ଦିଲ୍ଲୀ ବିଧାନସଭା ନିର୍ବାଚନ : ମତଦାନ କେନ୍ଦ୍ରରେ ଆପ୍ – କଂଗ୍ରେସ ମୁହାଁମୁହିଁ , ଆପ୍ କାର୍ଯ୍ୟକର୍ତ୍ତାଙ୍କୁ ଚାପୁଡା ମାରିଲେ କଂଗ୍ରେସ ପ୍ରାର୍ଥୀ ଅଲକା ଲାମ୍ବା ।

ସକାଳୁ ସକାଳୁ ଦିଲ୍ଲୀ ବିଧାନସଭା ନିର୍ବାଚନ ପାଇଁ ମତଦାନ ହେବା ଆରମ୍ଭ ହୋଇସାରିଛି । ସକାଳ ୧୧ ଟା ସୁଦ୍ଧା ଦିଲ୍ଲୀରେ ୬.୯୬% ମତଦାନ ହୋଇଛି । ଏଥିମଧ୍ୟରେ ଚାନ୍ଦନୀ ଚୌକ୍ ରୁ କଂଗ୍ରେସ ପ୍ରାର୍ଥୀ ଅଲକା ଲାମ୍ବା ଆମ୍ ଆଦମୀ ପାର୍ଟି (ଆପ୍) ର ଜଣେ କାର୍ଯ୍ୟକର୍ତ୍ତାଙ୍କୁ ଚାପୁଡା ମାରିବାକୁ ଉଦ୍ୟମ କରିଥିବା ଖବର ଆସୁଛି । ଚାନ୍ଦନୀ ଚୌକ୍ ର ମଜନୁ କେ ଟିଲେ ମତଦାନ କେନ୍ଦ୍ରରେ ୧୨୬ ରୁ ୧୩୩ ପର୍ଯ୍ୟନ୍ତ ଅଲକା ଲାମ୍ବା ଏବଂ ଆପ୍ କାର୍ଯ୍ୟକର୍ତ୍ତାଙ୍କ ଭିତରେ କଥା କଟାକଟି ହୋଇଥିଲା । ଏହି ସମୟରେ ଅଲକା ଆପ୍ କାର୍ଯ୍ୟକର୍ତ୍ତାଙ୍କ ଉପରେ ଅଭିଯୋଗ ଆଣିଲେ ଯେ ସେ ତାଙ୍କ ପୁଅଙ୍କ ଉପରେ ଟିପ୍ପଣୀ କରିଛନ୍ତି ।

#WATCH Delhi: Scuffle breaks out between AAP and Congress workers near Majnu ka Teela, Congress candidate Alka Lamba tries to slap an AAP worker. AAP leader Sanjay Singh has said the party will complain to Election Commission. #DelhiElections2020 (note: abusive language) pic.twitter.com/l5VriLUTkF

— ANI (@ANI) February 8, 2020

ଏଥିରେ ରାଗିଯାଇ ଅଲକା ଲାମ୍ବା ଆପ୍ କାର୍ଯ୍ୟକର୍ତ୍ତାଙ୍କୁ ଚାପୁଡା ମାରିବାକୁ ଉଦ୍ୟମ କରିଥିଲେ । ଏହି ଘଟଣା ପରେ କଂଗ୍ରେସ ଏବଂ ଆପ୍ କାର୍ଯ୍ୟକର୍ତ୍ତା ମୁହାଁମୁହିଁ ହୋଇଥିଲେ । ଉପସ୍ଥିତ ପୋଲିସ୍ ଦୁଇ ଦଳକୁ କାବୁ କରିଥିଲା ।