୮ ଭାରତୀୟ ନୌସେନା ଅଧିକାରୀଙ୍କୁ ମୃତ୍ୟୁ ଦଣ୍ଡ ମାମଲା । ରାୟ ବିରୋଧରେ ଭାରତର ଆବେଦନକୁ ଗ୍ରହଣ କଲା କତାର କୋର୍ଟ । ପରବର୍ତ୍ତୀ ଶୁଣାଣି ଉପରେ ନଜର ।
କନକ ବ୍ୟୁରୋ: ୮ ଭାରତୀୟଙ୍କୁ ଦିଆଯାଇଥିବା ମୃତ୍ୟଦଣ୍ଡାଦେଶ ଉପରେ ଭାରତର ଆବେଦନକୁ ଗ୍ରହଣ କଲା କତାର । କତାରର ଅଦାଲତ ଭାରତର ଆବେଦନକୁ ଗ୍ରହଣ କରିଛନ୍ତି । ଏବେ ଆବେଦନର ଶୁଣାଣି ନିମନ୍ତେ ନୂଆ ତାରିଖ ଘୋଷଣା କରାଯିବ । କତାରସ୍ଥିତ ‘କୋର୍ଟ ଅଫ୍ ଫାଷ୍ଟ୍ ଇନଷ୍ଟାନ୍ସ’ ଦ୍ୱାରା ବର୍ଷେ ଜେଲ୍ରେ ରହିବା ପରେ ଗତ ମାସରେ ୮ଜଣ ପୂର୍ବତନ ଭାରତୀୟ ନୌସେନା କର୍ମଚାରୀଙ୍କୁ ମୃତ୍ୟୁ ଦଣ୍ଡାଦେଶ ଦିଆଯାଇଥିଲା । ‘ଦାରା ଗ୍ଲୋବାଲ୍ ଟେକ୍ନୋଲୋଜି
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଆଣ୍ଡ୍ କନସଲଟାନ୍ସି ସର୍ଭିସ୍’ ପାଇଁ କାମ କରୁଥିବା ଉକ୍ତ ୮ ବ୍ୟକ୍ତି ଇସ୍ରାଏଲ୍ ତରଫରୁ ଗୁପ୍ତଚରଗିରି କରୁଛନ୍ତି ବୋଲି ଦୋଷାରୋପ କରାଯାଇଥିଲା । ତେଣୁ ୨୦୨୨ ଅଗଷ୍ଟରେ ସେମାନେ ଗିରଫ ହୋଇଥିଲେ । ସେମାନଙ୍କୁ ରାଷ୍ଟ୍ରଦୂତଙ୍କ ସହିତ ଯୋଗାଯୋଗ କରିବା ସୁଯୋଗ ମଞ୍ଜୁର କରାଇବା ପରେ ଭାରତୀୟ କର୍ତ୍ତୃପକ୍ଷମାନେ ସେମାନଙ୍କୁ ମୁକ୍ତ କରିବା ପାଇଁ ପ୍ରଚେଷ୍ଟା ଚଳାଇଛନ୍ତି । ଦୀର୍ଘ ୨୦ ବର୍ଷ ଧରି ଏହି ୮ଜଣ ବ୍ୟକ୍ତି ଭାରତୀୟ ନୈାସେନାରେ ସେବା ଦେଇଥିଲେ ।