କରୋନା ସଂକ୍ରମଣ କମୁଥିବାରୁ ଶ୍ରୀମନ୍ଦିର ଖୋଲିବାକୁ ନିଷ୍ପତ୍ତି । ଫେବ୍ରୁଆରୀ ୧ରୁ ଶ୍ରଦ୍ଧାଳୁଙ୍କୁ ଦର୍ଶନ ଅନୁମତି
କନକ ବ୍ୟୁରୋ: ସ୍ୱର୍ଗଦ୍ୱାରରେ ବାହାର ଜିଲ୍ଲାରୁ ଆଣି ଶବଦାହ ଉପରେ କଟକଣା ହଟାଇବାର ୨୪ ଘଣ୍ଟା ମଧ୍ୟରେ ଆଉ ଏକ ବଡ ନିଷ୍ପତ୍ତି ନେଇଛି ପୁରୀ ଜିଲ୍ଲା ପ୍ରଶାସନ । ଛତିଶା ନିଯୋଗ ବୈଠକ ପରେ ଫେବୃୟାରୀ ୧ରୁ ଶ୍ରୀମନ୍ଦିର ଖୋଲିବା ପାଇଁ ଘୋଷଣା ହୋଇଛି । ପୂର୍ବଭଳି ସାନିଟାଇଜ ପାଇଁ ପ୍ରତ୍ୟେକ ରବିବାର ଶ୍ରୀମନ୍ଦିର ବନ୍ଦ ରଖିବାକୁ ନିଷ୍ପତ୍ତି ହୋଇଥିବା ବେଳେ, ଶ୍ରୀମନ୍ଦିର ଭିତରକୁ ଯିବାକୁ ହେଲେ ଦୁଇ ଡୋଜ ଟିକା ନେଇଥିବା ବାଧ୍ୟତାମୂଳକ । ନହେଲେ ଆରଟି-ପିସିଆର ନେଗେଟିଭ୍ ରିପୋର୍ଟ ଦେଖାଇବାକୁ ପଡିବ । ଏହି ଦୁଇ ନିଷ୍ପତିର ଏକ ବଡ ରାଜନୈତିକ ଦିଗ ମଧ୍ୟ ରହିଛି । ଅନୁମାନ କରାଯାଉଛି, ସରକାର ଫେବୃୟାରୀ ମାସ ପାଇଁ ଜାରି କରିବାକୁ ଥିବା ଗାଇଡଲାଇନରେ ଅନେକ କଟକଣା କୋହଳ ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ଯେହେତୁ ଶ୍ରୀମନ୍ଦିରରେ ହଜାର ହଜାର ଭକ୍ତ ଏକାଠି ମହାପ୍ରଭୁଙ୍କ ଦର୍ଶନ କରିପାରିବେ ବୋଲି ମନ୍ଦିର ପ୍ରଶାସନ ନିଷ୍ପତି ନେଇଛି, ତେଣୁ ପଞ୍ଚାୟତ ନିର୍ବାଚନ ପୂର୍ବରୁ ପ୍ରଚାର ଓ ନେତାଙ୍କ ରାଲି ଉପରେ ଥିବା କଟକଣା ମଧ୍ୟ କୋହଳ ହୋଇପାରେ ବୋଲି ଅନୁମାନ କରାଯାଉଛି । କାରଣ, ପୂର୍ବରୁ ରାଜ୍ୟ ନିର୍ବାଚନ କମିଶନ କହିଥିଲେ, ଯଦି କରୋନା ସଂଖ୍ୟା ନିୟନ୍ତ୍ରଣକୁ ଆସେ, ତେବେ ପଞ୍ଚାୟତ ନିର୍ବାଚନ ପାଇଁ ଥିବା କଟକଣା କୋହଳ ହେବ । ଆଉ ଏହାରି ଫେବୃୟାରୀ ମାସର ଗାଇଡଲାଇନ ଉପରେ ନଜର ରହିଛି ।
ତେବେ ୨୧ ଦିନ ପରେ ପୁଣି ଶ୍ରୀମନ୍ଦିରରେ ଜଗାଦର୍ଶନ କରିପାରିବେ ଶ୍ରଦ୍ଧାଳୁ । ତୃତୀୟ ଲହରରେ ସଂକ୍ରମଣ ବୃଦ୍ଧି ପାଇବା ପରେ ଜାନୁଆରୀ ୧୦ ତାରିଖରୁ ଶ୍ରୀମନ୍ଦିରରେ ସାଧାରଣ ଦର୍ଶନ ବନ୍ଦ କରାଯାଇଥିଲା । ସଂକ୍ରମଣ ଧୀରେ ଧୀରେ ହ୍ରାସ ପାଇବା ପରେ ଛତିଶା ନିଯୋଗ ବୈଠକ ପରେ ଶ୍ରୀମନ୍ଦିର ଖୋଲିବାକୁ ନିଷ୍ପତ୍ତି ନିଆଯାଇଛି । ନଜର ପକାନ୍ତୁ, କିପରି ଖୋଲିବ ଶ୍ରୀମନ୍ଦିର…
- ଫେବ୍ରୁଆରୀ ୧ରୁ ଖୋଲିବ ଶ୍ରୀମନ୍ଦିର
- କଡ଼ାକଡ଼ି ପାଳନ କରାଯିବ କରୋନା ନିୟମ
- ପୂର୍ବଭଳି ସାନିଟାଇଜ ପାଇଁ ପ୍ରତ୍ୟେକ ରବିବାର ଶ୍ରୀମନ୍ଦିର ବନ୍ଦ
- ଶ୍ରୀମନ୍ଦିରକୁ ଭିତରକୁ ଯିବାକୁ ହେଲେ ଦୁଇ ଡୋଜ ଟିକା ନେଇଥିବା ବାଧ୍ୟତାମୂଳକ
- ନହେଲେ ଆରଟି-ପିସିଆର ନେଗେଟିଭ୍ ରିପୋର୍ଟ ଦେଖାଇବାକୁ ପଡିବ
- ପୁରୀବାସୀ ପଶ୍ଚିମ ଦ୍ୱାର ଦେଇ ଶ୍ରୀମନ୍ଦିର ଭିତରକୁ ପ୍ରବେଶ କରିବେ
- ଅନ୍ୟମାନେ ସିଂହଦ୍ୱାର ଦେଇ ଯିବେ
ସୂଚନାଯୋଗ୍ୟ ଯେ, ଗୁରୁବାର ଦିନ ପୁରୀ ସ୍ୱର୍ଗଦ୍ୱାରରେ ଶବ ସକ୍ରାର ପାଇଁ ଥିବା କଟକଣାକୁ ହଟାଇ ଦିଆଯାଇଥିଲା । ଅନ୍ୟ ଜିଲ୍ଲାର ଅଣକୋଭିଡ ଶବ ସକ୍ରାର କରିହେବ । ତେବେ ଏଥିରେ ମାତ୍ର ୧୦ ଜଣ ସାମିଲ ହୋଇପାରିବେ ବୋଲି ଅନୁମତି ଦିଆଯାଇଛି ।