ଓଡ଼ିଶାରେ ଦିଲ୍ଲୀ ଷ୍ଟାଇଲରେ ହତ୍ୟାକାଣ୍ଡ! ଲିଭ-ଇନ୍ ରିଲେସନ ପାଇଁ ଗଡ଼ିଲା ମୁଣ୍ଡ।
କନକ ବ୍ୟୁରୋ: ଦିଲ୍ଲୀରେ ଶ୍ରଦ୍ଧା ହତ୍ୟାକାଣ୍ଡ ସାରା ଦେଶରେ ହଇଚଇ ଖେଳାଇ ଦେଇଥିବା ବେଳେ ଓଡ଼ିଶାରେ ସମାନ କାରଣ ପାଇଁ ଘଟିଛି ଏକ ଜଘନ୍ୟ ହତ୍ୟାକାଣ୍ଡ । ଲିଭ୍-ଇନ୍ ରିଲେସନସିପ୍ ପାଇଁ ଜଣେ ଯୁବକଙ୍କୁ କରାଯାଇଛି ନିର୍ମମ ହତ୍ୟା । ଅଭିଯୋଗ ହେଉଛି ଯେ, ବାଲେଶ୍ୱରରେ ଜଣେ ଯୁବକଙ୍କୁ ପରକୀୟା ପ୍ରିତି ପାଇଁ ହତ୍ୟା କରିଛନ୍ତି ପ୍ରେମିକା ଓ ତାଙ୍କ ସ୍ୱାମୀ ।
Kanak News is now on WhatsApp
Join and get latest news updates delivered to you via WhatsApp
ପୋଲିସ୍ ସୂଚନା ଅନୁସାରେ, ନୟାଗଡ଼ ଜିଲ୍ଲାର ଶ୍ରୀଧର ଦଳବେହେରା ବାଲେଶ୍ୱରରେ ଫକୀର ନାୟକ ଓ ତାଙ୍କ ପତ୍ନୀ ସୁମିତ୍ରା ନାୟକଙ୍କ ସହ ମିଶି ରହୁଥିଲେ । ତିନି ଜଣ ଏକ ପ୍ରୋଜେକ୍ଟରେ ଏକାଠି କାମ କରୁଥିଲେ ।ଏହାରି ଭିତରେ ସୁମିତ୍ରା ଓ ଶ୍ରୀଧରଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ି ଉଠିଥିଲା । ଫକୀର ଏବାବଦରେ ଜାଣିବା ପରେ ସ୍ତ୍ରୀ ସୁମିତ୍ରାକୁ ଛାଡ଼ି ନିଜ ଗାଁକୁ ପଳାଇଥିଲେ । ଏହାପରେ ସୁମିତ୍ରା ଓ ଶ୍ରୀଧର ଏକାଠି ରହୁଥିଲେ । କିନ୍ତୁ ଗତ ୫ ତାରିଖରେ ଦୁହିଁଙ୍କ ମଧ୍ୟରେ ଝଗଡ଼ା ହୋଇଥିଲା । ପ୍ରତିଶୋଧ ପରାୟଣ ଥିବା ସୁମିତ୍ରା ପରଦିନ ରାତିରେ ଶ୍ରୀଧର ଶୋଇଥିବା ବେଳେ ଟାଙ୍ଗିଆରେ ତାଙ୍କ ଶରୀରରୁ ମୁଣ୍ଡଗଣ୍ଡି ଅଲଗା କରିଦେଇଥିଲା । ଘଟଣା ସମ୍ପର୍କରେ ସୁମିତ୍ରା ନିଜ ସ୍ୱାମୀ ଫକୀରକୁ ଜଣାଇଥିଲେ । ଫକୀର ନୟାଗଡ଼ରୁ ଆସିବା ପରେ ଶ୍ରୀଧରଙ୍କ ମୃତହେଦକୁ ଗାଁର ଜଣେ ବ୍ୟକ୍ତିଙ୍କ ବାଡ଼ିରେ ଫୋପାଡ଼ି ଦେଇଥିଲେ । ଆଉ କଟା ମୁଣ୍ଡକୁ ବାଲେଶ୍ୱରରୁ ୯୦ କିଲୋମିଟର ଦୂର ଭଦ୍ରକର ଭଣ୍ଡାରିପୋଖରୀରେ ପିଙ୍ଗି ଦେଇଥିଲେ ।
ପୋଲିସ୍ ଘଟଣାରେ ଉଭୟ ସ୍ୱାମୀ ଓ ସ୍ତ୍ରୀକୁ ଗିରଫ କରିଛି । ସେପଟେ ଅଭିଯୁକ୍ତକୁ ସାଥୀରେ ଧରି ବାଲେଶ୍ୱର ପୋଲିସ୍ ଭଦ୍ରକର ଭଣ୍ଡାରୀପୋଖରୀରେ ପହଞ୍ଚିଥିଲା, ଆଉ ସିନ୍ ରିକ୍ରିଏଟ୍ କରିଥିଲା । ଅଭିଯୁକ୍ତର ତଥ୍ୟ ଅନୁସାରେ କଟାମୁଣ୍ଡକୁ ଉଦ୍ଧାର ପରେ ତଦନ୍ତ ଆଗକୁ ବଢ଼ାଇଛି ପୋଲିସ୍ । ତେବେ ଏଭଳି ଭୟାନକ ଓ ନିର୍ମମ ହତ୍ୟାକାଣ୍ଡ ସାରା ରାଜ୍ୟରେ ଚାଞ୍ଚଲ୍ୟ ଖେଳାଇ ଦେଇଛି ।