ଅକ୍ଟୋବର ପହିଲାରୁ ବଦଳିବାକୁ ଯାଉଛି କ୍ରେଡିଟ୍ ଓ ଡେବିଟ୍ କାର୍ଡ ପେମେଣ୍ଟ ପ୍ରକ୍ରିୟା,ଆରବିଆଇ ଲାଗୁ କରିବ ଏମିତି ନିୟମ
କନକ ବ୍ୟୁରୋ : ଆସନ୍ତା ମାସ ପହିଲାରୁ ଅଟୋ ଡେବିଟ୍ ପେମେଣ୍ଟ ନିୟମରେ ବଡ ପରିବର୍ତ୍ତନ ହେବାକୁ ଯାଉଛି । ଆରବିଆଇ ତରଫରୁ ଅକ୍ଟୋବର ଆରମ୍ଭରୁ ନୂଆ ଅଟୋ ଡେବିଟ୍ ସିଷ୍ଟମ ଲାଗୁ କରିବ ବୋଲି ସୂଚନା ମିଳିଛି । ଏହି ନିୟମ ଆଧାରରେ ବ୍ୟାଙ୍କ ଓ ପେଟିଏମ- ଫୋନ ପେ ଡିଜିଟାଲ ପେମେଣ୍ଟ ପ୍ଲାଟଫର୍ମରେ କିସ୍ତି କିମ୍ବା ବିଲରୁ ଟଙ୍କା କାଟିବା ପୂର୍ବରୁ ବାରମ୍ବାର ହେଉଥିବା ଅସୁବିଧାର ସମାଧାନ ହୋଇଯିବ । ଆପଣଙ୍କ ସିଷ୍ଟମରେ ଏମିତି ପରିବର୍ତ୍ତନ ଆସିବ କି ଆପଣ ଗୋଟିଏ ଥର ଅନୁମତି ଦେବା ପରେ ଟଙ୍କା ପ୍ରତିଥର ସ୍ୱଂୟକ୍ରିୟ ଭାବେ କଟିଯିବ ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ରିଜର୍ଭ ବ୍ୟାଙ୍କ ପ୍ରଥମେ କହିଥିଲା କି ଡେବିଟ୍ କାର୍ଡ, କ୍ରେଡିଟ୍ କାର୍ଡ, ୟୁପିଆଇ ବା ଅନ୍ୟ ପ୍ରିପେଡ ପେମେଣ୍ଟ ଉପକରଣର ଉପଯୋଗ କରୁଥିବା ଲୋକ ରେକରିଂ ଟ୍ରାନଜାକ୍ସନ ପାଇଁ ଅତିରିକ୍ତ ଫେକ୍ଟର ଅଥେଣ୍ଟିକେସନର ଆବଶ୍ୟକତା ପଡିବ ।
କଣ ଏହି ଅଟୋ ଡେବିଟ୍ ସିଷ୍ଟମ
ଅଟୋ ଡେବିଟର ଅର୍ଥ ହେଉଛି ଆପଣ ମୋବାଇଲ ଆପ୍ କିମ୍ବା ଇଣ୍ଟରନେଟ୍ ବ୍ୟାଙ୍କିଙ୍ଗ ମାଧ୍ୟମରେ ବିଜୁଳି, ଗ୍ୟାସ, ଏଲଆଇସି କିମ୍ବା ଅନ୍ୟ କିଛି ଦେୟକୁ ଅଟୋ ଡେବିଟ ମୋଡରେ ପେମେଣ୍ଟ କରିବାକୁ ଚାହୁଁଛନ୍ତି । ତେବେ ଏକ ନିର୍ଦ୍ଧିଷ୍ଟ ତାରିଖରେ ଆପଣଙ୍କ ବ୍ୟାଙ୍କ ଖାତାରୁ ଏହି ଅର୍ଥ କଟିଯିବ । ଯଦି ଏବେ ଅଟୋ ଡେବିଟର ନୂଆ ନିୟମ ଲାଗୁ ହେବ ତେବେ ଆପଣଙ୍କ ବିଲ୍ ପେମେଣ୍ଟ ଉପରେ ଏହାର ପ୍ରଭାବ ପଡିବ । ଏହି ସୁବିଧାର ଲାଭ ଉଠାଇବାକୁ ଚାହୁଁଥିଲେ ଆପଣ ଆପଣଙ୍କ ମୋବାଇଲ ନମ୍ବରକୁ ଅପଡେଟ୍ କରିବା ଜରୁରୀ । କାରଣ ଆପଣଙ୍କ ମୋବାଇଲ ନମ୍ବର ମାଧ୍ୟମରେ ଆପଣଙ୍କ ଅଟୋ ଡେବିଟର ମେସେଜ ପଠାଯିବ ।
ନୂଆ ନିୟମ ଲାଗୁ ହେବା ପରେ ବ୍ୟାଙ୍କକୁୁ ଆପଣଙ୍କ ପେମେଣ୍ଟ ତାରିଖରୁ ୫ ଦିନ ପୂର୍ବରୁ ଏକ ସୂଚନା ଦେବାକୁ ହେବ । ପେମେଣ୍ଟର ୨୪ ଘଂଟା ପୂର୍ବରୁ ଆପଣଙ୍କୁ ଏହି ସୂଚନା ଦ୍ୱିତୀୟଥର ପାଇଁ ବ୍ୟାଙ୍କକୁ ଦେବାକୁ ପଡିବ । ଏହି ରିମାଇଣ୍ଡରରେ ପେମେଣ୍ଟର ତାରିଖ ଓ ରାଶି ଭଳି କିଛି ଜରୁରୀ ସୂଚନା ଦେବାକୁ ପଡିବ । ଏଥିରେ ଅପ୍ଟ ଆଉଟ ବା ପାର୍ଟ ପେ ବିକଳ୍ପ ବି ରହିବ । ଅକ୍ଟୋବର ପହିଲାରୁ ଏହି ନିୟମ ଲାଗୁ ହେବାକୁ ଯାଉଛି । ଏହାସହ ୫୦୦୦ ଟଙ୍କାରୁ ଅଧିକ ପେମେଣ୍ଟ ଉପରେ ଓଟିପି ସିଷ୍ଟମ ବାଧ୍ୟତା ମୂଳକ କରାଯିବ ।
ଆରବିଆଇ ତରଫରୁ ବ୍ୟାଙ୍କିଙ୍ଗ ଠକେଇ ଓ ଗ୍ରାହକଙ୍କ ସୁରକ୍ଷାକୁ ଦୃଷ୍ଟିରେ ରଖି ଏଭଳି ନିୟମ ଜାରି କରିଥିଲେ । ବର୍ତମାନର ବ୍ୟବସ୍ଥା ମୁତାବକ ଡିଜିଟାଲ ପେମେଣ୍ଟ ପ୍ଲାଟଫର୍ମ କିମ୍ବା ବ୍ୟାଙ୍କ ଗ୍ରାହକଙ୍କ ଠାରୁ ଗୋଟିଏ ଥର ଅନୁମତି ନେବା ପରେ ପ୍ରତି ମାସରେ ବିନା ସୂଚନାରେ ଗ୍ରାହକଙ୍କ ଖାତାରୁ ଅର୍ଥ କାଟି ନିଆଯାଉଛି । ଏହାଦ୍ୱାରା ଗ୍ରାହକମାନେ ଅନେକ ସମୟରେ ଠକାମୀରେ ଶିକାର ହେଉଛନ୍ତି । ଏହି ଠକାମୀରୁ ଗ୍ରାହକଙ୍କୁ ସୁରକ୍ଷା ଦେବାକୁ ଏଭଳି ନିୟମ ଲାଗୁ କରାଯାଇଛି ।