ମେଡିସିନ୍ କ୍ଷେତ୍ରରେ ଗବେଷଣା ପାଇଁ ନୋବେଲ ପୁରସ୍କାର: ଡେଭିଡ୍ ଜୁଲିୟସ୍ ଓ ଆର୍ଡେମ୍ ପାଟାପୋଟିଆନଙ୍କୁ ମିଳିତ ନୋବେଲ

କନକ ବ୍ୟୁରୋ: ୨୦୨୧ ବର୍ଷ ପାଇଁ ଘୋଷଣା ହୋଇଛି ବିଶ୍ୱର  ସମ୍ମାନାସ୍ପଦ ନୋବେଲ ପୁରସ୍କାର । ମେଡିସିନ୍ କ୍ଷେତ୍ରରେ ତାପମାତ୍ରା ମାପିବା ଓ ସ୍ପର୍ଶ ବିଷୟରେ ସ୍ୱତନ୍ତ୍ର ଗବେଷଣା ଯୋଗୁଁ ଆମେରିକାର ଦୁଇ ବୈଜ୍ଞାନିକ ଡେଭିଡ୍ ଜୁଲିୟସ୍ ଓ ଆର୍ଡେମ୍ ପାଟାପୋଟିଆନଙ୍କୁ ମିଳିତ ଭାବେ ନୋବେଲ ପୁରସ୍କାର ମିଳିଛି ।

ଉତ୍ତାପ, ଥଣ୍ଡା ଏବଂ ସ୍ପର୍ଶ ଅନୁଭବ କରିବାର କ୍ଷମତା ଶରୀର ପାଇଁ ଜରୁରୀ ଏବଂ ଆମ ଚାରିପାଖରେ ଥିବା ବିଶ୍ୱ ସହିତ ଆମର ପାରସ୍ପରିକ ସମ୍ପର୍କକୁ ଆଧାର କରେ । ଆମର ଦୈନନ୍ଦିନ ଜୀବନରେ ଆମେ ଏହି ସମ୍ବେଦନଶୀଳତାକୁ ଗ୍ରହଣ କରୁ । କିନ୍ତୁ ସ୍ନାୟୁ ପ୍ରେରଣା କିପରି ଆରମ୍ଭ ହୁଏ ଯାହା ଦ୍ୱାରା ତାପମାତ୍ରା ଏବଂ ଚାପ ଅନୁଭବ କରାଯାଇପାରିବ ।ତେଣୁ ଏହି ବିଶେଷ କ୍ଷେତ୍ରରେ ଗବେଷଣା କରି ଉପରୋକ୍ତ ଦୁଇ ବୈଜ୍ଞାନିକଙ୍କୁ ମିଳିଛି ସଫଳତା । ଚଳିତ ବର୍ଷ ପାଇଁ ଏହା ନୋବେଲ କିମିଟିର ପ୍ରଥମ ଘୋଷଣା ।

୨୦୨୦ ବର୍ଷ ପାଇଁ ହେପାଟାଇଟିସ୍ ସି’ ଭାଇରସ୍ ଆବିଷ୍କାର ପାଇଁ ଆମେରିକୀୟ ହାର୍ଭେ ଜେ ଅଲଟର ଏବଂ ଚାର୍ଲ୍ସ ଏମ୍ ରାଇସ୍ ଏବଂ ବ୍ରିଟିଶ ବୈଜ୍ଞାନିକ ମାଇକେଲ୍ ହୁଟନ୍ ଙ୍କୁ ମେଡିସିନ୍ କିମ୍ବା ଫିଜିଓଲୋଜି ପାଇଁ ନୋବେଲ୍ ପ୍ରାଇସ୍ ପ୍ରଦାନ କରାଯାଇଛି।