କନକ ବ୍ୟୁରୋ : ରାଜଧାନୀ ଦିଲ୍ଲୀରେ ପୂର୍ବଭଳି ବଜାର ଖୋଲିବାକୁ ଅନୁମତି ଦିଆଯାଇଛି । ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି କି ସୋମବାର ଠାରୁ ଦିଲ୍ଲୀର ସମସ୍ତ ଦୋକାନ ବଜାର ପୂର୍ବଭଳି ଖୋଲାଯାଇ ପାରିବ ।
Kanak News is now on WhatsApp
Join and get latest news updates delivered to you via WhatsApp
କରୋନା ସଂକ୍ରମଣ ବଢୁଥିବା କାରଣରୁ ବର୍ତମାନ ପର୍ଯ୍ୟନ୍ତ କଟକଣା ଲାଗି ରହିଥିଲା । କଟକଣା ମୁତାବକ ଦୋକାନ ବଜାର ରାତି ୮ ଟା ପର୍ଯ୍ୟନ୍ତ ଖୋଲିବାକୁ ଅନୁମତି ଦିଆଯାଇଥିଲା । ଏବେ କମୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ସମସ୍ତ ପ୍ରତିବନ୍ଧକ ହଟାଇ ଦେଇଛନ୍ତି ।
କହିରଖୁ କି କରୋନା ସଂକ୍ରମଣକୁ ଦୃଷ୍ଟିରେ ରଖି ଦିଲ୍ଲୀରେ ସବୁ ପ୍ରକାର ପ୍ରତିବନ୍ଧକ ଲଗାଯାଇଥିଲା । ଏମିତି କି କିଛିମାସ ଧରି ପୁରା ରାଜଧାନୀରେ ଦୋକାନ ବଜାର ବନ୍ଦ କରିଦିଆଯାଇଥିଲା । ହେଲେ ସଂକ୍ରମଣ ହାର କମିବା ପରେ ଧିରେ ଧିରେ ଗୋଟିଏ ଗୋଟିଏ ପ୍ରତିବନ୍ଧକ ହଟାଇବାରେ ଲାଗିଛନ୍ତି ରାଜ୍ୟ ସରକାର ।
ଅନ୍ୟପଟେ ପ୍ରତିବନ୍ଧକ ହଟାଯାଇଥିଲେ ବି କରୋନା କଟକଣା ନମାନିବା କ୍ଷେତ୍ରରେ ଅନେକ ସମୟରେ କିଛି ବଜାରକୁ ସଟଡାଉନ ଘୋଷଣା କରାଯାଉଥିଲା । ହେଲେ ଏବେ ଦିଲ୍ଲୀର ସମସ୍ତ ଦୋକାନ ବଜାର କରୋନା କଟକଣା ମୁକ୍ତ କରାଯାଇଛି ।
Markets of Delhi were allowed to function till 8 pm due to COVID-19. In wake of decreasing cases, this restriction will be removed starting Monday. Now the markets can open as per their normal time: CM Arvind Kejriwal
(File photo) pic.twitter.com/DXe4d05coi
— ANI (@ANI) August 21, 2021
କିଛିଦିନ ହେବ ରାଜଧାନୀ ଦିଲ୍ଲୀରେ ସଂକ୍ରମଣ ମାମଲା ଆଶାତୀତ ଭାବେ ହ୍ରାସ ପାଇବାରେ ଲାଗିଛି । ସ୍ୱାସ୍ଥ୍ୟ ସମାଚାର ସୂଚନା ମୁତାବକ ଶନିବାର ଦିନ ଦିଲ୍ଲୀରେ ମାତ୍ର ୧୯ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ସବୁଠାରୁ ବଡକଥା ଗତ ୨୪ ଘଂଟା ମଧ୍ୟରେ ଦିଲ୍ଲୀରେ କରୋନା ସଂକ୍ରମଣରେ କୌଣସି ଲୋକଙ୍କର ମୃତ୍ୟୁ ହୋଇ ନାହିଁ ।
ଅନ୍ୟପଟେ ଏବେ ରାଜଧାନୀରେ ସକ୍ରିୟ ମାମଲା ମାତ୍ର ୪୩୦ ରହିଛି । ରାଜଧାନୀରେ କରୋନା ସଂକ୍ରମଣରୁ ମୋଟ ୧୪,୧୧,୭୮୪ ସୁସ୍ଥ ହୋଇଥିବା ବେଳେ ୨୫,୦୭୯ ଜଣଙ୍କର ମୃତ୍ୟୁ ହୋଇଛି ।