କ୍ରିକେଟରୁ ସନ୍ନ୍ୟାସ ନେଲେ ‘ମିଷ୍ଟର ୩୬୦ ଡିଗ୍ରୀ’ ଡିଭିଲିୟର୍ସ । କହିଲେ, ମୁଁ ଏବେ ଅଧା ଭାରତୀୟ ହୋଇଗଲିଣି, ହିନ୍ଦୀରେ ଦେଲେ ଧନ୍ୟବାଦ ।
କନକ ବ୍ୟୁରୋ : ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ବଡ ଝଟକା । କ୍ରିକେଟର ସବୁ ଫର୍ମାଟକୁ ଅଲବିଦା କରିଛନ୍ତି ଦକ୍ଷିଣ ଆଫ୍ରିକାର ଷ୍ଟାର କ୍ରିକେଟର ଏବି ଡିଭିଲିୟର୍ସ । ପୂର୍ବରୁ ଅର୍ନ୍ତଜାତୀୟ କ୍ରିକେଟକୁ ବାଏ ବାଏ କରିଥିବା ଡିଭିଲିୟର୍ସ ଏବେ ସମସ୍ତ କ୍ରିକେଟ ଫର୍ମାଟରୁ ସନ୍ନ୍ୟାସ ନେଇଛନ୍ତି । ଆଉ ଏଭଳି ନିଷ୍ପତି କ୍ରିକେଟପ୍ରେମୀଙ୍କୁ ହତବାକ କରିଦେଇଛି । କାରଣ ଆଇପିଏଲ ଭଳି ଟୁର୍ଣ୍ଣାମେଣ୍ଟରେ ଡିଭିଲିୟର୍ସଙ୍କ ବିସ୍ଫୋରକ ବ୍ୟାଟିଂ ଆଉ ଦେଖିବାକୁ ମିଳିବ ନାହିଁ । ଦୀର୍ଘ ବର୍ଷ ହେବ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଟିମରୁ ଖେଳି ଆସୁଥିଲେ ଡିଭିଲିୟର୍ସ । ୨୦୧୧ରୁ ଆରସିବି ପକ୍ଷରୁ ଖେଳି ଆସୁଛନ୍ତି ଡିଭିଲିୟର୍ସ । ଆଉ ଏବେ ଯାଏଁ ବାଙ୍ଗାଲୋର ପକ୍ଷରୁ ୧୧ଟି ଆଇପିଏଲ ସିଜିନ ଖେଳିଛନ୍ତି ଡିଭିଲିୟର୍ସ ।
Kanak News is now on WhatsApp
Join and get latest news updates delivered to you via WhatsApp
It has been an incredible journey, but I have decided to retire from all cricket.
Ever since the back yard matches with my older brothers, I have played the game with pure enjoyment and unbridled enthusiasm. Now, at the age of 37, that flame no longer burns so brightly. pic.twitter.com/W1Z41wFeli
— AB de Villiers (@ABdeVilliers17) November 19, 2021
କ୍ରିକେଟରୁ ସନ୍ନ୍ୟାସ ନେଉଥିବା ନେଇ ଟ୍ୱିଟରରେ ସୂଚନା ଦେଇଛନ୍ତି ଡିଭିଲିୟର୍ସ । ଟ୍ୱିଟ୍ କରି ଡିଭିଲିୟର୍ସ ଲେଖିଛନ୍ତି, ଏହା ଏକ ଅବିଶ୍ୱସନୀୟ ଯାତ୍ରା ଥିଲା । କିନ୍ତୁ ଏବେ କ୍ରିକେଟରୁ ସନ୍ନ୍ୟାସ ନେବାକୁ ନିଷ୍ପତ୍ତି ନେଉଛି । ଯେତେବେଳେ ବଡ ଭାଇଙ୍କ ସହ କ୍ରିକେଟ ଖେଳିବା ଆରମ୍ଭ କରିଥିଲି ସେତେବେଳେ ଏହାର ପୂରା ଆନନ୍ଦ ଓ ବେଲଗାମ ଊତ୍ସାହ ସହ ଖେଳିଥିଲି । କିନ୍ତୁ ଏବେ ୩୭ ବର୍ଷରେ ପାଦ ଦେବା ପରେ ସେହି ଜୋଶ ଓ ଚଞ୍ଚଳତା ଆଉ ନାହିଁ । ଧନ୍ୟବାଦ ସମସ୍ତଙ୍କୁ ଏହି ଯାତ୍ରାରେ ଯୋଡି ହୋଇ ରହିଥିବାରୁ । ଏହି ପୋଷ୍ଟରେ ୩ଟି ଭାଷାରେ ଧନ୍ୟବାଦ ଜଣାଇଛନ୍ତି ଡିଭିଲିୟର୍ସ । ଯେଉଁଥିରେ ହିନ୍ଦୀରେ ଧନ୍ୟବାଦ ଲେଖିଛନ୍ତି ଡିଭିଲିୟର୍ସ । କାରଣ ଭାରତରେ ମଧ୍ୟ ଡିଭିଳିୟର୍ସଙ୍କର କୋଟି କୋଟି ଫ୍ୟାନ୍ ରହିଛନ୍ତି । ଯେଉଁମାନେ ଡିଭିଲିୟର୍ସଙ୍କ ବ୍ୟାଟିଂ ଦେଖିବାକୁ ଚାତକ ଭଳି ଚାହିଁ ରହିଥାନ୍ତି । କାରଣ ଡିଭିଲିୟର୍ସଙ୍କ ଷ୍ଟାଇଲିସ ବ୍ୟାଟିଂ ଶୈଳୀକୁ ଅନେକ ପସନ୍ଦ କରନ୍ତି । ପଡିଆର ଚତୁଃଦିଗରେ ସଟ୍ ଖେଳି ପାରୁଥିବା ଡିଭିଲିୟର୍ସଙ୍କୁ ମିଷ୍ଟର ୩୬୦ ଡିଗ୍ରୀ କୁହାଯାଏ । ଥରେ କ୍ରିଜରେ ସେଟ୍ ହେବା ମାତ୍ରେ ଅବିଶ୍ୱସନୀୟ ସଟ୍ ଖେଳିଥାନ୍ତି ଏବିଡି । ଯେଉଁଥିପାଇଁ ବୋଲର ଡିଭିଲିୟର୍ସଙ୍କୁ ବୋଲିଂ କରିବାକୁ ବି ଭୟ କରିଥାନ୍ତି ।
“I’m going to be an RCBian for life. Every single person in the RCB set-up has become family to me. People come & go, but the spirit & the love we have for each other at RCB will always remain. I’ve become half Indian now & I’m proud of that.” – @ABdeVilliers17 #ThankYouAB pic.twitter.com/5b6RUYfjDY
— Royal Challengers Bangalore (@RCBTweets) November 19, 2021
ଏହାସହ ଡିଭିଲିୟର୍ସ କହିଛନ୍ତି, ମୁଁ ଜୀବନସାରା ଆରସିବିର ହୋଇ ରହିବି । ଆରସିବି ସହ ଜଡିତ ପ୍ରତ୍ୟେକ ବ୍ୟକ୍ତି ମୋର ପରିବାର । ଜୀବନରେ ଅନେକ ଲୋକ ଆସନ୍ତି ଓ ଚାଲି ଯାଆନ୍ତି କିନ୍ତୁ ଆରସିବି ଟିମରେ ପ୍ରତ୍ୟେକଙ୍କ ମଧ୍ୟରେ ଯେଉଁ ବଣ୍ଡିଂ ରହିଛି ତାହା କେବେ ବି ଭାଙ୍ଗିବନି । ମୁଁ ଏବେ ଅଧା ଭାରତୀୟ ହୋଇଗଲିଣି ଏବଂ ଏଥିପାଇଁ ମୁଁ ଗର୍ବିତ । ଏହାସହ ଡିଭିଲିୟର୍ସ କହିଛନ୍ତି, ଆରସିବି ପକ୍ଷରୁ ୧୧ ବର୍ଷ ଖେଳିଛି । ଏହି ସମୟରେ ଅନେକ ଅନୁଭୂତି ରହିଛି । ଏଭଳି ନିଷ୍ପତ୍ତି ନେବାକୁ ଲମ୍ବା ସମୟ ନେଇଥିଲି ଏବଂ ନିଜ ପରିବାର ସହ ସମୟ ବିତାଇବାକୁ ଏଭଳି ନିଷ୍ପତ୍ତି ଭାବିଚିନ୍ତି ନେଇଛି ।
To the best player of our times and the most inspirational person I’ve met, you can be very proud of what you’ve done and what you’ve given to RCB my brother. Our bond is beyond the game and will always be.
— Virat Kohli (@imVkohli) November 19, 2021
ଅନ୍ୟପଟେ ଆରସିବି ପକ୍ଷରୁ ଟ୍ୱିଟ୍ କରି କୁହାଯାଇଛି, ଏକ ଯୁଗର ଅନ୍ତ ଘଟିଲା । ଆପଣଙ୍କ ଭଳି କେହି ବି ନୁହଁନ୍ତି ଏବି ।ଆରସିବି ଆପଣଙ୍କୁ ବହୁତ ମିସ କରିବ । ଟିମ୍, ପ୍ରଂଶସକ ଓ କ୍ରିକେଟପ୍ରେମୀଙ୍କୁ ଯାହା ଦେଇଛନ୍ତି ସେଥିପାଇଁ ଧନ୍ୟବାଦ । ଲିଜେଣ୍ଡଙ୍କୁ ଅବସରକାଳୀନ ଶୁଭେଚ୍ଛା । ସେହିଭଳି ବିରାଟ କୋହଲି ଭାବୁକ କରିଦେବା ଭଳି ଟ୍ୱିଟ୍ କରିଛନ୍ତି । କୋହଲି ଟ୍ୱିଟ୍ କରି ଲେଖିଛନ୍ତି ଯେ, ପରିବାର ଓ ନିଜ ବାବଦରେ ଭାବିଚିନ୍ତି ଏଭଳି ନିଷ୍ପତ୍ତି ନେଇଥିବ ନିଶ୍ଚୟ । କିନ୍ତୁ ଏହା ମୋତେ ବହୁତ କଷ୍ଟ ଦେଇଛି । ଆଇ ଲଭ ୟୁ ଡିଭିଲିୟର୍ସ । ଆଉ ଏହାର ପ୍ରତି ଉତ୍ତରରେ ଡିଭିଲିୟର୍ସ କହିଛନ୍ତି ଲଭ ୟୁ ବ୍ରର୍ଦର ।
Announcement 🔊 @ABdeVilliers17 retires from all cricket
End of an era! 😔 There’s nobody like you, AB. We’ll miss you dearly at RCB. ❤️ For all that you’ve done and given to the team, to the fans, and to cricket lovers in general, #ThankYouAB 🙏🏼 Happy retirement, legend! pic.twitter.com/JivSPTVn88
— Royal Challengers Bangalore (@RCBTweets) November 19, 2021
୩୭ ବର୍ଷୀୟ ଡିଭିଲିୟର୍ସ ଆଇପିଏଲରେ ମଧ୍ୟ ନିଜର ଛାପ ଛାଡିଛନ୍ତି । ଟି-୨୦ ଫର୍ମାଟରେ ଡିଭିଲିୟର୍ସ ବ୍ୟାଟିଂ ଅନେକଙ୍କୁ ପ୍ରଭାବିତ କରିଛି । ଡିଭିଲିୟର୍ସ ମୋଟ ୧୮୪ଟି ଆଇପିଏଲ ମ୍ୟାଚ୍ ଖେଳିଥିବା ବେଳେ ୫୧୬୨ ରନ୍ କରିଛନ୍ତି । ଯେଉଁଥିରେ ୪୦ଟି ଅର୍ଦ୍ଧଶତକ ରହିଛି । ଆଇପିଏଲ-୧୪ ପ୍ରଥମ ପର୍ଯ୍ୟାୟରେ ଡିଭିଲିୟର୍ସ ଧୂଆଁଧାର ବ୍ୟାଟିଂ କରିଥିଲେ, କିନ୍ତୁ ୟୁଏଇରେ ଖେଳାଯାଇଥିବା ଦ୍ୱିତୀୟ ପର୍ଯ୍ୟାୟରେ ଡିଭିଲିୟର୍ସଙ୍କ ବ୍ୟାଟରୁ ସେଭଳି ରନ ବର୍ଷା ହୋଇନଥିଲା । ଯେଉଁଥିପାଇଁ ଡିଭିଲିୟର୍ସଙ୍କ ଫର୍ମକୁ ନେଇ ପ୍ରଶ୍ନ ଉଠିଥିଲା । ତେବେ ଆଗକୁ ଆଇପିଏଲରେ ମହାନିଲାମୀ ହେବାକୁ ଯାଉଥିବା ବେଳେ ଏହା ପୂର୍ବରୁ କ୍ରିକେଟରୁ ସନ୍ନ୍ୟାସ ନେବାକୁ ଘୋଷଣା କରି ଡିଭିଲିୟର୍ସ ସମସ୍ତଙ୍କୁ ଚକିତ କରି ଦେଇଛନ୍ତି । ବାଙ୍ଗାଲୋର ବ୍ୟତୀତ ଡିଭିଲିୟର୍ସ ଆଇପିଏଲରେ ଦିଲ୍ଲୀ ପକ୍ଷରୁ ମଧ୍ୟ ପ୍ରତିନିଧିତ୍ୱ କରିଛନ୍ତି ।