ଦିଲ୍ଲୀ ସରକାରଙ୍କ ବଡ ନିର୍ଦ୍ଦେଶ, କରୋନା ପ୍ରଭାବିତ ପରିବାରକୁ ମିଳିବ ୫୦ ହଜାର ଟଙ୍କାର ସହାୟତା ରାଶି
କନକ ବ୍ୟୁରୋ : କୋଭିଡ-୧୯ କାରଣରୁ ପରିଜନକୁ ହରାଇଥିବା ପରିବାର ଲୋକଙ୍କ ଦିଲ୍ଲୀ ସରକାର ୫୦ ହଜାର ଟଙ୍କାର ସହାୟତା ରାଶି ଯୋଗାଇ ଦେବେ । ଜଣେ ଅଧିକାରୀ କହିଛନ୍ତି କି ଦିଲ୍ଲୀ ସରକାର ପ୍ରଥମେ କରୋନାରେ ମୃତ୍ୟୁବରଣ କରିଥିବା ଲୋକଙ୍କ ପରିଜନଙ୍କୁ ୫୦ ହଜାର ଟଙ୍କାର ସହାୟତା ରାଶି ପ୍ରଦାନ କରିଥିଲେ ଓ ଏବେ ଏହା ଅତିରିକ୍ତ ରାଶି ଭାବେ ପ୍ରଦାନ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ସରକାରଙ୍କ ଜଣେ ବରିଷ୍ଠ ଅଧିକାରୀ କହିଛନ୍ତି କି, ପୀଡିତ ପରିବାରକୁ ଅତିରିକ୍ତ ୫୦ ହଜାର ଟଙ୍କାର ସହାୟତା ଯୋଗାଇ ଦେବାକୁ ରାଜ୍ୟର ସମସ୍ତ ଜିଲ୍ଲା ମାଜିଷ୍ଟେଟଙ୍କୁ ନିର୍ଦ୍ଦେଶ ଦିଆଯାଇଛି ଓ ସପ୍ତାହ ଶେଷ ସୁଦ୍ଧା ଏନେଇ ନୋଟିସ ଜାରି କରାଯାଇପାରେ ବୋଲି ଅନୁମାନ କରାଯାଉଛି ।
ଜଣେ ବରିଷ୍ଠ ଅଧିକାରୀଙ୍କ ସୂଚନା ମୁତାବକ ମୁଖ୍ୟମନ୍ତ୍ରୀ କୋଭିଡ-୧୯ ପରିବାର ଆର୍ଥିକ ସହାୟତା ଯୋଜନା କ୍ରମରେ ରାଜ୍ୟରେ ପାଖାପାଖି ୨୧ ହଜାର ପରିବାରକୁ ଦିଲ୍ଲୀ ସରକାର ଦ୍ୱାରା ୫୦ ହଜାର ଟଙ୍କା ଲେଖାଏଁ ଦିଆଯାଇଥିଲା ଓ ଏବେ ସେମାନଙ୍କୁ ଅତିରିକ୍ତ ରାଶି ଭାବେ ପୁଣି ୫୦ ହଜାର ଟଙ୍କା ଲେଖାଏଁ ସହାୟତା ଯୋଗାଇ ଦିଆଯିବ ।
ଡିଡିଏମଏ ଏକ ଆଦେଶରେ କହିଛନ୍ତି କି, “ଆବେଦନକାରୀଙ୍କୁ କୋଭିଡ-୧୯ ରେ ହୋଇଥିବା ମୃତ୍ୟୁ ସଂପର୍କରେ ଅନୁଗ୍ରହ ରାଶି ପାଇବାକୁ ସିଧାସଳଖ ଦିଲ୍ଲୀର ଜିଏନସିଟି ସମ୍ବଧିତ ଜିଲ୍ଲା ମାଜିଷ୍ଟେଟଙ୍କ ଠାରେ ଆବେଦନ କରିବାର ଆବଶ୍ୟକତା ରହିଛି ଓ ଜିଲ୍ଲା ପ୍ରଶାସନ ଏନେଇ ଯାଂଚ କରିବା ପରେ ଲାଭାର୍ଥୀଙ୍କ ଖାତାକୁ ସିଧା ସଳଖ ଟଙ୍କା ପଠାଇବେ ”
ଅନ୍ୟପଟେ ପ୍ରଥମେ କୋଭିଡ ମୃତ୍ୟୁ ମାମଲାରେ ଯେଉଁ ପରିବାର ୫୦ ହଜାର ଟଙ୍କାର ସହାୟତା ପାଇଛନ୍ତି ସେମାନଙ୍କୁ ଆଉ ଦ୍ୱିତୀୟ ଥର ଆବେଦନ କରିବାକୁ ପଡିବ ନାହିଁ । ଏନେଇ ସମସ୍ତ ସୂଚନା ଡିଡିଆରଏଫ ପାଖରେ ରହିଥିବାରୁ ସେମାନଙ୍କୁ ତୁରନ୍ତ ଏହି ସହାୟତା ରାଶି ପ୍ରଦାନ କରାଯିବ ।