କନକ ବ୍ୟୁରୋ : ପରମ୍ପରା ଆଳରେ ଆଇନକୁ ଫୁ । ନିଜ ଇଚ୍ଛାରେ ବିବାହ ପାଇଁ ଡଙ୍ଗରିଆ ଯୁବତୀଙ୍କୁ ଉଠାଇ ନେଲେ ଡଙ୍ଗରିଆ ଯୁବକ । ଯୁବତୀ ଓ ତାଙ୍କ ପରିବାରର ଅନିଚ୍ଛା ସତ୍ୱେ ଯୁବତୀଙ୍କୁ ନିୟମଗିରି ପାହାଡରୁ ଉଠାଇ ନେଲେ ଯୁବକ । ଏମିତି ବି ହୁଏ ବାହାଘର । ଏମିିତି ଏକ ବିବାହର ଦୃଶ୍ୟ ଦେଖିବାକୁ ମିଳିଛି ନିୟମଗିରି ପାର୍ସାଲି ପଂଚାୟତର ଡେଭାପଡା ଗାଁରେ । ଡଙ୍ଗରିଆ ବିବାହ ପରମ୍ପରା ଅନୁଯାୟୀ ମଙ୍ଗଳବାର ଦିନ ବିବାହ କାର୍ଯ୍ୟ ସମ୍ପନ୍ନ ହୋଇଛି । ଯେଉଁ ବିବାହ ଦୃଶ୍ୟ ଥିଲା ଅତ୍ୟନ୍ତ ହୃଦୟ ବିଦାରକ ।
Kanak News is now on WhatsApp
Join and get latest news updates delivered to you via WhatsApp
ଡେଭାପଡା ଗାଁର ଜଣେ ଡଙ୍ଗରିଆ ଯୁବତୀଙ୍କୁ, ସୁନାଖଣ୍ଡି ପଂଚାୟତ ରାଇଲିମା ଗାଁର ମନ୍ଦରି ହୁଇକା ବିବାହ ପାଇଁ ପ୍ରସ୍ତାବ ଦେଇଥିଲେ । ଏଥିରେ ଯୁବତୀଙ୍କ ପରିବାର ଅରାଜି ହେବାରୁ ମନ୍ଦରିଙ୍କ ପରିବାର ଲୋକେ ଜୋରଜବରଦସ୍ତ ପ୍ରାୟ ୧୨କିଲୋମିଟର ପାହାଡିଆ ରାସ୍ତାରେ ଉଠାଇ ଆଣି ବିବାହ କାର୍ଯ୍ୟ ସମ୍ପନ୍ନ କରିଛନ୍ତି । ଏହି ଦୃଶ୍ୟକୁ ନିୟମଗିରି ସମସ୍ତେ ଡଙ୍ଗରିଆ କନ୍ଧ ଦେଖିଥିଲେ ସୁଦ୍ଧା କେହିବି ବିରୋଧ କରିନଥିଲେ । କାରଣ ଏହା ହେଉଛି ଡଙ୍ଗରିଆ ବିବାହର ଆଉ ଏକ ପରମ୍ପରା ।
ଡଙ୍ଗରିଆ ପରମ୍ପରା ଅନୁସାରେ ଡଙ୍ଗରିଆ ଧାଙ୍ଗଡା ଯେଉଁ ଧାଙ୍ଗଡିଙ୍କୁ ପସନ୍ଦ କରିବ ତାକୁ ଉଠାଇ ନେଇ ବିବାହ କରିପାରିବ । ସେହି ଯୁବତୀ ଓ ତାଙ୍କ ପରିବାର ବର୍ଗଙ୍କ ଇଚ୍ଛା ଥାଉ ବା ନଥାଉ । ବିବାହ ପରେ ମସମ୍ପୃକ୍ତ ଯୁବତୀଙ୍କ ପରିବାରକୁ ମଦ, ଚାଉଳ, ପୋଢ ଓ ଟଙ୍କା ଦେଇ ବିବାଦର ଆପୋଷ ସମାଧାନ କରାଯାଇଥାଏ ।