ଦିଲ୍ଲୀରେ ସାଂଘାତିକ ସ୍ଥିତିରେ ବାୟୁ ପ୍ରଦୂଷଣ । ଧୂମପାନଠୁ ଅଧିକ କ୍ଷତିକାରକ ବାୟୁର ମାନ, କମିଯାଉଛି ଦିଲ୍ଲୀବାସୀଙ୍କ ଆୟୁଷ ।
କନକ ବ୍ୟୁରୋ : ରାଜଧାନୀ ଦିଲ୍ଲୀରେ ସାଂଘାତିକ ହେଲାଣି ବାୟୁ ପ୍ରଦୂଷଣ । ଦୀପାବଳିର ଦୁଇ ଦିନ ପରେ ବି ବାୟୁର ମାନ ବିପଦଜନକ ସ୍ଥିତିରେ ରହିଛି । ଗତ ୫ ବର୍ଷର ରେକର୍ଡ କାଟିଦେଇଛି ଚଳିତବର୍ଷର ବାୟୁ ପ୍ରଦୂଷଣ । ଏମ୍ସ ନିର୍ଦ୍ଦେଶକ ଡାକ୍ତର ରଣଦୀପ ଗୁଲେରିୟା କହିଛନ୍ତି, ଦିଲ୍ଲୀର ବାୟୁ ଧୁମପାନଠୁ ଅଧିକ କ୍ଷତିକାରକ । ଅଧ୍ୟୟନ କହୁଛି, ବାୟୁ ପ୍ରଦୂଷଣ ଯୋଗୁ ଦିଲ୍ଲୀ ବାସିନ୍ଦାଙ୍କ ଜୀବନକାଳ କମିଯାଉଛି । ଅଧିକାଂଶ ଲୋକଙ୍କ ଫୁସଫୁସ୍ କଳା ପଡ଼ିଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଭାରତ ଗଙ୍ଗେୟ ସମତଳ ଅଞ୍ଚଳରେ ପ୍ରଦୂଷଣର ମାତ୍ରା ଅଧିକ ରହିଛି । ଦୀପାବଳିରେ ବାଣ ଫୁଟାଇବାଠାରୁ ଆରମ୍ଭ କରି ଅଧିକ ଗାଡି ଚଳାଇବା କାରଣରୁ ପ୍ରଦୂଷଣ ବଢିଛି । ପ୍ରଦୂଷଣ ଯୋଗୁ ସଂକ୍ରମଣ ଅଧିକ ବଢିପାରେ । ସେପଟେ ଦିଲ୍ଲୀ ପ୍ରଦୂଷଣ ରୋକିବାକୁ ଜରୁରୀ ପଦକ୍ଷେପ ଗ୍ରହଣ କରିଛନ୍ତି ଦିଲ୍ଲୀ ସରକାର । ରାସ୍ତାରେ ପାଣି ଛିଞ୍ଚିବା ପାଇଁ ୧୧୪ଟି ପାଣି ଟ୍ୟାଙ୍କର ମୁତୟନ କରିଛନ୍ତି । ଏହା ସହ ୯୨ଟି ନିର୍ମାଣ ସ୍ଥଳ ବନ୍ଦ କରାଯାଇଛି ।