କ୍ୟାମେରାମ୍ୟାନ୍ ମାନସଙ୍କୁ କେମିତି କରାଯାଇଥିଲା ହତ୍ୟା । ଡେମୋ ପରେ ପୁଣି ସିଲ୍ ହେଲା  ଦୟାଲ ଆଶ୍ରମ

କନକ ବ୍ୟୁରୋ : କ୍ୟାମେରାମ୍ୟାନ୍ ମାନସଙ୍କୁ କେମିତି କରାଯାଇଥିଲା ହତ୍ୟା । ଡେମୋ ପରେ ପୁଣି ସିଲ୍ ହେଲା  ଦୟାଲ ଆଶ୍ରମବୁଲେଟିନ୍ ଆରମ୍ଭ କରିବା ବହୁଚର୍ଚ୍ଚିତ କ୍ୟାମେରାମ୍ୟାନ୍ ମାନସ ସ୍ୱାଇଁ ହତ୍ୟା ମାମଲାରୁ । ଦୟାଲ ଆଶ୍ରମରେ ମାନସଙ୍କୁ କେମିତି କରାଯାଇଥିଲା ହତ୍ୟା, ତା’ର ଡେମୋ ଦେଖାଇଛନ୍ତି ମୁଖ୍ୟ ଷଡ଼ଯନ୍ତ୍ରକାରୀ ଶର୍ମିଷ୍ଠା ରାଉତ । ଅତି ସତର୍କତାର ସହ ଶର୍ମିଷ୍ଠାଙ୍କୁ ଚାନ୍ଦବାଲି ପଳାସପୁରରୁ ଭୁବନେଶ୍ୱର ଆଣିଥିଲା କ୍ରାଇମବ୍ରାଂଚ । ପ୍ରଥମେ ତଦନ୍ତକାରୀ ଟିମ୍ ପହଂଚିବା ପରେ ଦୟାଲ ଆଶ୍ରମକୁ ସିଲ୍ କରିଦିଆଯାଇଥିଲା ।

ଚାନ୍ଦବାଲିରେ ଡେମୋ ଶୋ’ ପରେ ଶର୍ମିଷ୍ଠାଙ୍କୁ ପୁଣିଥରେ ଭୁବନେଶ୍ୱର ସ୍ଥିତ ଆଶ୍ରମକୁ ଅଣାଯାଇ ସେଠାରେ ମଧ୍ୟ ସିନ୍ ରିକ୍ରିଏସନ୍ କରାଯାଇଥିଲା । ଶର୍ମିଷ୍ଠାଙ୍କୁ ତୁରନ୍ତ ଆଶ୍ରମ ଭିତରକୁ ନିଆଯାଇଥିଲା । ତଦନ୍ତକାରୀ ଟିମ୍ ଆଶ୍ରମ ଭିତରେ ସିନ୍ ରିକ୍ରିଏସନ୍ କରିଥିବା ଜଣାପଡ଼ିଛି । ଅର୍ଥାତ୍ ମାନସଙ୍କୁ କେମିତି ହତ୍ୟା କରାଗଲା, କେଉଁମାନେ ତାଙ୍କୁ ମାଡ଼ ମାରିଥିଲେ, ସେ ନେଇ ଡେମୋ ଦେଖାଇଛନ୍ତି ଶର୍ମିଷ୍ଠା । ସିନ ରିକ୍ରିଏସନ୍ ପରେ ପୁଣିଥରେ ଦୟାଲ ଆଶ୍ରମକୁ ସିଲ କରିଦିଆଯାଇଛି ।