ଦେଶରେ ଦିନକୁ ଦିନ ବଢୁଛି ରେପ୍ ନାମକ ରୋଗ ! ଗତ ୨ ବର୍ଷ ମଧ୍ୟରେ ମଧ୍ୟପ୍ରଦେଶରେ ଦୁଷ୍କର୍ମ ଘଟଣାରେ ୨୮ ଜଣ ଅଭିଯୁକ୍ତଙ୍କୁ ଫାଶୀ ଦଣ୍ଡାଦେଶ ।
ଦେଶରେ ଏବେ ବଡ ଚିନ୍ତାଜନକ ବିଷୟ ରୂପେ ମୁଣ୍ଡ ଟେକିଛି ଦୁଷ୍କର୍ମ ମାମଲା । ଲୋକଙ୍କୁ କାମୁକତାର ଏତେ ସଉକ ହେଲାଣି ଯେ ଏହା କମିବାର ନାଁ ନେଉନାହିିଁି । କେଉଁଠି ଦୁଷ୍କର୍ମ ଘଟଣାରେ ଚୁଟକିରେ ଆକ୍ସନ୍ ନିଆଯାଉଥିବା ବେଳେ ଆଉ କେଉଁଠି ନିର୍ଭୟା ଗଣ ଦୁଷ୍କର୍ମ ଘଟଣା ଭଳି ୭ ବର୍ଷ ସମୟ ଲାଗିଯାଉଛି । ଏକ ରିପୋର୍ଟ ଅନୁସାରେ, ମଧ୍ୟପ୍ରଦେଶରେ କେବଳ ଦୁଷ୍କର୍ମ ଘଟଣାରେ ଗତ ୨ ବର୍ଷରେ ମୋଟ ୨୮ ଜଣ ଅଭିଯୁକ୍ତଙ୍କୁ ଫାଶୀ ଦଣ୍ଡାଦେଶ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଉତ୍ତର ପ୍ରଦେଶର ଉନ୍ନାଓ ଜିଲ୍ଲାରେ ଜଣେ ୨୩ ବର୍ଷୀୟ ଯୁବତୀଙ୍କୁ ଦୁଇ ଜଣ ଦୁଷ୍କର୍ମକାରୀ ଦୁଷ୍କର୍ମ କରିଥିବା ବେଳେ ପାଞ୍ଚଜଣ ସଇତାନ ଗୁରୁବାର ସକାଳେ ପୀଡିତାଙ୍କୁ ଜିଅନ୍ତା ଜାଳି ଦେଇଥିଲେ । ଶୁକ୍ରବାର ବିଳମ୍ବିତ ରାତିରେ ପୀଡିତାଙ୍କ ମୃତ୍ୟୁ ହୋଇଥିଲା । ଏହି ଘଟଣା ପରେ ହାଇଦ୍ରାବାଦରେ ମହିଳା ପଶୁ ଡାକ୍ତରଙ୍କ ସହିତ ଗଣ ଦୁଷ୍କର୍ମ ଓ ହତ୍ୟା ଘଟଣାରେ ରାଷ୍ଟ୍ରୀୟ ଆକ୍ରୋଶ ଆରମ୍ଭ ହୋଇଥିଲା । ତେବେ , ମଧ୍ୟପ୍ରଦେଶରେ ୨୦୧୮ରେ ଦୁଷ୍କର୍ମ ଓ ହତ୍ୟା ଘଟଣାରେ ୨୯ ଟି ମାମଲା ରୁଜୁ ହୋଇଥିଲା । ଯାହା ମଧ୍ୟରେ ୧୯ ଟି ମାମଲା ନାବାଳିକାଙ୍କ ସହିତ ସମ୍ବନ୍ଧିତ ଥିଲା । ସମସ୍ତ ୧୯ ଟି ମାମଲାରେ ଅଭିଯୁକ୍ତମାନଙ୍କୁ ଫାଶୀ ଦଣ୍ଡାଦେଶ ହୋଇଥିଲା । ସେହିଭଳି ୨୦୧୯ ରେ ୯ ଟି ଦୁଷ୍କର୍ମ ମାମଲାରେ ଅଭିଯୁକ୍ତଙ୍କୁ ଫାଶୀ ଦଣ୍ଡାଦେଶ ହୋଇଛି ।