ପୁଣି ଫେରୁଛି ମାଟି ସାମଗ୍ରୀର ଚାହିଦା । ଘର ସାଜସଜ୍ଜାଠୁ ନେଇ ରୋଷେଇ ସାମଗ୍ରୀ କିଣିବାକୁ ଜମୁଛି ଲୋକଙ୍କ ଭିଡ ।

69

କନକ ବ୍ୟୁରୋ: ପରମ୍ପରାର ଦୁନିଆରେ  ପ୍ଳାଷ୍ଟିକ ବଦଳରେ ବଡ଼ୁଛି ମାଟିର ଚାହିଦା । ପାଣି ପିଇବା ବୋତଲ ଠାରୁ ରନ୍ଧା ସାମଗ୍ରୀ ସବୁ କିଛି ମାଟିରେ ତିଆରି । ଦେଖିବାକୁ ଯେତିକି ସୁନ୍ଦର, ବ୍ୟବହାର କରିବା ସେତିକି ସହଜ । ହଜିବାକୁ ବସିଥିବା ମାଟି ସାମଗ୍ରୀ ଏବେ ନୁଆ ରୁପରେ ।  ଆଉ ଏହାକୁ କିଣିବାକୁ ମଧ୍ୟ ଏବେ ଲୋକଙ୍କ ଭିଡ଼ ।

ଆଧୁନିକ ପିଢ଼ିରେ ପ୍ଳାଷ୍ଟିକ ସାମଗ୍ରୀର ଚାହିଦା ରହିଥିବା ବେଳେ ଏବେ ଜୟପୁର ସହରରେ ଏହାର ଓଲଟା ଚିତ୍ର ଦେଖିବାକୁ ମିଳିଛି ।  ଘର କୋଣରେ ସଜାଇବାର ସାମଗ୍ରୀ ହେଉ କି ରନ୍ଧା ସାମଗ୍ରୀ  । ଚା କପ୍ ଠାରୁ ହଟ କେଶ, ରୋଟି ସେକିବା ତାୱା ଠାରୁ ରୋଷଇ ହାଣ୍ଡି, ଏପରିକି ଘର କରଣା ସାମଗ୍ରୀ ସବୁ କିଛି ତିଆରି ମାଟିରେ । ଦୁରରୁ ଦେଖିବାକୁ ପ୍ଳାଷ୍ଟିକ ଭଳି ଦେଖାଯାଉଥିଲେ ମଧ୍ୟ ଏହି ସବୁ ତିଆରି ମାଟିରେ । ଦେଖିଲେ କେହି ବିଶ୍ୱାସ କରିବେ ନାହିଁ ଯେ ମାଟିରେ ମଧ୍ୟ ଏପରି ସୁନ୍ଦର ସାମଗ୍ରୀ ପ୍ରସ୍ତୁତ ହୋଇପାରୁଛି ।

ଦେଖିବାକୁ ଯେତିକି ସୁନ୍ଦର ବ୍ୟବହାର କରିବାକୁ ମଧ୍ୟ ସେତିକି ସହଜ । ସହରର ପ୍ରତିଟି ରାସ୍ତା କଡ଼ରେ ଓ ଛକରେ ଏଭଳି ସାମଗ୍ରୀ ଏବେ ଲୋକଙ୍କ ଚାହିଦାକୁ ପୁରଣ କରୁଛି । ଯିଏ ବି ରାସ୍ତାରେ ଯାଉଛି, କ୍ଷଣକ ପାଇଁ  ରାସ୍ତା କଡ଼ରେ ଥିବା ଏହି ସାମଗ୍ରୀକୁ ଦେଖି ଅଟକି ଯାଉଛି । କିଏ ଦାମ ପଚାରି କିଣୁଛି ତ କିଏ ସୁନ୍ଦର ଏବଂ  ମାଟିର ନୁଆ ରୁପ ଦେଖି କିଣି ନେଉଛି ।

ରାସ୍ତା କଡ଼ରେ ସଜେଇ ହୋଇ ରହିଥିବା ଏହି ସବୁ ସାମଗ୍ରୀ ଜୟପୁର ସହରରେ ତ ବିକ୍ରୀ ହେଉଛି କିନ୍ତୁ ଆସୁଛି ସୁଦୁର ରାଜସ୍ତାନ ଜୟପୁରରୁ । ଏସବୁର ମୂଲ୍ୟ ୧୦୦ ରୁ ଆରମ୍ବ ହୋଇ ୫୦୦ ଟଙ୍କା ପର୍ଯ୍ୟନ୍ତ ରହିଛି । ସହରରେ  ବଡ଼ୁଥିବା ମାଟି ସାମଗ୍ରୀର ଚାହିଦାକୁ ଦେଖି ରାଜସ୍ଥାନରୁ ଅନେକ ପରିବାର ଏବେ ଏହି ମାଟି ତିଆରି ସାମଗ୍ରୀକୁ ନେଇ ନିଜର ଜୀବିକା ରୁପେ ଜୟପୁର ସହରକୁ ବାଛି ନେଇଛନ୍ତି ।

ପ୍ରତିଦିନ ୨ହଜାରରୁ ୫ ହଜାର ଟଙ୍କା ପର୍ଯ୍ୟନ୍ତ ପ୍ରତେକ ରାଜସ୍ତାନୀ ପରିବାର ଏହି ମାଟି ସାମଗ୍ରୀ  ଜୟପୁର ସହରରେ ବିକ୍ରୀ କରୁଛନ୍ତି । ମାଟିରେ ତିଆରି ପାଣି ବୋତଲ  ଓ ରୋଟି ସେକିବା ତାୱା, ସବୁ ଠାରୁ ଅଧିକା  ଚାହିଦା ରହିଥିବା ଏହି ରାଜସ୍ଥାନୀ ପରିବାର କହୁଛନ୍ତି ।

Comments are closed.