ଡିଏସପି ଦେବେନ୍ଦ୍ରଙ୍କ ବେଇମାନପଣିଆର ବଡ ଖୁଲାସା । ଟଙ୍କା ପାଇଁ ଆତଙ୍କବାଦୀଙ୍କ ସହ ହାତ ମିଳାଇଥିଲେ , ଆର୍ମି ବେସ୍ କ୍ୟାମ୍ପ ପାଖରେ ନୂଆ ଘର ନିର୍ମାଣ କରୁଥିଲେ ।
ଟଙ୍କା ପାଇଁ ଆତଙ୍କବାଦୀଙ୍କ ସହ ମିଶି ଦେଶ ବିରୋଧରେ ଷଡଯନ୍ତ୍ର ରଚୁଥିଲେ ଜମ୍ମୁ-କାଶ୍ମୀରର ଡିଏସପି । ଏଭଳି ଏକ ସାଂଘାତିକ ସତ ସାମ୍ନାକୁ ଆସିବା ପରେ ଆଜି ଡିଏସପି ଦେବେନ୍ଦ୍ର ସିଂଙ୍କୁ ନେଇ ଆଉ ଏକ ବଡ ଖୁଲାସା ହୋଇଛି । ହଜିବୁଲ ମୁଜାହିଦ୍ଦିନ ଓ ଲସ୍କର-ଇ-ତୋଇବା ଆତଙ୍କବାଦୀଙ୍କ ସହ କାରରେ ଯାଉଥିବା ବେଳେ ଗିରଫ ହୋଇଥିବା ଡିଏସପି ଦେବେନ୍ଦ୍ର ଶ୍ରୀନଗର ଆର୍ମି ବେସ କ୍ୟାମ୍ପ ପାଖରେ ଏକ ଘର ନିର୍ମାଣ କରୁ୍ଥିବାର ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଡିଏସପି ଦେବେନ୍ଦ୍ର ସିଂ ଶ୍ରୀନଗରର ଇନ୍ଦିରା ନଗରରେ ଏକ ନୂଆ ଘର ନିର୍ମାଣ କରୁଥିବା ବେଳେ ଏହାକୁ କାଶ୍ମୀରର ସବୁଠୁ ସୁରକ୍ଷିତ ଅଞ୍ଚଳ ବୋଲି କୁହାଯାଏ । ୨୦୧୭ରୁ ଏହି ଘରର ନିର୍ମାଣ ଚାଲିଥିବା ବେଳେ ଏଠାରୁ ବନ୍ଧୁକ ଓ ଗ୍ରେନେଡ ଜବତ କରିଥିଲା ପୋଲିସ । ଏହି ଘରଟି ଆର୍ମି ବେସ୍ କ୍ୟାମ୍ପ ପାଖରେ ରହିଛି । ତେବେ ଡିଏସପିଙ୍କ ଆତଙ୍କବାଦୀ ଲିଙ୍କ ଖବର ସାମ୍ନାକୁ ଆସିବା ପରେ ତାଙ୍କ ପରିବାର ଲୋକଙ୍କ ବାବଦରେ କୌଣସି ଖବର କାହା ପାଖରେ ନାହିଁ । ଏପରିକି ଦେବେନ୍ଦ୍ର ଭଡାରେ ରହୁଥିବା ଘରେ ମଧ୍ୟ ତାଲା ପଡିଥିବାର ଜଣାପଡିଛି । ଦେବେନ୍ଦ୍ରଙ୍କ ବଡ ଝିଅ ବାଂଲାଦେଶରେ ଏମବିବିଏସ ପଢୁଥିବା ବେଳେ ସାନ ପୁଅ ସ୍କୁଲରେ ପାଠ ପଢୁଛି ।
ଶନିବାର ଦୁଇ ଦୁର୍ଦ୍ଦାନ୍ତ ଆତଙ୍କବାଦୀଙ୍କ ସହ କାରରେ ଯାଉଥିବା ବେଳେ ଦେବେନ୍ଦ୍ରଙ୍କୁ ଗିରଫ କରିଥିଲା ପୋଲିସ । ଏହି ଆତଙ୍କବାଦୀଙ୍କୁ ଦେବେନ୍ଦ୍ର ପ୍ରଥମେ ଚଣ୍ଡିଗଡ ଓ ପରେ ଦିଲ୍ଲୀ ପହଞ୍ଚାଇବାକୁ ଡିଲ୍ କରିଥିଲେ । ତେବେ ଦେବେନ୍ଦ୍ର ଧରାପଡିବା ପରେ ତାଙ୍କୁ ମଧ୍ୟ ଆତଙ୍କବାଦୀଙ୍କ ଭଳି ଜେରା କରାଯିବ ବୋଲି କହିଛନ୍ତି ଜମ୍ମୁ-କାଶ୍ମୀରର ଆଇଜି ।