ଦିଲ୍ଲୀରେ ବଢିଲା ପବନର ବେଗ, ସାମନ୍ୟ କମିଲା ବାୟୁ ପ୍ରଦୂଷଣ । ତଥାପି ଗମ୍ଭୀର ଏୟାର କ୍ୱାଲିଟି ଇନଡେକ୍ସ, ଏବେବି ବଳବତର ସ୍ୱାସ୍ଥ୍ୟ ସମ୍ପର୍କିତ ଜରୁରୀ ପରିସ୍ଥିତି
କନକ ବ୍ୟୁରୋ : ବିଷ ବଳୟରେ ଦିଲ୍ଲୀ । ଦିଲ୍ଲୀ ଏନସିଆରରେ ବିପଦପୂର୍ଣ୍ଣ ସ୍ତରରେ ପହଁଚିଲା ପ୍ରଦୂଷଣର ମାତ୍ରା । ଦିଲ୍ଲୀରୁ ଉତରପ୍ରଦେଶ ଯାଏଁ ବହୁଛି ବିଷାକ୍ତ ବାୟୁ । ବୃଦ୍ଧି ପାଉଥିବା ବିଷ।କ୍ତ ବାୟୁ ଯୋଗୁଁ ରାଜଧାନୀ ଦିଲ୍ଲୀରେ ନଭେମ୍ବର ୫ ଯାଏଁ ସ୍କୁଲ ଛୁଟି ଘୋଷଣା କରାଯାଇଛି । ଏହାସହ ସ୍ୱାସ୍ଥ୍ୟଗତ ଜରୁରୀ ପରିସ୍ଥିତି ବି ଘୋଷଣା କରାଯାଇଛି । ସକାଳୁ ସକାଳୁ ଦିଲ୍ଲୀ ଆକାଶ ସମ୍ପୂର୍ଣ୍ଣ ଭାବେ ଧୂଆଁଳିଆ ରହୁଛି । ଫଳରେ ଲୋକଙ୍କୁ ନାନା ଅସୁବିଧାର ସମ୍ମୁଖୀନ ହେବାକୁ ପଡୁଛି । ।
Kanak News is now on WhatsApp
Join and get latest news updates delivered to you via WhatsApp
ହେଲଥ୍ ଇମରଜେନ୍ସି ଜାରି ହେବା ପରେ ଲୋକେ ମୁହଁରେ ମାସ୍କ ପିନ୍ଧି ଘରୁ ବାହାରକୁ ବାହାରୁଥିବାର ଦେଖିବାକୁ ମିଳିଛି । ଦିଲ୍ଲୀରେ ଏୟାର କ୍ୱାଲିଟି ଇଣ୍ଡେକ୍ସ ୪୭୦ ଉପରେ ପହଁଚିଛି । ଯାହାକି ସବୁଠୁ ବିପଦସ୍ତର ।ଦିଲ୍ଲୀ-ଏନସିଆରରେ ପବନର ଗୁଣବତା ପ୍ରତିଦିନ ଖରାପ ହେବା ସହ ଅତି ଗମ୍ଭୀର ସ୍ତରକୁ ଯାଉଛି ।ସେପଟେ ଏହା ସରକାରଙ୍କ ଚିନ୍ତା ବଢାଇଛି । ପଡୋଶୀ ରାଜ୍ୟଗୁଡିକରେ ଶସ୍ୟ ନଡା ଜଳା ଯାଉଥିବାରୁ ଏହି ବିଷାକ୍ତ ବାୟୁ ପ୍ରବାହିତ ହେଉଥିବା କହୁଛନ୍ତି ଦିଲ୍ଲୀ ସରକାର ।