ଦିଲ୍ଲୀରେ ଶସ୍ୟ ମଣ୍ଡିରେ ଭୟଙ୍କର ଅଗ୍ନିକାଣ୍ଡ । ନିଆଁରେ ଜଳି ୩୫ ମୃତ, ଅନେକ ଫସି ରହିଥିବା ସୂଚନା । ଉଦ୍ଧାର କାର୍ଯ୍ୟ ଜାରି
କନକ ବ୍ୟୁରୋ: ଦିଲ୍ଲୀରେ ଶସ୍ୟ ମଣ୍ଡିରେ ଭୟଙ୍କର ଅଗ୍ନିକାଣ୍ଡ । ନିଆଁର ଆଁରେ ପୁରା ଫସି ଯାଇଛି ଦିଲ୍ଲୀର ରାଣୀ ଝାନସୀ ଅଂଚଳରେ ଥିବା ଏହି ଶସ୍ୟ ମଣ୍ଡି । ବର୍ତମାନ ସୁଦ୍ଧା ୩୫ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି । ନିଆଁ ଲିଭା ଓ ଉଦ୍ଧାର କାମରେ ଲାଗିଛି ୩୦ ଟି ଅଗ୍ମିଶମ ବାହିନୀ । ନିଆଁ ଭିତରୁ ପ୍ରାୟ ୫୦ ଜଣଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତି କରାଯାଇଛି । ଆହୁରି ଲୋକ ନିଆଁ ଭିତରେ ଫସି ରହିଥିବା ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
Dr Kishore Kumar, Medical Superintendent, Lok Nayak Hospital on fire incident at Rani Jhansi Road: There are 14 casualties. Our team of doctors are attending to the injured; Visuals from Rani Jhansi Road #Delhi pic.twitter.com/4lzOXWvR8H
— ANI (@ANI) December 8, 2019
ନିଆଁ ଅତି ଭୟଙ୍କର ଭାବରେ ବ୍ୟାପିଥିବାରୁ ମୃତ୍ୟୁ ସଂଖ୍ୟା ଆଗକୁ ବୃଦ୍ଧି ପାଇବା ସଂଭାବନା ରହିଛି । ସକାଳ ପ୍ରାୟ ୫ଟାରେ ପାଖରେ ମଣ୍ଡିରେ ଥିବା ଏକ ପାଉଁରୁଟି କାରଖାନାରେ ନିଆଁ ଲାଗିଥିଲା । କୋଠାଟି ୩ ମହଲା ବିଶିଷ୍ଟ ହୋଇଥିବା ବେଳେ ପ୍ରଥମେ ଉପର ମହଲାରେ ନିଆଁ ଲାଗିବା ପରେ ପୁରା କୋଠାକୁ ବ୍ୟାପିଥିଲା । ପୁରା ଅଂଚଳଟି ଅଣ ଓସାରିଆ ହୋଇଥିବାରୁ ଭିତରକୁ ପହଁଚି ଦମକଳ ଗାଡି ନିଆଁ ଲିଭାଇବା କଷ୍ଟକର ହୋଇଥିଲା । ତଥାପି ନିଆଁ ଲିଭାଇବାକୁ ଉଦ୍ୟମ ଜାରି ରହିଛି ।