ଦିଲ୍ଲୀ ଅବକାରୀ ନୀତି ମାମଲାରେ କେଜ୍ରିୱାଲଙ୍କୁ ବଡ ଝଟକା । ୧୪ ଦିନିଆ ନ୍ୟାୟିକ ହେପାଜତକୁ ପଠାଇଲେ କୋର୍ଟ
କନକ ବ୍ୟୁରୋ : ଦିଲ୍ଲୀ ଅବକାରୀ ନୀତି ମାମଲା ସହିତ ଜଡିତ କଥିତ ଅର୍ଥ ହେରଫେର ମାମଲାରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ବଡ ଝଟକା ଲାଗିଛି । ରାୱଜ ଏଭିନ୍ୟୁ କୋର୍ଟ କେଜ୍ରିୱାଲଙ୍କୁ ୧୪ ଦିନିଆ ନ୍ୟାୟିକ ହେପାଜତକୁ ପଠାଇଦେଇଛନ୍ତି । ସୂଚନା ଥାଉକି ସଂପୃକ୍ତ ମାମଲାରେ ସିବିଆଇ ଆଜି କେଜ୍ରିୱାଲଙ୍କ ୩ ଦିନିଆ ରିମାଣ୍ଡ ସରିବା ପରେ କୋର୍ଟରେ ହାଜର କରିଥିଲେ । ସେଠାରେ ସବିଆଇ କହିଥିଲା କି, ଆଉ ରିମାଣ୍ଡର ଆବଶ୍ୟକତା ନାହିଁ । ଏହାସହ କେଜ୍ରିୱାଲଙ୍କୁ ନ୍ୟାୟିକ ହେପାଜତକୁ ପଠାଇବାକୁ ସିବିଆଇ କୋର୍ଟଙ୍କୁ ଅନୁରୋଧ କରିଥିଲା । କୋର୍ଟ ସିବିଆଇର ଅନୁରୋଧ ଉପରେ ବିଚାର କରି କେଜ୍ରିୱାଲଙ୍କୁ ଆଉ ୧୪ ଦିନ ପାଇଁ ନ୍ୟାୟିକ ହେପାଜତକୁ ପଠାଇ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସିବିଆଇ ତରଫରୁ କୋର୍ଟରେ ଯେଉଁ ଦଲିଲ୍ ଦିଆଯାଇଥିଲା ସେଥିରେ ଉଲ୍ଲେଖ ରହିଛି କି, ଯେତେବେଳେ ଦେଶରେ କରୋନା ମହାମାରୀ ବ୍ୟାପୁଥିଲା, ସେତେବେଳେ ଦିଲ୍ଲୀ କ୍ୟାବିନେଟରେ ଅବକାରୀ ନୀତିର ପରିବର୍ତ୍ତନର କ’ଣ ଆବଶ୍ୟକତା ଥିଲା । ଅବକାରୀ ନୀତିକୁ ଲାଗୁ କରିବା ନେଇ କେଜ୍ରିୱାଲ କ୍ୟାବିନେଟ ଏତେ ବ୍ୟସ୍ତ କାହିଁକି ଥିଲା । ସବିଆଇ କହିଛି କି, ସାଉଥ୍ ଲବି ସହିତ ଜଡିତ ଅଭିଯୁକ୍ତ ଦିଲ୍ଲୀରେ ରହିଥିଲେ, ସେ କେଜ୍ରିୱାଲଙ୍କ ସଂପର୍କୀୟ ବିଜୟ ନାୟାରଙ୍କ ସଂପର୍କରେ ଥିଲେ । ସବିଆଇ ଅଭିଯୋଗ କରିଛି କି, ଜେରା ବେଳେ କେଜ୍ରିୱାଲ ବିଜୟ ନାୟାରଙ୍କ ସହ ବୈଠକ, କୋଟି କୋଟି ଟଙ୍କାର ଚାନ୍ଦା, ଗୋଆ ନିର୍ବାଚନରେ ୪୪ କୋଟି ଟଙ୍କା ଖର୍ଚ୍ଚ ଭଳି ପ୍ରଶ୍ନର ଜବାବ ଦେଇନାହାଁନ୍ତି ।