ଡେଲିଭରି ବୟଙ୍କ ଦରମାରେ ବୃଦ୍ଧି : ଏଣକି ମାସକୁ ପାଇବେ ୪୦-୫୦ ହଜାର ଟଙ୍କା
ଦେଶରେ ଇ-କମର୍ସ କମ୍ପାନିଙ୍କ ମଧ୍ୟରେ ପ୍ରବଳ ପ୍ରତିଦ୍ୱନ୍ଦ୍ୱିତା ଦେଖିବାକୁ ମିଳୁଛି। ବିଶେଷକରି ଘରେ ଘରେ ଖାଦ୍ୟ ପହଞ୍ଚାଉଥିବା କମ୍ପାନୀ ସ୍ୱିଗି, ଜୋମାଟୋ ଓ ଉବରଇଟ୍ସ ଭଳି କମ୍ପାନିରେ କାର୍ଯ୍ୟ କରୁଥିବା କର୍ମଚାରୀ ବା ଡେଲିଭରି ବୟଙ୍କ ଆୟ ଦୁଇଗୁଣ ହୋଇ ମାସକୁ ୪୦-୫୦ ହଜାର ଟଙ୍କା ହୋଇଗଲାଣି । ଏହା ପୂର୍ବରୁ ୧୮ରୁ ୨୦ ହଜାର ଟଙ୍କା ପ୍ରତି ମାସ ଦରମା ପାଉଥିଲେ ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତରେ ଏହି ଖାଦ୍ୟ କମ୍ପାନୀ ଗୁଡିକ ନିଜ ନିଜ ପ୍ଲାଟଫର୍ମରେ ଡେଲିଭରି ବୟଙ୍କ ପେମେଣ୍ଟକୁ ପାଖାପାଖି ୬୦ ପ୍ରତିଶତ ବା ତା’ଠାରୁ ଅଧିକ ବୃଦ୍ଧି କରିଛନ୍ତି । ଜମାଟୋ ଓ ସ୍ୱିଗି ନିଜ ଡେଲିଭରି କର୍ମଚାରୀଙ୍କ ପେମେଣ୍ଟରେ ଗତ ୩-୪ ମାସରେ ୬୦-୧୨୦ ପ୍ରତିଶତ ବୃଦ୍ଧି କରିଛି । ଏହା ବ୍ୟତୀତ ପିକ୍ ସମୟ ଓ ବର୍ଷା ଦିନରେ ଡେଲିଭରି ପାଇଁ ପ୍ରୋତ୍ସାହନ ରାଶି ଦିଆଯାଉଛି ।
ଫୁଡ ଡେଲିଭରି ଏଜେଣ୍ଟ ଙ୍କ ଆୟ ବଢ଼ିବାର ପ୍ରଭାବ ଫ୍ଲିପକାର୍ଟ, ବିଗବାସ୍କେଟ, ଡେଲିଭରି ଓ ଫେଡେକ୍ସ ଭଳି କମ୍ପାନୀର ଡେଲିଭରି କର୍ମୀଙ୍କ ଆମଦାନୀ ଉପରେ ବି ଭାରୀ ପଡିବ । ସେମାନେ ପ୍ରୋତ୍ସାହନ ରାଶି ସହିତ ୧୬ରୁ ୧୮ ହଜାର ଟଙ୍କା ମାସକୁ ପାଉଛନ୍ତି ।