ଶୁଖିଲା ପଡ଼ିଛି ଚେକ ଡ୍ୟାମ୍ । ପାଣି ବିନା ହୋଇପାରୁନି ଚାଷ, ଶୁଖିଲା ପଡିଛି ଶହ ଶହ ଏକର ଜମି ।
କନକ ବ୍ୟୁରୋ: ଶୁଖିଲା ପଡ଼ିଛି ଚେକ ଡ୍ୟାମ୍, ପାଣି ବିନା ରବି ଫସଲ ନଷ୍ଟ ହେବାକୁ ବସିଲାଣି । ୫ବର୍ଷ ତଳେ ପ୍ରାୟ ୪୫ ଲକ୍ଷ ଟଙ୍କା ଖର୍ଚରେ ମାଲକାନାଗିରିର ଏମଭି-୫୮ ଅଂଚଳରେ ନିର୍ମାଣ ହୋଇଥିଲା ଚେକ ଡ଼୍ୟାମ । କ୍ଷୁଦ୍ର ଜଳସେଚନ ବିଭାଗ ଦ୍ୱାରା ନିର୍ମାଣ ହୋଇଥିବା ଏହି ଚେକ ଡ୍ୟାମ ନିର୍ମାଣରେ କିନ୍ତୁ ପାଣି ଆସୁନାହିଁ । ଫଳରେ ଚେକ ଡ଼୍ୟାମ ତଳେ ଥିବା ଶହଶହ ଏକର ଚାଷ ଜମି ଏବେ ପାଣି ଅଭାବରୁ ପଡ଼ିଆ ପଡ଼ି ରହିଥିବାର ଅଭିଯୋଗ ହୋଇଛି । ଏପରିକି ରବି ଫସଲ କରିଥିବା କିଛି ଚାଷୀଙ୍କର ପାଣି ଅଭାବରୁ ପନିପରିବା ଫସଲ ଏବେ ନଷ୍ଟ ହେବାକୁ ବସିଲାଣି ।
Kanak News is now on WhatsApp
Join and get latest news updates delivered to you via WhatsApp
କେବଳ ବର୍ଷା ଉପରେ ନିର୍ଭର କରି ଚାଷୀମାନେ ଖରିଫ ଋତୁରେ ଧାନ ଚାଷ କରୁଥିବାବେଳେ ରବି ଋତୁରେ ପାଣି ସୁବିଧା ନଥିବାରୁ ଚିନାବାଦାମ କିମ୍ବା ପନିପରିବା ଫସଲ କରିପାରୁନାହାଁନ୍ତି । ଫଳରେ ଚେକ ଡ୍ୟାମ ତଳେ ଥିବା ଶହଶହ ଚାଷ ଜମି ଏବେ ଟାଙ୍ଗରା ଭୂଇଁରେ ପରିଣତ ହୋଇଥିବାର ଦେଖିବାକୁ ମିଳିଛି ।