ଲକଡାଉନ କଟକଣା ଭିତରେ କଟକରେ ଅସମ୍ଭାଳ ଭିଡ଼ : ବାଟ ପାଇଲା ନାହିଁ ଆମ୍ବୁଲାନ୍ସ; କଟକରୁ ଗୁରୁତର ରୋଗୀଙ୍କୁ ଭୁବନେଶ୍ୱର ଆଣିବାରେ ବିଳମ୍ବ
କନକ ବ୍ୟୁରୋ : ଭିଡ଼ ଭିତରେ ବାଟ ପାଇଲା ନାହିଁ ଆମ୍ବୁଲାନ୍ସ । କଟକ ନୟାସଡ଼କ ଅଂଚଳରେ ନାହିଁ ନଥିବା ଭିଡ଼ । ଆଉ ଏହି ଭିଡ଼ ଭିତରେ ବାଟ ଖୋଜୁଛି ଆମ୍ବୁଲାନ୍ସ । ଜଣେ ଗୁରୁତର ରୋଗୀ କଟକରୁ ଭୁବନେଶ୍ୱର ଯିବାକୁ ଥିବା ବେଳେ, ଗହଳିରେ ଫଶିଯାଇଛି ଆମ୍ବୁଲାନ୍ସ । ସ୍ଥାନୀୟ ଅଂଳରେ ଦୋକାନ ବଜାର ଖୋଲା ରହିଥିବା ବେଳେ ଲୋକେ ଦୋକାନ ଆଗରେ ଗାଡ଼ି ରଖି କିଣା ବିକା କରୁଛନ୍ତି । ଯାହା ଦ୍ୱାରା ସଂକୀର୍ଣ୍ଣ ରାସ୍ତାରେ ଏଭଳି ଜନଗହଳି ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆମ୍ବୁଲାନ୍ସରେ ଥିବା ଗୁରୁତର ରୋଗୀକୁ ମେଡ଼ିକାଲ ନେବା ପାଇଁ ଆମ୍ବୁଲାନ୍ସ ସାଇରନ୍ ମାରୁଥିଲେ ମଧ୍ୟ ଲୋକେ ନିଜ ନିଜ କାମରେ ବ୍ୟସ୍ତ ଥିବା ଦେଖିବାକୁ ମିଳିଛି । ଏଭଳି ସ୍ଥିତିରେ ଗୁରୁତର ରୋଗୀ ଅବସ୍ଥା ଆହୁରି ଖରାପ ହୋଇପାରେ ବୋଲି ଅନୁମାନ କରାଯାଉଛି । କରୋନା କଟକଣା ସାମାନ୍ୟ କୋହଳ କରାଯାଇଥିବା ଲୋକେ ବଜାରରେ ଭିଡ଼ ଜମାଉଥିବା ଦେଖିବାକୁ ମିଳିଛି । ଏବେ କିଛି ଦିନ ହେଲା କଟକରେ କରୋନା ସଂକ୍ରମଣ ଅଧିକ ରହୁଛି । ହେଲେ ଲୋକେ କରୋନା ନିୟମ ମାନୁନାହାନ୍ତି ।