କନକ ବ୍ୟୁରୋ : ରଙ୍ଗର ପର୍ବ ହୋଲିରେ ବଡ ଧରଣର ଅଘଟଣ । ଆଜି ରାଜ୍ୟର ବିଭିନ୍ନ ସ୍ଥାନରେ ୫ଜଣଙ୍କ ଜୀବନ ଯାଇଛି । ହୋଲି ଖେଳ ପରେ ଗାଧୋଇବାକୁ ଯାଇ ପ୍ରାଣ ହରାଇଛନ୍ତି ୪ଜଣ ଯୁବକ ଓ ଜଣେ ଶିଶୁ । କଟକ ଗୋପାଳପୁର ନିକଟ କାଠଯୋଡିରେ ବୁଡି ଯୁବକ ପ୍ରାଣ ହରାଇଛନ୍ତି । ସେହିପରି ବାରଙ୍ଗ-ପୁରୀ ମୁଖ୍ୟ କେନାଲରେ ବୁଡି ଜଣେ ଯୁବକଙ୍କ ମୃତ୍ୟୁ ହୋଇଛି । ଯାଜପୁର ଖରସ୍ରୋତା ନଦୀରେ ବୁଡି କଟକ ଜଗତପୁରର ଜଣେ ଯୁବକଙ୍କ ଜୀବନ ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବଲାଙ୍ଗୀର ତେଲ ନଦୀରେ ବୁଡି ଜଣେ ଯୁବକ ଏବଂ ସୁନ୍ଦରଗଡ ଲହୁଣୀପଡାରେ ଜଣେ ଛାତ୍ର ପାଣିରେ ବୁଡି ପ୍ରାଣ ହରାଇଛନ୍ତି । ଗୋଟିଏ ପଟେ ସାରା ରାଜ୍ୟରେ ହୋଲି ଉତ୍ସବ ପାଳନ ଚାଲିଥିବା ବେଳେ ୫ ଜଣଙ୍କ ମୃତ୍ୟୁ ଖବର ରାଜ୍ୟବାସୀଙ୍କ ପାଇଁ ଦୁଃଖ ଆଣିଦେଇଛି । ପ୍ରାଣ ହରାଇଥିବା ସମସ୍ତ ୫ଟି ଯାକ ସ୍ଥାନରେ ହୋଲି ଖେଳ ପରେ ଗାଧୋଇବାକୁ ଯାଇ ଅଘଟଣ ଘଟିଛି । କିଏ ନଦୀରେ ତ ଆଉ କିଏ କେନାଲରେ ବୁଡି ପ୍ରାଣ ହରାଇଛନ୍ତି ।