ଆସନ୍ତାକାଲିଠୁ ଲାଗୁ ହେବ ୫ ନୂଆ ନିୟମ । ପେନସନଠାରୁ ଚେକ୍ ଯାଏ ସବୁ ବଦଳିବ
କନକ ବ୍ୟୁରୋ : ଆସନ୍ତାକାଲିଠାରୁ ଦେଶରେ ପାଞ୍ଚଟି ନିୟମ ପରିବର୍ତ୍ତନ ହେବାକୁ ଯାଉଛି । ଏହା ଆପଣଙ୍କର ଦୈନନ୍ଦିନ ଜୀବନ ଉପରେ ସିଧାସଳଖ ପ୍ରଭବ ପକାଇବ । ନୂତନ ନିୟମର କାର୍ଯ୍ୟକାରୀତା ସହିତ ଆର୍ଥିକ, ବ୍ୟାଙ୍କିଙ୍ଗ୍ ଏବଂ ଷ୍ଟକ୍ ବଜାର ସହିତ ଜଡିତ କାର୍ଯ୍ୟ କରିବାର ପଦ୍ଧତି ମଧ୍ୟ ବଦଳିଯିବ । ପେନସନ୍ ଜାରି ରଖିବାକୁ ୮୦ ବର୍ଷରୁ ଅଧିକ ପେନସନଭୋଗୀଙ୍କୁ ଜୀବନ ପ୍ରମାଣପତ୍ର ଦାଖଲ କରିବାକୁ ପଡିବ । ଏଥି ସହିତ ବ୍ୟାଙ୍କ ଏବଂ ଅନ୍ୟାନ୍ୟ ଆର୍ଥିକ ପ୍ରତିଷ୍ଠାନଗୁଡିକୁ ବର୍ତ୍ତମାନ ଅଟୋ ଡେବିଟ୍ ପାଇଁ ଗ୍ରାହକଙ୍କ ଅନୁମୋଦନ ମଧ୍ୟ ନେବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ପେନସନ ପାଇଁ ଜୀବନ ପ୍ରମାଣପତ୍ର
୮୦ବର୍ଷରୁ ଅଧିକ ପେନସନଭୋଗୀମାନେ ଡିଜିଟାଲ୍ ମାଧ୍ୟମରେ ଜୀବନ ପ୍ରମାଣପତ୍ର ଦାଖଲ କରିବାକୁ ସୁବିଧା ପାଇବେ । ଏଥିପାଇଁ ନଭେମ୍ବର ୩୦ ପ ର୍ଯ୍ୟନ୍ତ ସମୟ ଦିଆଯାଇଛି । ଏହି ପ୍ରମାଣପତ୍ର ଦେଶର ସମ୍ପୃକ୍ତ ଅଞ୍ଚଳରେ ରହିଥିବା ଡାକଘରର ଜୀବନ ପ୍ରମାଣ କେନ୍ଦ୍ରରେ ଦାଖଲ କରିବାକୁ ପଡିବ । ଜୀବନ ପ୍ରମାଣପତ୍ର ହେଉଛି ପେନସନଭୋଗୀ ଜୀବିତ ଥିବା ପ୍ରମାଣ । ପେନସନ ସହିତ ଜାରି ରଖିବାକୁ ହେଲେ ଏହାକୁ ପ୍ରତିବର୍ଷ ବ୍ୟାଙ୍କ କିମ୍ବା ଆର୍ଥିକ ପ୍ରତିଷ୍ଠାନରେ ଦମା କରିବାକୁ ପଡିବ ଯେଉଁଠାରୁ ପେନସନ୍ ଆସିଥାଏ ।
ଅଟୋ ଡେବିଟ୍ ପାଇଁ ଗ୍ରାହକଙ୍କ ଅନୁମୋଦନ ଜରୁରୀ
ଡେବିଟ୍/କ୍ରେଡିଟ୍ କାର୍ଡ ମାଧ୍ୟମରେ ଅଟୋ ଡେବିଟ୍ ପହିଲାରୁ ନୂତନ ନିୟମ ଲାଗୁ ହେବ । ଆରବିଆଇ ନିର୍ଦ୍ଦେଶ ଅନୁଯାୟୀ, ଆସନ୍ତାକାଲିଠୁ ବ୍ୟାଙ୍କ ଏବଂ ଅନ୍ୟାନ୍ୟ ଆର୍ଥିକ ପ୍ରତିଷ୍ଠାନଗୁଡିକ ଡେବିଟ୍/କ୍ରେଡିଟ୍ କାର୍ଡ କିମ୍ବା ମୋବାଇଲ୍ ୱାଲେଟରେ ୫୦୦୦ଟଙ୍କାରୁ ଅଧିକ ଅର୍ଥ ଅଟୋ ଡେବିଟ୍ ଭାବେ କାଟିବା ପାଇଁ ଗ୍ରାହକଙ୍କଠାରୁ ଅନୁମତି ଆଣିବାକୁ ବାଧ୍ୟ ହେବେ । ଏହା ଅଧୀନରେ ଗ୍ରାହକ ତାଙ୍କ ଅନୁମୋଦନ ନଦେଲେ ଡେବିଟ୍/କ୍ରେଡିଟ୍ କାର୍ଡ କିମ୍ବା ମୋବାଇଲ୍ ୱାଲେଟରୁ ଟଙ୍କା କଟିବ ନାହିଁ । ଅନୁମୋଦନ ପାଇଁ ବ୍ୟାଙ୍କ କିମ୍ବା ଆର୍ଥିକ ପ୍ରତିଷ୍ଠାନଗୁଡିକୁ ୨୪ଘଣ୍ଟା ପୂର୍ବରୁ ଗ୍ରାହକଙ୍କୁ ଅଟୋ ଡେବିଟ୍ ସମ୍ପର୍କିତ ମେସେଜ୍ ପଠାଇବାକୁ ପଡିବ । ଯଦି ଅଟୋ ଡେବିଟ୍ ସିଧାସଳଖ ବ୍ୟାଙ୍କ ଆକାଉଣ୍ଟରୁ କରାଯାଇଥାଏ, ତେବେ ନୂତନ ନିୟମରେ କୌଣସି ପ୍ରଭାବ ପଡିବନାହିଁ ।
ତିନୋଟି ବ୍ୟାଙ୍କର ଚେକବୁକ୍ ବନ୍ଦ ହେବ
ତିନୋଟି ବ୍ୟାଙ୍କ ଓରିଏଣ୍ଟାଲ ବ୍ୟାଙ୍କ ଅଫ୍ କମର୍ସ, ୟୁନାଇଟେଡ୍ ବ୍ୟାଙ୍କ ଅଫ୍ ଇଣ୍ଡିଆ ଏବଂ ଆହ୍ଲାବାଦ ବ୍ୟାଙ୍କର ପୁରୁଣା ଚେକବୁକ୍ , ଏମଆଇସିଆର୍ ଏବଂ ଆଇଏଫଏସ ଆଉ ଚାଲିବନାହିଁ । ଆହ୍ଲାବାଦ ବ୍ୟାଙ୍କକୁ ୨୦୨୦ ଏପ୍ରିଲ୍ ପହିଲାଠାରୁ ଇଣ୍ଡିଆନ୍ ବ୍ୟାଙ୍କ ସହିତ ମିଶ୍ରଣ ହୋଇଛି । ଓରିଏଣ୍ଟାଲ୍ ବ୍ୟାଙ୍କ ଅଫି କମର୍ସ ଏବଂ ୟୁନାଇଟେଡ୍ ବ୍ୟାଙ୍କ ଅଫ୍ ଇଣ୍ଡିଆ ପଞ୍ଜାବ ନ୍ୟାସନାଲ ବ୍ୟାଙ୍କରେ ମିଶିଛି । ଏହି ତିନୋଟି ବ୍ୟାଙ୍କର ଗ୍ରାହକଙ୍କୁ ନୂଆ ଚେକ୍ ନେବାର ଆଜି ହେଉଛି ଶେଷ ତାରିଖ ।
ଦରମାର ୧୦% ନିବେଶ ଆବଶ୍ୟକ
ସମ୍ପତ୍ତି ପରିଚାଳନାକାରୀ କମ୍ପାନୀଗୁଡିକରେ କାର୍ଯ୍ୟ କରୁଥିବା ଜୁନିଅର କର୍ମଚାରୀମାନଙ୍କୁ ସେମାନଙ୍କ ମୋଟ ବେତନର ୧୦ପ୍ରତିଶତ ମ୍ୟୁଚୁଆଲ୍ ଫଣ୍ଡ ୟୁନିଟରେ ବିନିଯୋଗ କରିବାକୁ ପଡିବ । ଭାରତୀୟ ପ୍ରତିଭୂତ୍ତି ବିନିମୟ ବୋର୍ଡର ଏଗି ନୂତନ ନିୟମ ଆସନ୍ତାକାଲିଠୁ କାର୍ଯ୍ୟକାରୀ ହେବ । ଏକ ଡିମାଟ୍ ଏବଂ ଟ୍ରେଡିଂ ଆକାଉଣ୍ଟ ଖୋଲିବାକୁ ହେଲେ ନିବେଶକଙ୍କୁ ବର୍ତ୍ତମାନ ଅକ୍ଟୋବର ୧ରୁ ନାମାଙ୍କନ ସୂଚନା ପ୍ରଦାନ କରିବାକୁ ପଡିବ । ଯଦି କେହି ଏହି ସୂଚନା ଦେବାକୁ ଚାହୁଁନାହାଁନ୍ତି, ତେବେ ତାଙ୍କୁ ଘୋଷଣାନାମା ଫର୍ମପୂରଣ କରି ଏ ବିଷୟରେ କହିବାକୁ ପଡିବ । ସେବି କେୱାଇସି ସମ୍ବନ୍ଧୀୟ ସୂଚନା ଅପଡେଟ୍ କରିବାକୁ ଡିମାଟ୍ ଏବଂ ଟ୍ରେଡିଂ ଆକାଉଣ୍ଟ ଧାରକମାନଙ୍କୁ ଆଜି ଯାଏଁ ସମୟ ଦେଇଛନ୍ତି । ଯଦି ଅପଡେଟ୍ ନ ହୁଏ, ତେବେ ଆକାଉଣ୍ଟ କାଲିଠୁ ନିଷ୍କ୍ରିୟ ହୋଇଯିବ ଏବଂ ଆକାଉଣ୍ଟଧାରୀ ଷ୍ଟକ୍ ମାର୍କେଟରେ କାରବାର କରିବାକୁ ସମର୍ଥ ହେବେ ନାହିଁ ।
ଘରୋଇ ମଦ ଦୋକାନ ଖୋଲିବ ନାହିଁ
ଆସନ୍ତାକାଲିଠୁ ୧୬ନଭେମ୍ବର ପର୍ଯ୍ୟନ୍ତ ଦିଲ୍ଲୀରେ ଘରୋଇ ମଦ ଦୋକାନ ଖୋଲିବ ନାହିଁ । କେନ୍ଦ୍ର ଶାସିତ ଅଞ୍ଚଳର ଅବକାରୀ ନୀତି ଅନୁଯାୟୀ ଏହି ନୂତନ ନିୟମ କାର୍ଯ୍ୟକାରୀ ହେବାକୁ ଯାଉଛି । ଏହି ସମୟ ମଧ୍ୟରେ କେବଳ ସରକାରୀ ମଦ ଦୋକାନ ଖୋଲା ରହିବ । ଘରୋଇ ମଦ ଦୋକାନଗୁଡିକ ନଭେମ୍ବର ୧୭ରୁ ଖୋଲିବା ଆରମ୍ଭ କରିବ ।