ସୁନିୟୋଜିତ ଭାବେ କରାଯାଇଥିଲା ଦିଲ୍ଲୀ ଦଙ୍ଗା, ଯୋଜନା କରି ଭଙ୍ଗା ଯାଇଥିଲା ସିସିଟିଭି
କନକ ବ୍ୟୁରୋ : ୨୦୨୦ ଫେବୃଆରୀ ମାସରେ ହୋଇଥିବା ଦିଲ୍ଲୀ ଦଙ୍ଗାକୁ ନେଇ ଦିଲ୍ଲୀ ହାଇକୋର୍ଟ ଆଜି ଚାଞ୍ଚଲ୍ୟକର ତଥ୍ୟ ପ୍ରଦାନ କରିଛନ୍ତି । କୋର୍ଟ କହିଛନ୍ତି ଯେ ଦିଲ୍ଲୀରେ ସୁନିୟୋଜିତ ଭାବେ ଦଙ୍ଗା କରାଯାଇଥିଲା । କୋର୍ଟ କହିଛନ୍ତି କି ଅଭିଯୋଗକାରୀମାନେ ଯେଉଁ ଭିଡିଓ କୋର୍ଟରେ ଦାଖଲ କରିଛନ୍ତି ସେଥିରୁ ପ୍ରଦର୍ଶନକାରୀଙ୍କ ଆଚରଣ ସ୍ପଷ୍ଟ ହୋଇଛି । ଏହି ଭିଡିଓରୁ ଜଣାପଡିଛି ଯେ ସରକାରଙ୍କ ସହ ସହରର ଲୋକଙ୍କ ଧନ ଜୀବନ ନଷ୍ଟ କରିବାକୁ ଯୋଜନାବଦ୍ଧ ଭାବେ ଏହି ଦଙ୍ଗା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସହରର ଆଇନ ଶୃଙ୍ଖଳା ପରିସ୍ଥିତି ବିଗାଡିବାକୁ କିଛି ଅସାମାଜିକ ବ୍ୟକ୍ତି ପୂର୍ବ ଯୋଜନା ମୁତାବକ ପ୍ରଥମେ ସିସିଟିଭିକୁ ନିଷ୍କ୍ରିୟ କରାଯାଇଥିଲା । ଭିଡିଓ ଫୁଟେଜରୁ ସ୍ପଷ୍ଟ ହୋଇଛି ଯେ ଦଙ୍ଗାକାରୀମାନେ ପୋଲିସ ଉପରକୁ ଅମାନବୀୟ ଭାବେ ଲାଠି ଚାର୍ଜ କରୁଥିଲେ । ଦିଲ୍ଲୀ ହାଇକୋର୍ଟ ଏକ ଆଦେଶରେ କହିଛନ୍ତି କି, ଏହି ଦଙ୍ଗା ଅଚାନକ ହୋଇନାହିଁ , ପ୍ରଥମେ ଦଙ୍ଗାକାରୀମାନେ ଯୋଜନା କରି ଏହାପରେ ଏଭଳି ଦଙ୍ଗା କରିଥିଲେ ।
ଦିଲ୍ଲୀ ଦଙ୍ଗାରେ ଅଭିଯୁକ୍ତମାନଙ୍କର ଜାମିନ ନାକଜ କରିବା ବେଳେ ଜଷ୍ଟିସ୍ ସୁବ୍ରମଣ୍ୟମ ପ୍ରସାଦ କହିଛନ୍ତି ଯେ ପ୍ରଥମେ ସିସିିଟିଭିକୁ ଭଙ୍ଗାରୋଜା କରି ସହରର ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି କରିବାକୁ ଚେଷ୍ଟା କରାଯାଇଥିଲା ।