ପର୍ଯ୍ୟଟକଙ୍କ ମନ ମୋହୁଛି ବିଜୁ ସଂଗ୍ରହାଳୟ । ଯୁଦ୍ଧ ବିମାନ ଯନ୍ତ୍ରାଂଶ ଦେଖିବାକୁ ଲାଗୁଛି ଭିଡ । ସକାଳ ୯ଟାରୁ ସଂଗ୍ରହାଳୟ ଖୋଲିବାକୁ ଦାବି
କନକ ବ୍ୟୁରୋ: କୋରାପୁଟ ଜ଼ିଲ୍ଲା ସୁନାବେଡା ସେମିଲିଗୁଡା ଜାତୀୟ ରାଜପଥ କଡରେ ରହିଛି ପ୍ରବାଦ ପୁରୁଷ ସ୍ୱର୍ଗତ ବିଜୁ ପଟ୍ଟନାୟକଙ୍କ ନାମରେ ନାମିତ ବିଜୁ ସଂଗ୍ରହାଳୟ । ୨୦୧୮ରେ ହାଲ ପକ୍ଷରୁ ତିଆରି ହୋଇଥିବା ଏହି ସଂଗ୍ରହାଳୟରେ ବାୟୁ ସେନା ଲଢୁଆ ବିମାନର ବିଭିନ୍ନ ଯନ୍ତ୍ରପାତି ରହିଛି । କୋରାପୁଟର ସ୍ଥାନୀୟ ବାସିନ୍ଦା ଓ ପର୍ଯ୍ୟଟକମାନେ ଯୁଦ୍ଧ ବିମାନର ଯନ୍ତ୍ରାଣ ଦେଖିବାକୁ ବିଜୁ ସଂଗ୍ରହାଳୟରେ ଭିଡ ଲଗାଉଛନ୍ତି । ହାଲରେ ପ୍ରସ୍ତୁତ ଯନ୍ତ୍ରପାତି ନାଁ ଓ ଏହାର ବ୍ୟବହାର ସଂପର୍କରେ ଜଣାଇବା ପାଇଁ ପ୍ରତିଛବି ସହିତ ଯନ୍ତ୍ରପାତି ରହିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ବିଜୁ ସଂଗ୍ରାହଳୟ ବୁଲି ଦେଖିବା ପରେ ଛୋଟ ଛୋଟ ପିଲାମାନେ ଭାରତୀୟ ସେନାରେ ପାଇଲଟ ଭାବେ କାମ କରିବାକୁ ଇଚ୍ଛା ପ୍ରକାଶ କରିଛନ୍ତି । ସଂଗ୍ରହାଳୟରେ ବୁଲିବା ପାଇଁ ୫ ଟଙ୍କାର ଟିକେଟ୍ କରିବାକୁ ପଡିବ । ଗାଡି ପାର୍କିଂ ସୁବିଧା ରହିଛି । ସଂଗ୍ରହାଳୟଟି ସକାଳ ସମୟରେ ବନ୍ଦ ରହୁଥିବା ବେଳେ ଦିନ ୩ଟାରୁ ସନ୍ଧ୍ୟ ୫ଟା ପର୍ଯ୍ୟନ୍ତ ଖୋଲା ରହୁଛି ।
ସଂଗ୍ରହାଳୟକୁ ପ୍ରବେଶ ବିଷୟରେ କୌଣସି ତଥ୍ୟ ଦିଆ ଯାଇନଥିବା ଯୋଗୁ ଅନକେ ସମୟରେ ପର୍ଯ୍ୟଟକମାନେ ଗେଟ ପାଖରେ ଅପେକ୍ଷା କରି ଫେରି ଯାଉଛନ୍ତି । ତେଣୁ ସଂଗ୍ରହାଳୟକୁ ସକାଳ ୯ଟା ରୁ ସନ୍ଧ୍ୟ ୬ଟା ଯାଏଁ ଖୋଲିବା ପାଇଁ ସ୍ଥାନୀୟ ବାସିନ୍ଦା ଦାବି କରିଛନ୍ତି ।