କନକ ବ୍ୟୁରୋ : ଦେଶର ରାଜଧାନୀ ଦିଲ୍ଲୀରେ ଦେଖିବାକୁ ମିଳିଛି ଅଭାବନୀୟ ଘଟଣା । ଦିଲ୍ଲୀର ରୋହିଣୀ କୋର୍ଟ ପରିସରରେ ଗ୍ୟାଙ୍ଗୱାର ଘଟି ୪ ଜଣଙ୍କର ମୃତ୍ୟୁ ହୋଇଛି । ଶୁକ୍ରବାର ମଧ୍ୟାହ୍ନରେ ଗ୍ୟାଙ୍ଗଷ୍ଟର ଜିତେନ୍ଦ୍ର ଓରଫ ଗୋଗିକୁ କୋର୍ଟ ପରିସରରେ ଗୁଳିକରି ହତ୍ୟା କରାଯାଇଛି । ଏହାପରେ କୋର୍ଟ ପରିସରରେ ଉଭୟ ପକ୍ଷରୁ ଗୁଳି ବର୍ଷା ହୋଇଥିଲା । ଏଥିରେ ମୋଟ ୪ ଜଣଙ୍କର ମୃତ୍ୟୁ ହୋଇଥିବା କୁହାଯାଉଛି ।
ମୃତ୍ୟୁ ହୋଇଥିବା ୪ ଜଣଙ୍କ ମଧ୍ୟରୁ ଗ୍ୟାଙ୍ଗଷ୍ଟର ଜିତେନ୍ଦ୍ର ଥିବା ବେଳେ ଅନ୍ୟ ୩ ଜଣ ହେଉଛନ୍ତି ଯେଉଁମାନେ ଜିତେନ୍ଦ୍ରକୁ ହତ୍ୟା କରିବାକୁ ଆସିଥିଲେ ।
Kanak News is now on WhatsApp
Join and get latest news updates delivered to you via WhatsApp
୨ ବର୍ଷ ପୂର୍ବେ ଜିତେନ୍ଦ୍ରଙ୍କୁ ଦିଲ୍ଲୀ ପୋଲିସର ସ୍ପେଶାଲ ସେଲ ଗୁରୁଗ୍ରାମ ଠାରୁ ଗିରଫ କରିଥିଲେ । ସୂତ୍ର ସୂଚନା ମୁତାବକ ଆଜି ଜିତେନ୍ଦ୍ରକୁ ପୋଲିସ କୋର୍ଟରେ ହାଜର କରିବାକୁ ନେଉଥିବା ବେଳେ ବିରୋଧୀ ଗ୍ୟାଙ୍ଗ ତାଙ୍କ ଉପରକୁ ଗୁଳି କରିଥିଲେ । ଏଥିରେ ଜିତେନ୍ଦ୍ରଙ୍କର ଘଟଣା ସ୍ଥଳରେ ମୃତ୍ୟୁ ହୋଇଛି ।
#WATCH | Visuals of the shootout at Delhi’s Rohini court today
As per Delhi Police, assailants opened fire at gangster Jitender Mann ‘Gogi’, who has died. Three attackers have also been shot dead by police. pic.twitter.com/dYgRjQGW7J
— ANI (@ANI) September 24, 2021
ପୋଲିସର କହିବା ମୁତାବକ ଏନକାଉଣ୍ଟରରେ ମୃତ୍ୟୁ ବରଣ କରିଥିବା ୩ ଜଣ ଯାକ ଦିଲୁ ଗ୍ୟାଙ୍ଗର । ସେମାନେ ଓକିଲ ପୋଷାକରେ କୋର୍ଟ ପରିସରରେ ପ୍ରବେଶ କରିଥିଲେ । ଦିଲ୍ଲୁ ଗ୍ୟାଙ୍କର ମୃତ୍ୟୁବରଣ କରିଥିବା ୨ ଗ୍ୟାଙ୍ଗଷ୍ଟରଙ୍କ ନାମ ପୋଲିସ ପ୍ରକାଶ କରିନାହିଁ ।