ବିଶ୍ୱର ସବୁଠାରୁ ଲମ୍ବା ବସ୍ ଯାତ୍ରା: ବସରେ ଦିଲ୍ଲୀରୁ ଲଣ୍ଡନ୍ ଯାତ୍ରା: ବିମାନ ନୁହେଁ ୭୦ ଦିନର ବସ୍ ଯାତ୍ରାରେ ଛୁଇଁବେ ଲଣ୍ଡନ । ଆପଣ ସିଟ୍ ବୁକ୍ କରିବାକୁ ଚାହୁଁଥିଲେ ପଢ଼ନ୍ତୁ ଏହି ରିପୋର୍ଟ…

2,837

କନକ ବ୍ୟୁରୋ: ବସରେ ଦିଲ୍ଲୀରୁ ଲଣ୍ଡନ୍ ଯାତ୍ରା । ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ ।ଆପଣ ଭାରତରୁ ଲଣ୍ଡନକୁ ବିମାନରେ ନୁହେଁ ବରଂ ବସ୍ ଯୋଗେ ବି ଯାତ୍ରା କରିପାରିବେ । କରୋନା ଭୂତାଣୁ ଭୟ ହେତୁ ବିଶ୍ୱର ବିଭିନ୍ନ ଦେଶରେ ଲକଡାଉନ୍ ଜାରି ରହିଛି । ବିଦେଶୀ ଯାତ୍ରୀମାନଙ୍କୁ ନିୟନ୍ତ୍ରଣ କରିବା ପାଇଁ ଅନେକ ଦେଶରେ ବିମାନ ଯାତ୍ରା ମଧ୍ୟ ସୀମିତ ରହିଛି । ଏହି ସମୟରେ ଏକ ଟ୍ରାଭେଲ ଏଜେନ୍ସି ଦିଲ୍ଲୀ ଏବଂ ଲଣ୍ଡନ ମଧ୍ୟରେ ଏକ ନିଆରା ଯାତ୍ରା ପ୍ରଦାନ କରିବାକୁ ଘୋଷଣା କରିଛି । ନିଆରା ଯାତ୍ରା ଏଥିପାଇଁ କାରଣ ପର୍ଯ୍ୟଟକମାନେ ବିମାନ ଅପେକ୍ଷା ବସ୍ ଯୋଗେ ଯାତ୍ରା କରିବେ । ଗୁରୁଗାଓଁର ଏକ ଟ୍ରାଭେଲ କମ୍ପାନୀ ‘ବସ୍ ଟୁ ଲଣ୍ଡନ’ ନାମକ ଏକ ଯାତ୍ରା ଆୟୋଜନ କରିଛି ।

ଏହି ଯାତ୍ରା ୭୦ ଦିନର ରହିବ, ଯେଉଁଥିରେ ଯାତ୍ରୀମାନେ ଦିଲ୍ଲୀରୁ ଲଣ୍ଡନ ସଡ଼କରେ ଯାତ୍ରା କରିବେ । ଏହି ୭୦ ଦିନ ମଧ୍ୟରେ, ଯାତ୍ରୀମାନେ ୨୦୦୦୦ କିଲୋମିଟର ଦୂରତା ଅତିକ୍ରମ କରିବେ । କେବଳ ଏତିକି ନୁହେଁ ବସ ବ୍ରିଟେନରେ ପହଞ୍ଚିବା ପୂର୍ବରୁ ଏହା ମିଆଁମାର, ଥାଇଲ୍ୟାଣ୍ଡ, ଲାଓସ୍, ଚୀନ୍, କିର୍ଗିଜସ୍ଥାନ, ଉଜବେକିସ୍ତାନ, କାଜାଖସ୍ତାନ, ଋଷିଆ , ଲାଟଭିଆ, ଲିଥୁଆନିଆ, ପୋଲାଣ୍ଡ, ଚେକ ରିପବ୍ଲିକ, ଜର୍ମାନୀ, ନେଦରଲ୍ୟାଣ୍ଡ, ବେଲଜିୟମ ଏବଂ ଫ୍ରାନ୍ସ ଭଳି ୧୮ ଟି ଦେଶ ଦେଇ ଯାତ୍ରା କରିବ ।

ଯାତ୍ରାରେ କେବଳ ୨୦ ଜଣ ଯାତ୍ରୀ ଯାଇପାରିବେ । ଏହି ବସ୍ ରେ ୨୦ ଜଣ ଯାତ୍ରୀ ଏବଂ ଜଣେ ଡ୍ରାଇଭର, ସହକାରୀ ଡ୍ରାଇଭର, ଆୟୋଜକ କମ୍ପାନୀର ଏଜେଣ୍ଟ ଏବଂ ଜଣେ ଗାଇଡ୍ ରହିବେ । ଏହି ଯାତ୍ରାରେ ଯିବାକୁ ହେଲେ ସମ୍ପୃକ୍ତ ଯାତ୍ରୀଙ୍କୁ ୧୦ ଟି ଦେଶରୁ ଭିସା ଆବଶ୍ୟକ ହେବ। ଏହା ମଧ୍ୟ କମ୍ପାନୀ ଦ୍ୱାରା ବ୍ୟବସ୍ଥା କରାଯିବ । ଯେଉଁମାନେ ବିଭିନ୍ନ ଦେଶ ଭ୍ରମଣ କରିବାର ସ୍ୱପ୍ନ ଦେଖନ୍ତି ସେମାନଙ୍କ ପାଇଁ ଏହା ଏକ ଉତ୍ତମ ସୁଯୋଗ ହୋଇପାରେ । ରିପୋର୍ଟ ଅନୁଯାୟୀ, ଦିଲ୍ଲୀରୁ ଲଣ୍ଡନ ପର୍ଯ୍ୟନ୍ତ ଏହି ବସ୍ ଟିକେଟ୍ ପାଇଁ ଆପଣଙ୍କୁ ୧୫ ଲକ୍ଷ ଟଙ୍କା ଦେବାକୁ ପଡିବ। ଯେଉଁମାନେ ଏକକାଳୀନ ୧୫ ଲକ୍ଷ ଟଙ୍କା ସଂଗ୍ରହ କରିବାରେ ଅସମର୍ଥ, ସେମାନେ କିସ୍ତି ଭାବରେ ଭଡା ମଧ୍ୟ ଦେଇପାରିବେ |

Comments are closed.