କନକ ବ୍ୟୁରୋ: ଅଣ୍ଡରୱାର୍ଲ୍ଡ ଡନ୍ ଦାଉଦ ଇବ୍ରାହିମକୁ ନେଇ ଏକ ଚାଞ୍ଚଲ୍ୟକର ତଥ୍ୟ ପ୍ରକାଶ କରିଛି ନ୍ୟାସନାଲ ଇନଭେଷ୍ଟିଜେସନ୍ ଏଜେନ୍ସି(ଏନଆଇଏ) । ଏହାସହ ଦାଉଦର ଟାର୍ଗେଟରେ ଦେଶର ରାଜନେତା ଓ ପ୍ରତିଷ୍ଠିତ ବ୍ୟବସାୟୀ ଥିବା କହିଛି ଏନଆଇଏ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏନଆଇଏର ତଥ୍ୟ ମୁତାବକ, ଦାଉଦ ଇବ୍ରାହିମ ତା’ର ସ୍ୱତନ୍ତ୍ର ୟୁନିଟ ସହିତ ଦେଶର ବିଭିନ୍ନ ସ୍ଥାନରେ ହିଂସା ସୃଷ୍ଟି କରିବା ଉଦ୍ଦେଶ୍ୟରେ ବିସ୍ଫୋରକ ଏବଂ ମାରାତ୍ମକ ଅସ୍ତ୍ରଶସ୍ତ୍ର ବ୍ୟବହାର କରି ଦେଶ ଉପରେ ଆକ୍ରମଣ କରିବାକୁ ଯୋଜନା କରୁଛି। ଏହା ବ୍ୟତୀତ ଦାଉଦ ଦିଲ୍ଲୀ ଏବଂ ମୁମ୍ବାଇ ଟାର୍ଗେଟ କରୁଛି ବୋଲି ଏଜେନ୍ସି କହିଛି। ଦାଉଦର ଟାର୍ଗେଟରେ ଅଛନ୍ତି ଭାରତର ରାଜନୈତିକ ନେତା ଏବଂ ବିଶିଷ୍ଟ ବ୍ୟବସାୟୀ । ରାଜଧାନୀ ନୂଆଦିଲ୍ଲୀ ଏବଂ ବ୍ୟବସାୟିକ ରାଜଧାନୀ ମୁମ୍ବାଇ ଉପରେ ବିଶେଷ ଧ୍ୟାନ ଦେଇ ଦେଶରେ ହିଂସା ସୃଷ୍ଟି କରିବା ଉଦ୍ଦେଶ୍ୟରେ ଦାଉଦ ଇବ୍ରାହିମ ବିସ୍ଫୋରକ ଏବଂ ଅନ୍ୟାନ୍ୟ ମାରାତ୍ମକ ଅସ୍ତ୍ରଶସ୍ତ୍ର ବ୍ୟବହାର କରି ଭାରତ ଉପରେ ଆକ୍ରମଣ କରିବା ପାଇଁ ଏହି ସ୍ୱତନ୍ତ୍ର ୟୁନିଟ୍ ବ୍ୟବହାର କରିବାକୁ ଯୋଜନା କରୁଥିବା ତଥ୍ୟ ପ୍ରକାଶ କରିଛି ଏନଆଇଏ ।
ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଶୁକ୍ରବାର ଦାଉଦର ଭାଇ ଇକବାଲ ଇବ୍ରାହିମ କାସ୍କରଙ୍କୁ ମନି ଲଣ୍ଡରିଂ ମାମଲାରେ ୠିରଫ କରିଛି । କାସ୍କରଙ୍କୁ ପଚରାଉଚରା କରିବା ପାଇଁ ମୁମ୍ବାଇର ଏକ ଅଦାଲତ ଇଡିକୁ ଅନୁମତି ଦେବା ପରେ ଇଡି ଏପରି କଠୋର ପଦକ୍ଷେପ ନେଇଥିଲା । ମନି ଲଣ୍ଡରିଂ ମାମଲାରେ ଇଡି ୬ ଜଣଙ୍କ ବୟାନ ରେକର୍ଡ କରିଛି ଏବଂ ବିଲଡର ଏବଂ ରାଜନେତାଙ୍କ ସମେତ ଆଉ କିଛି ବ୍ୟକ୍ତିଙ୍କ ଉପରେ ପ୍ରଶ୍ନ କରାଯିବାର ସମ୍ଭାବନା ରହିଛି।