କନକ ବ୍ୟୁରୋ : ଭାରତୀୟ ବାୟୁସେନାର ଶକ୍ତି ଦ୍ୱିଗୁଣିତ ହେବାକୁ ଯାଉଛି । ଏନେଇ ରକ୍ଷାମନ୍ତ୍ରଣାଳୟ ତରଫରୁ ଭାରତୀୟ ବାୟୁସେନା ପାଇଁ ଏକ ବଡ କ୍ରୟ ଉପରେ ମଞ୍ଜୁରୀ ପ୍ରଦାନ କରିଛନ୍ତି । କୁହାଯାଉଛି କି ରକ୍ଷା ମନ୍ତ୍ରଣାଳୟ ତରଫରୁ ୧୨ ଟି ସୁଖୋଇ ୩୦ଏମକେଆଇ ଯୁଦ୍ଧ ବିମାନ କିଣିବାକୁ ମଞ୍ଜୁରୀ ପ୍ରଦାନ କରିଛନ୍ତି । ସବୁଠାରୁ ବଡକଥା ଏହି ସବୁ ବିମାନକୁ ମେକ୍ ଇନ୍ ଇଣ୍ଡିଆ ଯୋଜନା କ୍ରମରେ ହିନ୍ଦୁସ୍ତାନ ଏରୋନେଟିକ କମ୍ପାନୀ ନିର୍ମାଣ କରିବ । ଅର୍ଥାତ ଏହାର ନିର୍ମାଣ ଭାରତରେ ହିଁ ହେବ ।
ଋକ୍ଷା ଅଧିକାରୀଙ୍କ କହିବା ମୁତାବକ ୧୧ହଜାର କୋଟି ଟଙ୍କାର ଏହି ପରିଯୋଜନାରେ ବିମାନ ଓ ଏହା ସମ୍ବନ୍ଧିତ ଗ୍ରାଉଣ୍ଡ ସିଷ୍ଟମ ସାମିଲ ହେବ । ବିମାନର ଆବଶ୍ୟକତା ମୁତାବକ ସାମଗ୍ରୀ ସାମିଲ କରାଯିବ । ସୂଚନା ମୁତାବକ ଏହି ୧୨ଟି ବିମାନ ସେହି ୧୨ଟି ବିମାନ ସ୍ଥାନରେ ଆସିବ ଯାହା ପୂର୍ବରୁ ଦୁର୍ଘଟଣା କାରଣରୁ ନଷ୍ଟ ହୋଇଯାଇଛି । ଏହି ବିମାନର ସ୍ୱତନ୍ତ୍ରତା ହେଉଛି ଏହା ଆକାଶରୁ ମାଟି ଓ ମାଟିରୁ ଆକାଶ ଏକା ସାଥୀରେ ଯୁଦ୍ଧ ଲଢିପାରିବ ।
#WATCH | Defence Ministry today approved the proposal for the procurement of 12 Su-30MKIs for the Indian Air Force which would be manufactured in India by Hindustan Aeronautics Limited. The Rs 11,000 crores project would include the aircraft and related ground systems. The… pic.twitter.com/dJHudSR8HL
— ANI (@ANI) September 15, 2023
ଏହି ବିମାନକୁ ଭାରତୀୟ ବାୟୁସେନାର ସବୁଠାରୁ ଶକ୍ତିଶାଳୀ ବିମାନ ବୋଲି ଗଣନା କରାଯାଏ । ଏହାର ସ୍ୱତନ୍ତ୍ରତା ହେଉଛି ଏହା ତୀବ୍ର ଏବଂ ଧୀର ଗତିରେ ମଧ୍ୟରେ ପବନରେ ନିଜର କଳା କୌଶଳ ଦେଖାଇବାରେ ସମର୍ଥ ହୋଇଥାଏ । ଏହି ବିମାନରେ ଦୁଇଟି ଇଂଜିନ ସହ ଦୁଇଜଣ ଚାଳକ ବସିବା ପାଇଁ ସ୍ଥାନ ରହିଥାଏ । ସୁଖୋଇ ବିମାନ ୩ ହଜାର କିଲୋମିଟର ପର୍ଯ୍ୟନ୍ତ ଆକ୍ରମଣ କରିବାର କ୍ଷମତା ରଖିଛି ।