ଉଜୁଡା ସ୍ୱାସ୍ଥ୍ୟସେବାକୁ ସଜାଡିବା ପାଇଁ ଜିଲ୍ଲାପାଳଙ୍କ ଅଭିନବ ପ୍ରୟାସ ! ରୋଗୀ ସେବା ଯୋଗାଇବା ପାଇଁ ଡିଏମଏଫ ପକ୍ଷରୁ ୭୨ ଡାକ୍ତରଙ୍କୁ ଚୁକ୍ତିଭିତିକ ନିଯୁକ୍ତି ଦେଲେ ଜିଲ୍ଲପାଳ
କନକ ବ୍ୟୁରୋ :ସାରା ଦେଶରେ ଦେଖାଦେଇଛି ଡାକ୍ତର ସମସ୍ୟା । ରାଜ୍ୟରେ ମଧ୍ୟ ସ୍ଥିତି ସମାନ । ଭୁବନେଶ୍ୱର ଠାରୁ ଆରମ୍ଭ କରି ଜିଲ୍ଲାର ଅପହଂଚ ଅଂଚଳରେ ସବୁ ଆଡେ ଡାକ୍ତର ଅଭାବରୁ ରୋଗୀ ସେବା ବାଧାପ୍ରାପ୍ତ ହେଉଛି । ସରକାରୀ ଡାକ୍ତରଖାନାରେ ରୋଗୀ ଘଂଟାଘଂଟା ଧରି ଧାଡିରେ ଠିଆ ହେବା ପରେ ବି ସେବା ନପାଇ ଫେରିବା ଖବର ଗଣମାଧ୍ୟମରେ ପ୍ରସାରଣ ହୋଇଛି । ଆଉ ଏହିଭଳି ସ୍ଥିତିରେ ଜିଲ୍ଲାରେ ସୁନ୍ଦରଗଡରେ ଭୁଶୁଡି ପଡିଥିବା ସ୍ୱାସ୍ଥ୍ୟସେବାକୁ ସଜାଡିବା ପାଇଁ ଅଂଟା ଭିଡିଛନ୍ତି ସୁନ୍ଦରଗଡ ଜିଲ୍ଲାପାଳ ନିଖିଲ ପବନ କଲ୍ୟାଣ । ଜିଲ୍ଲା ଖଣିଜ ପ୍ରତିଷ୍ଠାନ ପକ୍ଷରୁ ସୁନ୍ଦରଗଡରେ ୭୨ ଚୁକ୍ତି ଭିତିକ ଡାକ୍ତରଙ୍କୁ ନିଯୁକ୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୁନ୍ଦରଗଡ ଜିଲ୍ଲା ମୁଖ୍ୟ ଚିକିତ୍ସାଳୟ
ଡାକ୍ତରଖାନା ବର୍ହି ବିଭାଗରେ ରୋଗୀଙ୍କ ଲମ୍ବା ଲାଇନ୍
ସକାଳ ୬ରୁ ୧୨ ଯାଏଁ ଧାଡିରେ ଠିଆ ହେଉଛନ୍ତି ରୋଗୀ
ଏ ହେଉଛି ଆମ ରାଜ୍ୟର ସ୍ୱାସ୍ଥ୍ୟ ସେବାର ନିଚ୍ଛକ ଚିତ୍ର । ସୁନ୍ଦରଗଡ ଜିଲ୍ଲା ମୁଖ୍ୟ ଚିକିତ୍ସାଳୟ ବର୍ହି ବିଭାଗ ଆଗରେ ରୋଗୀଙ୍କ ଲମ୍ବା ଧାଡି । କିଏ ସକାଳ ୬ଟାରୁ ଠିଆ ହୋଇଛନ୍ତି ତ ଆଉ କିଏ ୮ ଟାରୁ । ହେଲେ ଡାକ୍ତର ଅଭାବ ଯୋଗୁଁ ଦିନ ୧୨ଟା ଯାଏଁ ଚିକିତ୍ସା ମିଳୁନଥିବା ଅଭିଯୋଗ ହେଉଛି । ସୁନ୍ଦରଗଡ ଜିଲ୍ଲା ମୁଖ୍ୟ ଚିକିତ୍ସାଳୟର ଅବସ୍ଥା ଦେଖି ଆପଣମାନେ ଅନୁମାନ କରି ପାରୁଥିବେ ଜିଲ୍ଲାର ଅନ୍ୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ କିଭଳି ମିଳୁଥିବ ଚିକିତ୍ସା । ପୁରା ଜିଲ୍ଲାରେ ଡାକ୍ତର ଅଭାବକୁ ମେଂଟାଇବା ପାଇଁ ପ୍ରୟାସ କରିଛନ୍ତି ଜିଲ୍ଲାପାଳ ନିଖିଲ ପବନ କଲ୍ୟାଣ ।
ସୁନ୍ଦରଗଡ଼ ସ୍ୱାସ୍ଥ୍ୟସେବାକୁ ସଜାଡିବାର ପ୍ରୟାସ
ସେବା ଯୋଗାଇବାକୁ ଜିଲ୍ଲପାଳଙ୍କ ଅଭିନବ ଉଦ୍ୟମ
ସୁନ୍ଦରଗଡ ଜିଲ୍ଲାରେ ଡାକ୍ତରଙ୍କ ଘୋର ଅଭାବ । ଜିଲ୍ଲାରେ ମୋଟ ୨୮୦ ଜଣ ଡକ୍ତରଙ୍କ ଆବଶ୍ୟକତା ଥିବା ବେଳେ ଅଛନ୍ତି ୧୨୦ ଜଣ । ଜିଲ୍ଲା ମୁଖ୍ୟ ଚିକିତ୍ସାଳୟର ବିଭିନ୍ନ ବିଭାଗରେ ୬୩ଜଣ ଡାକ୍ତର ରହିବା କଥା ଅଛନ୍ତି ମାତ୍ର ୧୯ ଜଣ । ଜିଲ୍ଲାର ଉଜୁଡା ସ୍ୱାସ୍ଥ୍ୟସେବାକୁ ହୃଦୟଙ୍ଗମ ଡାକ୍ତର ପଦବୀ ପୂରଣ ପାଇଁ ପ୍ରୟାସ କରିଛନ୍ତି ଜିଲ୍ଲପାଳ ନିଖିଲ ପବନ କଲ୍ୟାଣ । ଜିଲ୍ଲା ଖଣିଜ ପ୍ରତିଷ୍ଠାନ ପାଣ୍ଠି ଅର୍ଥାତ୍ ଡିଏମଏଫ ପକ୍ଷରୁ ଖାଲିଥିବା ୧୬୦ଟି ଡାକ୍ତର ପଦବୀରୁ ୭୨ଟି ପଦବୀରେ ଚୁକ୍ତି ଭିତିକ ଡାକ୍ତରଙ୍କୁ ନିଯୁକ୍ତି ଦିଆଯାଇଛି ।
ଚୁକ୍ତି ଭିତିକ ଡାକ୍ତର ନିଯକ୍ତି ପାଇଁ ଆବେଦନ ଆହ୍ୱନ କରିଥିଲା ଜିଲ୍ଲା ପ୍ରଶାସନ । ଏହିକ୍ରମରେ ୭୨ ଜଣ ଡାକ୍ତରଙ୍କୁ ନିଯୁକ୍ତି ପ୍ରଦାନ କରିଛନ୍ତି ଜିଲ୍ଲାପାଳ । ନଶ୍ଚେତକ ବିଭାଗରେ ୫ଜଣ , ସ୍ତ୍ରୀ ଓ ପ୍ରସୂତୀ ବିଶେଷଜ୍ଞ ୧୦ ଜଣ ଡାକ୍ତରଙ୍କୁ ନିଯୁକ୍ତି ମିଳିଛି । ସେହିଭଳି ଭେଷଜ ବିଶେଷଜ୍ଞ ଭାବେ ୨ ଜଣ, ଶିଶୁ ରୋଗ ବିଶେଷଜ୍ଞରେ ୪ ଜଣ, ସର୍ଜରୀରେ ଜଣେ, ୨୫ ଜଣ ଏମ୍ବିବିଏସ୍ ଓ ୨୫ ଜଣ ଦନ୍ତ ଚିକିତ୍ସକଙ୍କୁ ନିଯୁକ୍ତ କରାଯାଇଛି । ଏମାନେ ସୁନ୍ଦରଗଡ, ରାଉରକେଲା , ରାଜଗାଙ୍ଗପୁର , ବଣାଇ, କୋଇଡା, ବିଶ୍ରା, କୁତ୍ରା , ଲହୁଣିପଡା, ନୂଆଗାଁ, ଗୁରୁଣ୍ଡିଆ, ହେମଗିରି, ବାଲିଶଙ୍କରା ଓ ଲେଫ୍ରିପଡା ଭଳି ଅପହଂଚ ଇଲାକାରେ ସ୍ୱାସ୍ଥ୍ୟସେବା ଯୋଗାଇବେ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଜିଲ୍ଲାର ଯେଉଁ ଡାକ୍ତରମାନେ ରାଜ୍ୟ ବାହାରେ ଘରୋଇ ନର୍ସିଂହୋମରେ କାମ କରୁଥିଲେ ଏବଂ ସରାକରୀ ଚାକିରିରୁ ଅବସର ଗ୍ରହଣ କରି ଘରେ ବସିଥିବା ଡାକ୍ତରଙ୍କୁ ଏହି ଚୁକ୍ତିଭିତିକ ନିଯୁକ୍ତି ପ୍ରଦାନ କରାଯାଇଛି ।