ଦିଲ୍ଲୀ ଏମସିଡି ମେୟର ନିର୍ବାଚନ: ଫେବ୍ରୁଆରୀ ୧୬ରେ ଭୋଟିଂ ଟାଳିଲେ ସୁପ୍ରିମକୋର୍ଟ ।

କନକ ବ୍ୟୁରୋ : ଦିଲ୍ଲୀ ନଗର ନିଗମ ମେୟର ନିର୍ବାଚନ ଫେବ୍ରୁଆରୀ ୧୬ରେ ଅନୁଷ୍ଠିତ ହେବ ନାହିଁ । ଏହି ମାମଲାରେ ସୁପ୍ରିମକୋର୍ଟରେ ପରବର୍ତ୍ତୀ ଶୁଣାଣି ଫେବ୍ରୁଆରୀ ୧୭ରେ ହେବ । ଶୀର୍ଷ ଅଦାଲତଙ୍କ କହିବା କଥା ସାମ୍ବିଧାନିକ ଧାରାରୁ ଏହା ସ୍ପଷ୍ଟ ହେଉଛି ଯେ, ମନୋନୀତ କାଉନସିଲରଙ୍କ ଭୋଟଦାନର ଅଧିକାର ନାହିଁ । ମୁଖ୍ୟ ବିଚାରପତି ଡିୱାଇ ଚନ୍ଦ୍ରଚୂଡ କହିଛନ୍ତି, ମନୋନୀତ କାଉନସିଲର ମେୟର ନିର୍ବାଚନରେ ଭୋଟ ଦେଇପାରିବେ ନାହିଁ ।

ସମ୍ବିଧାନରେ ଏନେଇ ସ୍ପଷ୍ଟ ଭାବେ ଉଲ୍ଲେଖ ରହିଛି । ଉପରାଜ୍ୟପାଳଙ୍କ ପକ୍ଷରୁ ଅତିରିକ୍ତ ସଲିସିଟର ଜେନେରାଲ ସଞ୍ଜୟ ଜୈନ ପକ୍ଷ ରଖିଥିଲେ । ସେ କହିଥିଲେ ଫେବ୍ରୁଆରୀ ୧୬ରେ ନିର୍ବାଚନ ଅନୁଷ୍ଠିତ ହେଉଛି । ତେବେ ମନୋନୀତ ସଦସ୍ୟଙ୍କ ଭୋଟଦାନ ନେଇ ଆମେ ତର୍କ ରଖିବାକୁ ଚାହୁଁଛୁ ।