କନକ ବ୍ୟୁରୋ: ମଧ୍ୟପ୍ରଦେଶ ଓ ମହାରାଷ୍ଟ୍ର ଭଳି ରାଜ୍ୟ ଯେତିକି ଅକ୍ସିଜେନ ମାଗୁଛନ୍ତି, ତାଠୁ ଅଧିକ ଅକ୍ସିଜେନ ଯୋଗା ଯାଉଛି । ହେଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଅକ୍ସିଜେନ ପାଇଁ ବାରମ୍ବାର ନିବେଦନ କରିବା ସତ୍ତ୍ବେ କାହିଁକି ଯୋଗା ଯାଉ ନାହିଁ । ତେଣୁ କେନ୍ଦ୍ର ସରକାର ଅଧିକ ଅକ୍ସିଜେନ ଦାବି କରିଥିବା ରାଜ୍ୟକୁ କମ ଅକ୍ସିଜେନ ଯୋଗାଣର କେତେ ଯୁକ୍ତି ସଙ୍ଗତ ତାହା ଦର୍ଶାନ୍ତୁ କିମ୍ବା ଅକ୍ସିଜେନ ବଂଟନ ପାଇଁ ଆଇନ ଆଣନ୍ତୁ ବୋଲି କହିଛନ୍ତି ଦିଲ୍ଲୀ ହାଇକୋର୍ଟ । ଗୁରୁବାର ମାମଲାର ଶୁୁଣାଣି କରି ଜଷ୍ଟିସ ବିପିନ ସଙ୍ଘାଇ ଓ ଜଷ୍ଟିସ ରେଖା ପାଲ୍ଲିଙ୍କ ଖଣ୍ଡପୀଠ କେନ୍ଦ୍ରକୁ ଏପରି କଡା ଟିପ୍ପଣୀ କରିଛନ୍ତି । ଏଥିସହ ଶୁକ୍ରବାର ଜବାବ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାରଙ୍କ ପକ୍ଷ ରଖି ସିଲିସିଟର ଜେନେରାଲ ତୁଷାର ମେହେଟ୍ଟା କହିଛନ୍ତି ମଧ୍ୟପ୍ରଦେଶରେ ସଂକ୍ରମଣ ବଢିବାରୁ ଅଧିକ ଅକ୍ସିଜେନ ଯୋଗାଯାଇଛି । ଏହା ଏନଡିଏ ବନାମ ଅନ୍ୟ ସରକାର ନୁହେଁ । ରାଜ୍ୟ ସହ ମିଳିତ ଭାବେ କରୋନା ବିରୋଧରେ ଲଢୁଛନ୍ତି କେନ୍ଦ୍ର ସରକାର । ଦିଲ୍ଲୀରେ ଅକ୍ସିଜେନ ଅଭାବ ଅବସ୍ଥା ଅସମ୍ଭାଳ ହେଲାଣି । ତେଣୁ ଦିଲ୍ଲୀକୁ ଆଂବଟିତ ହୋଇଥିବା ୪୯୦ ମେଟ୍ରିକ ଟନ ଅକ୍ସିଜେନ ଯୋଗାଣ କାହିଁକି ଆରମ୍ଭ ହୋଇ ନାହିଁ ବୋଲି ପ୍ରଶ୍ନ କରିଛନ୍ତି ଖଣ୍ଡପୀଠ । ହାଇକୋର୍ଟ କେନ୍ଦ୍ରକୁ ପ୍ରଶ୍ନ କରିଛନ୍ତି ..
- ମଧ୍ୟପ୍ରଦେଶ ୪୪୫ ମେଟ୍ରିକ ଟନ୍ ଅକ୍ସିଜେନ ଦାବି କରିଥିଲା
- ମଧ୍ୟପ୍ରଦେଶକୁ ମିଳିଛି ୫୪୦ ମେଟ୍ରିକ ଟନ୍ ଅକ୍ସିଜେନ
- ମହାରାଷ୍ଟ୍ର ୧୫୦୦ ମେଟ୍ରିକ ଟନ୍ ଅକ୍ସିଜେନ ଦାବି କରିଥିଲା
- ମହାରାଷ୍ଟ୍ରକୁ ମିଳିଛି ୧୬୬୧ ମେଟ୍ରିକ ଟନ୍ ଅକ୍ସିଜେନ୍
- ଦିଲ୍ଲୀ ୭୮୦ ମେଟ୍ରିକ ଟନ୍ ଅକ୍ସିଜେନ ଦାବି କରିଥିଲା
- ଦିଲ୍ଲୀକୁ ମିଳିଛି ୪୮୦ ମେଟ୍ରିକ ଟନ୍ ଅକ୍ସିଜେନ୍
ଦିଲ୍ଲୀରେ ଅକ୍ସିଜେନ ଅଭାବ ଯୋଗୁଁ ଦିଲ୍ଲୀରେ ଅତିକମରେ ୨୫ ଜଣ ରୋଗୀଙ୍କ ମୃତ୍ୟୁ ହୋଇଥିବା ସୂଚନା ରହିଛି । ତେଣଉ ଦିଲ୍ଲୀକୁ କାହିଁକି ଆବଶ୍ୟକତା ମୁତାବକ ଅକ୍ସିଜେନ ଯୋଗାଣ କରାଯାଉ ନାହିଁ ବୋଲି କେନ୍ଦ୍ରକୁ ପ୍ରଶ୍ନ କରିଛନ୍ତି ଦିଲ୍ଲୀ ହାଇକୋର୍ଟ । କେନ୍ଦ୍ରର ପକ୍ଷ ରଖି ସଲିସଟର ଜେନେରାଲ ତୁଷାର ମହେଟ୍ଟା କହିଛନ୍ତି, ଗୁଜୁରାଟ ଭଳି ରାଜ୍ୟକୁ ଦାବି ଠାରୁ କମ୍ ଅକ୍ସିଜେନ ବଂଟନ କରାଯାଇଥିବା ନଜିର ମଧ୍ୟ ରହିଛି ।