କନକ ବ୍ୟୁରୋ: ମାହାଙ୍ଗାର ଭେଡା-ସାଲେପୁର ଗାଁରେ ଜଣେ ମହିଳାଙ୍କୁ ହତ୍ୟା ଅଭିଯୋଗ ଘଟଣାରେ ମୁଖ୍ୟ ଅଭିଯୁକ୍ତ ଦୈତାରୀ ସ୍ୱାଇଁଙ୍କୁ ଗିରଫ କରିଛି ପୁଲିସ । ଘରୋଇ ଝଗଡାରୁ ଏହି ହତ୍ୟାକାଣ୍ଡ ହୋଇଛି ଓ ଦୈତାରୀ ହିଁ ଏକମାତ୍ର ଅଭିଯୁକ୍ତ ବୋଲି ସ୍ପଷ୍ଟ କରିଛି ମାହାଙ୍ଗା ପୁଲିସ । ଏହାସହ ଘଟଣାସ୍ଥଳରେ ଅଭିଯୁକ୍ତ ଡେମୋ ବି ଦେଖାଇଛି ।
Kanak News is now on WhatsApp
Join and get latest news updates delivered to you via WhatsApp
ଗତ ୧୮ ତାରିଖ ଦିନ ରାତିରେ ଭେଡା ସାଲେପୁର ଗାଁର ଅନ୍ନପୂର୍ଣ୍ଣା ମହାପାତ୍ରଙ୍କ ମୃତଦେହ ତାଙ୍କ ଘର ନିକଟ ଏକ ଶୁଖିଲା କେନାଲରୁ ମିଳିଥିଲା । ଏ ନେଇ ମାହାଙ୍ଗା ଥାନାରେ ଲିଖିତ ଅଭିଯୋଗ କରିଥିଲେ ଅନ୍ନପୂର୍ଣ୍ଣାଙ୍କ ପୁଅ । ଘଟଣାର ୬ ଦିନ ପରେ ମାହାଙ୍ଗା ପୁଲିସ ଭୀମଦାଶପୁର ଅଂଚଳରୁ ଦୈତାରୀ ସ୍ୱାଇଁଙ୍କୁ ଗିରଫ କରିଛି । ଦୈତାରୀ ହେଉଛି ଅନ୍ନପୂର୍ଣ୍ଣାଙ୍କ ଉଉଣୀ ଜ୍ୱାଇଁ । ମୃତ୍ୟୁ ଘଟଣାର ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି ପରିବାର ଲୋକେ ।