କନକ ବ୍ୟୁରୋ: ଅଭିନେତ୍ରୀ କଙ୍ଗନା ରଣାୱତଙ୍କୁ ଦିଲ୍ଲୀ ବିଧାନସଭା ଶାନ୍ତି କମିଟିର ସମନ । ଶିଖ୍ ସମାଜକୁ ଖଲିସ୍ତାନୀ କହିବା ଅଭିଯୋଗରେ କଙ୍ଗନାଙ୍କୁ ଏହି ସମନ୍ କରାଯାଇଛି । ଏଥିସହିତ ଆପ୍ ବିଧାୟକ ରାଘବ ଚଡ୍ଡାଙ୍କ ଅଧ୍ୟକ୍ଷତାରେ ଗଠିତ ଦିଲ୍ଲୀ ବିଧାନସଭାର ଶାନ୍ତି ଓ ସଦଭାବ୍ କମିଟି କଙ୍ଗନାଙ୍କୁ ଡିସେମ୍ବର ୬ ତାରିଖ ୧୨ଟା ସୁଦ୍ଧା ହାଜର ହେବାକୁ ନିର୍ଦ୍ଦେଶ ଦେଇଛି । ତେବେ କଙ୍ଗନା ରଣୱତ କୃଷି ଆଇନ୍ ପ୍ରତ୍ୟାହାର ନେଇ ଘୋଷଣା ହେବା ପରେ ଆନ୍ଦୋଳନ କରୁଥିବା ଚାଷୀମାନଙ୍କ ତୁଳନା ଖଲିସ୍ତାନୀ ଆନ୍ଦୋଳନ ସହ କରିଥିଲେ । ଯାହା ପରେ ତାଙ୍କ ବିରୋଧରେ ଦେଶର ବିଭିନ୍ନ ଥାନାରେ ଏଫଆଇଆର୍ ଦାୟର ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହି କ୍ରମରେ ଦିଲ୍ଲୀ ଶିଖ ଗୁରୁଦ୍ୱାରର ପ୍ରବନ୍ଧକ ସମିତି କଙ୍ଗନାଙ୍କ ଏପରି ଆପତ୍ତିଜନକ ମନ୍ତବ୍ୟକୁ ନେଇ ସାଇବର ଥାନାରେ ନିଜର ଅଭିଯୋଗ ଦାଖଲ କରିଥିଲା । ତତ୍ ସହିତ ବିଧାନସଭା ସମିତିର କହିବା କଥା, ସୋଶିଆଲ୍ ମିଡିଆରେ କଙ୍ଗନା ବିରୋଧ ପ୍ରଦର୍ଶନ କରୁଥିବା ଚାଷୀଙ୍କୁ ଖଲିସ୍ତାନୀ ଆନ୍ଦୋଳନ ସହିତ ତୁଳନା କରିଛନ୍ତି । ଏହା ସହିତ ଶିଖ ସମୁଦାୟ ପ୍ରତି ଆପତ୍ତିଜନକ ଶବ୍ଦ ମଧ୍ୟ ପ୍ରୟୋଗ କରିଛନ୍ତି । ଯେଉଁଥିପାଇଁ ତାଙ୍କ ବିରୋଧରେ ଏହି ସମନ ଜାରି କରାଯାଇଛି ।
କଙ୍ଗନା ନିଜର ଏହି ବିବାଦୀୟ ପୋଷ୍ଟରେ ଲେଖିଥିଲେ, ଖାଲିସ୍ତାନୀ ଆତଙ୍କବାଦୀ ହୁଏତ ଆଜି ସରକାରଙ୍କ ହାତ ମୋଡି ଦେଉଛନ୍ତି, କିନ୍ତୁ ସେହି ମହିଳା (ଇନ୍ଦିରା ଗାନ୍ଧୀ)ଙ୍କୁ ଭୁଲିବା ଉଛିତ୍ ନୁହେଁ, ଯିଏ ଦିନେ ତାଙ୍କୁ ଜୋତା ତଳେ ଚକଟି ଦେଇଥିଲେ । ଆଉ ଦେଶକୁ ଭାଙ୍ଗିବାକୁ ଦେଇନଥିଲେ । ତାଙ୍କର ମୃତ୍ୟୁର ବହୁ ବର୍ଷ ପରେ ବି ତାଙ୍କ ନାଁ ଶୁଣିଲେ କମ୍ପନ ସୃଷ୍ଟି ହୁଏ । ତାଙ୍କୁ ଠିକ୍ ସେମିତି ଗୁରୁ ଦରକାର ।
ସୂଚନାଯୋଗ୍ୟ ଯେ, କେନ୍ଦ୍ର ସରକାରଙ୍କ ଦ୍ୱାରା ନୂଆ କୃଷି ଆଇନ୍ ପ୍ରତ୍ୟାହାର ନେଇ କଙ୍ଗନା ନିରାଶା ବ୍ୟକ୍ତି କରିଥିଲେ । ଇନଷ୍ଟାଗ୍ରାମ ଷ୍ଟୋରୀରେ ସେ ଏହାକୁ ଦୁଃଖଦ, ଲଜ୍ଜାଜନକ ଓ ଭୁଲ ବୋଲି କହିଥିଲେ । ସଂସଦରେ ବସିଥିବା ସାଂସଦଙ୍କୁ ଛାଡି ଗଳିରେ ବସିଥିବା ଲୋକ କାନୁନ ବନେଇବା ଆରମ୍ଭ କରିବେ ତେବେ ସେମାନେ ଜିହାଦୀ ବୋଲି କଙ୍ଗନା ଲେଖିଥିଲେ । ଯାହାକୁ ନେଇ ବିବାଦ ସୃଷ୍ଟି ହୋଇଥିଲା । ଏହା ପୂର୍ବରୁ କଙ୍ଗନା ରଣୱତ ମହାତ୍ମାଗାନ୍ଧୀଙ୍କ ଅହିଂସା ମନ୍ତ୍ରଙ୍କୁ ନେଇ ମଜାକ୍ ଉଡାଇଥିଲେ । ତା ସହିତ ଆମ ଦେଶକୁ ସ୍ୱାଧୀନତା ସଂଗ୍ରାମ ବଳରେ ନୁହେଁ ବଂର ଭିକ୍ଷାରେ ମିଳିଛି ବୋଲି କହିଥିଲେ । ଯାହାକୁ ନେଇ ଅନେକ ଲୋକ ଅନେକ ଟିପ୍ପଣୀ ଦେବା ସହିତ ଏହାକୁ ନେଇ ବିବାଦ ସୃଷ୍ଟି ହୋଇଥିଲା ।