍ଟ୍ରପତିଙ୍କ ନିକଟରେ ଥିବା ପରମାଣୁ ଅସ୍ତ୍ର ପ୍ରୟୋଗ କରିବାର ଅଧିକାରକୁ ଛଡାଇ ଆଣିବା ପାଇଁ ଦାବି କରିଛନ୍ତି ହାଉସ ଅଫ ରିପ୍ରେଜେଂଟେଟିଭର ବାଚସ୍ପତି ନାନ୍ସି ପେଲୋସି । ଏନେଇ ସେ ଆମେରିକା ସେନାମୁଖ୍ୟ ଜେନେରାଲ ମାର୍କ ମିଲିଙ୍କ ସହ କଥା ହୋଇଛନ୍ତି । ସାଥୀ ଡେମୋକ୍ରାଟ ସଦସ୍ୟଙ୍କ ସହ କଥାହେଲାବେଳେ ନାନ୍ସି କହିଛନ୍ତି ଯେ, ମାନସିକ ଭାବେ ଦୁର୍ବଳ ହୋଇସାରିଥିବା ଏହି ରାଷ୍ଟ୍ରପତିଙ୍କଠୁ ଅଧିକ ବିପଦ ଆଶଙ୍କା କରାଯାଉଛିି । ବିଦାୟୀ ରାଷ୍ଟ୍ରପତିଙ୍କ ପ୍ରରୋଚନାରେ ଆମେରିକା ସଂସଦ- କ୍ୟାପିଟଲ ହଲ ଉପରେ ହିଂସାତ୍ମକ ଆକ୍ରମଣ ପରେ ଟ୍ରମ୍ପ ବିରୋଧୀ ଆଭିମୁଖ୍ୟକୁ ଅଧିକ କଡାକଡି କରିଛନ୍ତି ଡେମୋକ୍ରାଟ୍ ।
Kanak News is now on WhatsApp
Join and get latest news updates delivered to you via WhatsApp
ସୁପର ପାୱାର ଆମେରିକା ପାଖରେ ଥିବା ପରମାଣୁ ଅସ୍ତ୍ର ଗୁଡିକୁ ପ୍ରୟୋଗ କରିବା ପାଇଁ ରାଷ୍ଟ୍ରପତିଙ୍କ କ୍ଷମତା ରହିଛି । ମାତ୍ର ୨୪ ଘଂଟାରେ ବିଧ୍ୱଂଶକାରୀ ପରମାଣୁ ଅସ୍ତ୍ରକୁ ପ୍ରୟୋଗ କରିବା ପାଇଁ ରାଷ୍ଟ୍ରପତିଙ୍କୁ କେତେକ କୋଡ୍ ଦିଆଯାଇଥାଏ । ଟ୍ରମ୍ପ ଏଗୁଡିକର ଦୁରୂପଯୋଗ କରିପାରନ୍ତି ବୋଲି ଆଶଙ୍କା କରି ତାଙ୍କ ହାତରୁ ଏହି କ୍ଷମତା ଛଡାଇ ଆଣିବାକୁ ଦାବି କରିଛନ୍ତି ଡେମୋକ୍ରାଟ୍ ।
ଗତ ଗୁରୁବାର କ୍ୟାପିଟଲ ହଲ ହିଂସାକାଣ୍ଡ ପରେ ଡୋନାଲ୍ଡ ଟ୍ରମ୍ପଙ୍କ ବିରୋଧରେ ମହାଭିଯୋଗ ପ୍ରସ୍ତାବ ଆଣିବାକୁ ଦାବି କରିଥିଲେ ହାଉସ ଅଫ ରିପ୍ରେଜେଂଟେଟିଭର ବାଚସ୍ପତି ନାନ୍ସି ପେଲୋସି । ଉପରାଷ୍ଟ୍ରପତି ମାଇକ ପେନ୍ସ ଏଥିପାଇଁ ପଦକ୍ଷେପ ନନେଲେ ସେ ସ୍ୱତନ୍ତ୍ର ଅଧିବେସନ ଡକାଇ ମହାଭିଯୋଗ ପାଇଁ ପଦକ୍ଷେପ ନେବେ ବୋଲି କହିଥିଲେ ।
ସମ୍ବିଧାନର ୨୫ ତମ ସଂଶୋଧନ ଆଧାରରେ ଏହି ରାଷ୍ଟ୍ରପତିଙ୍କୁ ତୁରନ୍ତ ବିଦା କରିବା ପାଇଁ ଉପରାଷ୍ଟ୍ରପତିଙ୍କୁ ମୁଁ ଅନୁରୋଧ କରୁଛି । ଯଦି ଉପରାଷ୍ଟ୍ରପତି ଏପରି ନକରନ୍ତି ତେବେ କଂଗ୍ରେସ ମହାଭିଯୋଗ ପ୍ରସ୍ତାବ ଆଣିବାକୁ ପ୍ରକ୍ରିୟା ଆରମ୍ଭ କରିବ ।
ଟ୍ରମ୍ପଙ୍କ ବିରୋଧରେ ମହାଭିଯୋଗ ଅର୍ଥାତ ତାଙ୍କୁ ୨୦ ଜାନୁଆରୀ ପୂର୍ବରୁ ହ୍ୱାଇଟ ହାଉସରୁ ବିଦା କରିବା । ଏହା ସମ୍ଭବ । କାରଣ ଏଭଳି କରିବା ପାଇଁ ଆମେରିକା ସମ୍ବିଧାନରେ ୨୫ ତମ ସଂଶୋଧନ ଅନୁମତି ପ୍ରଦାନ କରୁଛି ।
କ’ଣ ଏହି ଆମେରିକା ସମ୍ବିଧାନରେ ୨୫ ତମ ସଂଶୋଧନ?
ସ୍ଥିତି- ରାଷ୍ଟ୍ରପତିଙ୍କ ମୃତ୍ୟୁ ହେଲେ କିମ୍ବା ଶାସନ କରିବାକୁ ଅକ୍ଷମ ହେଲେ
ବ୍ୟବସ୍ଥା- ଅନ୍ୟଜଣଙ୍କୁ ଦେଶର ଶାସନ ଭାର ହସ୍ତାନ୍ତର କରାଯାଇପାରେ
ସ୍ଥିତି- ରାଷ୍ଟ୍ରପତି ଇସ୍ତଫା ଦେଲେ କିମ୍ବା ମୃତ୍ୟୁ ହେଲେ
ବ୍ୟବସ୍ଥା- ଉପରାଷ୍ଟ୍ରପତିଙ୍କୁ ଅସ୍ଥାୟୀ ଭାବେ ଦିଆଯିବ ଦାୟିତ୍ୱ
୨୫ ତମ ସଂଶୋଧନର ସେକ୍ସନ- ୪
-ରାଷ୍ଟ୍ରପତି କ୍ଷମତା ହସ୍ତାନ୍ତର ନକଲେ କିମ୍ବା ଦାୟିତ୍ୱ ନିର୍ବାହ କରିବାକୁ ଫେଲ ମାରିଲେ ତାଙ୍କୁ ପଦରୁ ହଟା ଯାଇପାରିବ