କନକ ବ୍ୟୁରୋ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଜଣେ ଯୁବକ ଖୁଲମଖୁଲା ଚାପୁଡା ମାରିବା ପରେ ଏବେ କେଜ୍ରିୱାଲଙ୍କ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଯାହାଫଳରେ ଆଉ କେହି ଲୋକ ଅରବିନ୍ଦ କେଜ୍ରିୱାଲଙ୍କୁ ମାଳା ପିନ୍ଧାଇବାକୁ ଯାଇପାରିବେ ନାହିଁ । ଖାଲି ସେତିକି ନୁହେଁ, ତାଙ୍କ ସହ କର ମର୍ଦ୍ଦନ ମଧ୍ୟ କୌଣସି ଅଜଣା ବ୍ୟକ୍ତି କରିପାରିବେ ନାହିଁ ବୋଲି କହିଛନ୍ତି ଦିଲ୍ଲୀ ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କେଜ୍ରିୱାଲଙ୍କୁ ଚାପୁଡ଼ା ମାରିଥିବା ବ୍ୟକ୍ତିଙ୍କୁ ପୁଲିସ ଗିରଫ କରିବାପରେ ଏବେ ଅରବିନ୍ଦ କେଜରିଓ୍ଵାଲଙ୍କର ସୁରକ୍ଷା ବ୍ୟବସ୍ଥାରେ କେତେକ ପରିବର୍ତ୍ତନ କରିଛି ଦିଲ୍ଲୀ ପୁଲିସ । ଏହାସହ ପୂର୍ବପରି ଆଉ କେଜ୍ରିୱାଲଙ୍କ ରୋଡ ସୋ’ରେ ବେଶୀ ଲୋକଙ୍କୁ ନିଆଯିବ ନାହିଁ । ସେ ଯେଉଁ ଖୋଲା ଜିପରେ ଯିବେ ସେଥିରେ କେବଳ ନିର୍ବାଚନ ଲଢ଼ୁଥିବା ପ୍ରାର୍ଥୀ ହିଁ ତାଙ୍କ ସହ ରହିବେ ।
ଅପରପକ୍ଷେ ଅରବିନ୍ଦ କେଜ୍ରିୱାଲଙ୍କ ସହ ସବୁବେଳେ କୋଡିଏ ଜଣ ସୁରକ୍ଷା କର୍ମୀ ରହି ତାଙ୍କୁ ସୁରକ୍ଷା ପ୍ରଦାନ କରିବେ । ସୂଚନାଯୋଗ୍ୟ ଯେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଗତ ଶନିବାର ଦିନ ସୁରେଶ ଚୌହାନ ନାମକ ଜଣେ ଲୋକ ଚାପୁଡ଼ା ମାରିଥିଲେ । ଏଂବ ଉକ୍ତ ଯୁବକ ଜଣକ ଆମ ଆଦମି ପାର୍ଟିର ସଦସ୍ୟ ଥିଲେ ବୋଲି ପୋଲିସ୍ ତରଫରୁ ସୂଚନା ମିଳିଛି ।