କନକ ବ୍ୟୁରୋ : କଳାହାଣ୍ଡି ଜିଲ୍ଲାର ଅପହଞ୍ଚ ଇଲାକାରେ ଦାନ ମାଝୀ କଲେ ଆମ୍ବୁଲାନ୍ସ ସେବାର ଉଦଘାଟନ । କଳାହାଣ୍ଡି ଅଟୋ ଇୟୁନିୟନ ପକ୍ଷରୁ ଗତକାଲି ବି ଆର ଆମ୍ବେଦକରଙ୍କ ୧୩୧ ତମ ଜୟନ୍ତି ଅବସରରେ ବହୁ ଚର୍ଚ୍ଚିତ ଦାନ ମାଝୀ ଆମ୍ବୁଲାନ୍ସ ସେବାର ଉଦଘାଟନ କରିଛନ୍ତି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଦାନ ମାଝି ଯୋଗ ଦେଇଥିଲେ ।

Advertisment

କଳାହାଣ୍ଡି ଅଟୋ ୟୁନିୟନର କର୍ମକର୍ତ୍ତାମାନେ କାର୍ଯ୍ୟକ୍ରମରେ ଉପସ୍ଥିତ ଥିଲେ । ୨୦୧୬ ମସିହାରେ ଦାନ ମାଝୀ ନିଜ ମୃତ ସ୍ତ୍ରୀର ଶବକୁ ୧୦ କିଲୋମିଟର କାନ୍ଧରେ ବୋହି ସାରା ବିଶ୍ୱରେ ଚର୍ଚ୍ଚା ସାଉଁଟିଥିଲେ । ଏସବୁକୁ ଦୃଷ୍ଟିରେ ରଖି ବିଭିନ୍ନ ସ୍ଥାନରେ ସରକାରୀ ଏବଂ ବେସରକାରୀ ସ୍ତରରେ ଆମ୍ବୁଲାନ୍ସ ସେବା ଆରମ୍ଭ କରାଯାଇଥିଲା । ତଥାପି ଠିକ ସମୟରେ ଆମ୍ବୁଲାନ୍ସ ପାଇପାରୁନାହାନ୍ତି ଦୁର୍ଗମ ଅଞ୍ଚଳବାସୀ ।