ଦିଲ୍ଲୀରେ କାଲିଠାରୁ ୯୦ ଦିନ ପର୍ଯ୍ୟନ୍ତ ଘରୋଇ ମଦ ଦୋକନ ବନ୍ଦ, ନୂଆ ଅବକାରୀ ନୀତି ଲାଗୁନେଇ ଆପ ସରକାରଙ୍କ ନିଷ୍ପତ୍ତି
କନକ ବ୍ୟୁରୋ : ରାଜଧାନୀ ଦିଲ୍ଲୀରେ ମଦ ଓ ବିଅର ସେବନ କରୁଥିବା ଲୋକମାନେ ଆସନ୍ତାକାଲି ଠାରୁ ଅସୁବିଧାରେ ପଡିପାରନ୍ତି । କେଜ୍ରିୱାଲ ସରକାରଙ୍କ ନୂଆ ଅବକାରୀ ନିତୀ କ୍ରମରେ ଅକ୍ଟୋବର ପହିଲା ଠାରୁ ଘରୋଇ ମଦ ଦୋକାନ ବନ୍ଦ ରହିବ । ପୁଣି ଏହି ଦୋକାନଗୁଡିକ ନଭେମ୍ବର ୧୭ ତାରିଖ ସୁଦ୍ଧା ଖୋଲିବ ବୋଲି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କେଜ୍ରିୱାଲ ସରକାରଙ୍କ ନିର୍ଦ୍ଦେଶ ମୁତାବକ ଅକ୍ଟୋବର ପହିଲାର ନଭେମ୍ବର ୧୬ ତାରିଖ ପର୍ଯ୍ୟନ୍ତ ଘରୋଇ ମଦ ଦୋକାନଗୁଡିକ ବନ୍ଦ ରହିବ । ଏହାର କାରଣ ଦର୍ଶାଇ ସରକାର କହିଛନ୍ତି କି ଏହି ସମୟ ମଧ୍ୟରେ ସୂଚାରୁରୂପେ ନୂଆ ଅବକାରୀ ଆଇନ ଲାଗୁ କରାଯାଇ ପାରିବ । ସରକାରଙ୍କ ଏଭଳି ନିର୍ଦ୍ଦେଶ ପରେ ଘରୋଇ ମଦଦୋକାନୀମାନେ ଏବେ ନୂଆ ଷ୍ଟକ ଅର୍ଡର ଦେବା ବନ୍ଦ କରିଦେଇଛନ୍ତି ।
ଦିଲ୍ଲୀ ସରକାରଙ୍କ ନୂଆ ଅବକାରୀ ନୀତି ଭିତରେ କଣ ଆଇନ ରହିଛି । ଏହାକୁ ଲାଗୁ କରାଗଲେ ସରକାରଙ୍କୁ କଣ ଫାଇଦା ହେବ ତାହା ସ୍ପଷ୍ଟ ହୋଇନଥିବା ବେଳେ ଦୀର୍ଘ ଦେଢମାସ ଦିଲ୍ଲୀରେ ଘରୋଇମଦ ଦୋକାନ ବନ୍ଦ ରହିଲେ ରାଜ୍ୟରେ ରାଜସ୍ୱ କ୍ଷତି ହେବାର ଅନେକ ସମ୍ଭାବନା ଦେଖା ଦେଇଛି । ଏହାକୁ ନେଇ ଘରୋଇ ମଦଦୋକାନ ମାଲିକମାନେ ଅସନ୍ତୋଷ ପ୍ରକାଶ କରିଛନ୍ତି ।