ଆଇପିଏଲ ଫାଇନାଲରେ ମୁମ୍ବାଇକୁ ଭେଟିବ ଦିଲ୍ଲୀ । ଏଲିମିନେଟରରେ ସନରାଇଜର୍ସ ହାଇଦ୍ରାବାଦକୁ ହରାଇ ଫାଇନାଲକୁ ଟିକେଟ କାଟିଲା ଦିଲ୍ଲୀ କ୍ୟାପିଟାଲ୍ସ
ଧୱନ ଓ ଷ୍ଟୋଇନିସଙ୍କ ଦମଦାର ବ୍ୟାଟିଂ ଦେଲା ବିଜୟ
କନକ ବ୍ୟୁରୋ: ଚଳିତ ଆଇପିଏଲ ଫାଇନାଲରେ ପରସ୍ପରର ମୁହାଁମୁହିଁ ହେବେ ଦିଲ୍ଲୀ କ୍ୟାପିଟାଲ୍ସ ଓ ମୁମ୍ବାଇ ଇଣ୍ଡିଆନ୍ସ । ରବିବାର ସନରାଇଜର୍ସ ହାଇଦ୍ରାବାଦକୁ ହରାଇ ଫାଇନାଲରେ ପହଂଚିଛି ଦିଲ୍ଲୀ କ୍ୟାପିଟାଲ୍ସ । ଉଭୟ ବ୍ୟାଟିଂ ଓ ବୋଲିଂରେ ଚମକ୍ରାର ପ୍ରଦର୍ଶନ କରି ହାଇଦ୍ରାବାଦକୁ ପରାସ୍ତ କରିଛି ଦିଲ୍ଲୀ । ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତି ନେଇଥିଲା ଦିଲ୍ଲୀ । ଆରମ୍ଭରୁ ଓପନିଂ ଯୋଡ଼ି ଶିଖର ଧୱନ ଓ ମାର୍କ ଷ୍ଟାଇନିସ୍ ଧୂଆଁଧାର ବ୍ୟାଟିଂ ଆରମ୍ଭ କରିଦେଇଥିଲେ । ଧୱନ ୫୦ ବଲରୁ ୭୮ରନର ଇନିଙ୍ଗସ୍ ଖେଳିଥିଲେ । ସେହିପରି ଷ୍ଟୋଇନିସ୍ ୩୮ ରନ୍ କରିଥିଲେ । ଯୁବ ବ୍ୟାଟ୍ସମ୍ୟାନ ସିମ୍ରନ ହେଥମାୟାର ଶେଷବେଳକୁ ଆକ୍ରମଣାତ୍ମକ ବ୍ୟାଟିଂ କରି ଦିଲ୍ଲୀ ସ୍କୋରକୁ ଆଗକୁ ବଢ଼ାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ହେଥମାୟାର ୨୨ ବଲରୁ ୪୨ ରନ୍ କରିଥିଲେ । ଫଳରେ ଦିଲ୍ଲୀ ୩ ୱିକେଟ ହରାଇ ୧୮୯ ରନର ବିଶାଳ ସ୍କୋର କରିଥିଲା । ଜବାବରେ ସନରାଇଜର୍ସ ହାଇଦ୍ରବାଦ ଇନିଙ୍ଗସ୍ ଆରମ୍ଭରୁ ଝଟକା ସହିଥିଲା । ଦଳୀୟ ସ୍କୋର ମାତ୍ର ୧୨ ରନ୍ ଥିବା ବେଳେ ଅଧିନାୟକ ତଥା ଷ୍ଟାର ବ୍ୟାଟସମ୍ୟାନ ଡେଭିଡ୍ ୱାର୍ଣ୍ଣର ଆଉଟ୍ ହୋଇଯାଇଥିଲେ । ତେବେ କେନ୍ ୱିଲିୟମ୍ସ ଓ ଅବଦୁଲ ସମଦଙ୍କ ଲଢ଼ୁଆ ବ୍ୟାଟିଂ ହାଇଦ୍ରାବାଦ ପାଇଁ କିଛିଟା ଆଶା ସଂଚାର କରିଥିଲା । ୱିଲିୟମ୍ସ୪୫ ବଲରୁ ୫ ଚୌକା, ୪ ଛକା ସାହାଯ୍ୟରେ ୬୭ ରନ୍ କରିଥିଲେ । ସେହିପରି ଅବଦୁଲ ସମଦ୧୬ ବଲରୁ ୩୩ ରନ୍ କରିଥିଲେ । ହେଲେ ଟାର୍ଗେଟ୍ ୧୯୦ ପହଂଚିପାରି ନଥିଲା ହାଇଦ୍ରାବାଦ । ଦିଲ୍ଲୀ ଏହି ମ୍ୟାଚକୁ ୧୭ ରନରେ ବିଜୟୀ ହୋଇଥିଲା ।