ମାଛ ଖାଇବା ସଉକ ! ନକଲି ଚାବିରେ ନଦୀବନ୍ଧର ଗେଟ ଖୋଲିଲେ, ଆଖି ପିଛୁଳାକେ ଶହ ଶହ ଏକର ଚାଷ ଜମି ଉପରେ ମାଡି ଗଲା ବନ୍ୟା ଜଳ
କନକ ବ୍ୟୁରୋ : ମାଛ ପାଇଁ ଦୁବୃର୍ତଙ୍କ ଅଭାବନୀୟ କାଣ୍ଡ । ନକଲି ଚାବିରେ ଖୋଲିଦେଇଛନ୍ତି ନଦୀ ଉପରେ ଥିବା ବନ୍ଧର ସୁଇସ ଗେଟ୍ । ଫଳରେ ଶହ ଶହ ଏକର ଜମି ଉପରେ ମାଡି ଯାଇଛି ବନ୍ୟାଜଳ । ବାଲେଶ୍ୱର ଜିଲ୍ଲା ଗୋପିନାଥପୁରରେ ଜଳସେଚନ ସୁବିଧା ପାଇଁ ବୁଢାବଳଙ୍ଗ ନଦୀ ଉପରେ ଏହି ବନ୍ଧ ନିର୍ମାଣ କରାଯାଇଛି । ଏଥିରେ ଲାଗିଥିବା ସୁଇସ ଗେଟ୍ ପରିଚାଳନା ପାଇଁ ସ୍ଥାନୀୟ ସୁରେଶ ଚନ୍ଦ୍ର ମଲିକଙ୍କୁ ଦାୟିତ୍ୱ ଦିଆଯାଇଛି । କିନ୍ତୁ ମାଛଚାଷ ଲିଜ୍ ପରେ ସୁରେଶଙ୍କୁ ସୁଇସ ଗେଟ୍ ପାଖକୁ ଲିଜ୍ଧାରୀ ପଶିବାକୁ ମଧ୍ୟ ଦେଉନଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଏପଟେ ବନ୍ୟା ପରେ ମଧ୍ୟ ଗେଟ୍ ବନ୍ଦ ନକରିବାରୁ ଏବେ ମଧ୍ୟ ପ୍ରାୟ ୬ଶହ ଏକର ଚାଷଜମି ପାଣି ଭିତରେ ବୁଡି ରହିଛି । ସରପଞ୍ଚଙ୍କ ଜାଣତରେ ଏହି ଗେଟ୍ ଖୋଲାଯାଇଥିବା ଲିଜ୍ ଧାରୀ କହିଛନ୍ତି । ଅନ୍ୟପଟେ ବିଡିଓଙ୍କ ନିର୍ଦ୍ଦେଶ ଆସିଲେ ହିଁ ଗେଟ୍ ବନ୍ଦ ହେବ ବୋଲି କୁହାଯାଉଛି । ଏହାସହ ନକଲି ଚାବିରେ ଗେଟ୍ ଖୋଲାଯାଇଥିବା ସେ ସ୍ୱୀକାର କରିଥିଲେ ମଧ୍ୟ ଜଳସେଚନ ବିଭାଗ ଏନେଇ କୌଣସି ପଦକ୍ଷେପ ନେଉନଥିବା ଅଭିଯୋଗ ହୋଇଛି ।