ନୂଆବର୍ଷରେ ନବୀନଙ୍କୁ ପରୋକ୍ଷରେ ଟାର୍ଗେଟ କଲେ ଦାମ ! କହିଲେ ଅଣଓଡିଆଙ୍କ କଥାରେ ଭାସିନଯାଇ ମୁଖ୍ୟମନ୍ତ୍ରୀ ଓଡିଆଙ୍କ ମନର ଭାଷା ବୁଝନ୍ତୁ ।
କନକ ବ୍ୟୁରୋ : ୨୦୧୯ ନବବର୍ଷ ଉପଲକ୍ଷେ ରାଜ୍ୟବାସୀଙ୍କୁ ଅଭିନନ୍ଦନ ଜଣାଇଛନ୍ତି ବରିଷ୍ଠ ନେତା ଦାମୋଦର ରାଉତ । ଏହି ଅବସରରେ ରାଜ୍ୟ ସରକାରଙ୍କୁ ପରୋକ୍ଷରେ ଘେରିଛନ୍ତି ଦାମ ବାବୁ । କହିଛନ୍ତି, ମୁଖ୍ୟମନ୍ତ୍ରୀ ଅଣଓଡିଆଙ୍କ କଥାରେ ଭାସିନଯାଇ ୨୦୧୯ରେ ଓଡିଆଙ୍କ ମନର କଥା ବୁଝିବାକୁ ଚେଷ୍ଟା କରନ୍ତୁ । ଦୁର୍ନୀତି, ଭ୍ରଷ୍ଟାଚାର, କୁଶାସନର ବିଷ ବଳୟରେ ଓଡିଶାର ଜନସାଧାରଣ ଯେପରି ଘାରି ହେଉଛନ୍ତି, ସେଥିରୁ ମୁକ୍ତି ପାଆନ୍ତୁ ।
Kanak News is now on WhatsApp
Join and get latest news updates delivered to you via WhatsApp
କୁନ୍ଦୁଲି ଧର୍ଷିତାର ଆତ୍ମହତ୍ୟାର କାହାଣୀ ଏବଂ ନ୍ୟାୟ ପାଇଁ ତାର ସ୍ୱର ୨୦୧୯ରେ ଆଉ ଓଡିଶା ଆକାଶରେ ଘୂରିନବୁଲୁ । ଓଡିଶାର ଶିକ୍ଷିତ ଯୁବ ସମାଜ, ଉତ୍କଟ ବେକାରୀ ସମସ୍ୟାରେ ଉଦଭ୍ରାନ୍ତ ହୋଇ ଯେପରି ଡହଳ ବିକଳ ହେଉଛନ୍ତି, ତାର ପରିସମାପ୍ତି ଘଟୁ । ଓଡିଶାର ଚାଷୀକୂଳ ଶୋଷଣ କୁଷଣର ଶିକାର ହୋଇ, ଯେଭଳି ଆତ୍ମହତ୍ୟା କରୁଛନ୍ତି, ୨୦୧୯ରେ ସେମାନେ ଆତ୍ମହତ୍ୟା ନକରନ୍ତୁ । ୨୦୧୯ ନବବର୍ଷରେ କିଛି ଏହିଭଳି ଭାବେ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି ବରିଷ୍ଠ ନେତା ଦାମୋଦର ରାଉତ । ଏହା ସହ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସୁସ୍ଥ ଓ ଦୀର୍ଘଆୟୁ କାମନା କରିଛନ୍ତି ଦାମ ବାବୁ ।