କନକ ବ୍ୟୁରୋ: ଦଳିତ ହୋଇଥିବାରୁ ବିଧାନସଭାରେ କହିବାକୁ ସୁଯୋଗ ଦେଲେନି ବାଚସ୍ପତି । କାନ୍ଦିକାନ୍ଦି ବିଧାନସଭା ବାହାରକୁ ଆସିଲେ ବିଜେପି ବିଧାୟକ ଅମର କୁମାର ବାଉରୀ । ବିଧାୟକଙ୍କୁ ଏପରି ଅବସ୍ଥାରେ ଦେଖି ଚକିତ ହୋଇଯାଇଥିଲେ ବାହାରେ ଥିବା ସାମ୍ବାଦିକ ଓ ଅନ୍ୟ କର୍ମଚାରୀ । ବୁଧବାର ବିଜେପି କର୍ମକର୍ତ୍ତାଙ୍କ ଉପରେ ଲାଠି ମାଡ ସହ ବିଧାନସଭାରେ ନମାଜ ପଢିବାକୁ ସ୍ୱତନ୍ତ୍ର ଗୃହ ନିର୍ମାଣ କରିବା ଉପରେ ରହିତାଦେଶ ପ୍ରସ୍ତାବକୁ ପଢିବାକୁ ଚାହିଁଥିଲେ ବି ବାଚସ୍ପତି ରବୀନ୍ଦ୍ରନାଥ ମହତୋ ଅନୁମତି ଦେଇନଥିଲେ । ଫଳରେ ଗୃହରୁ ୱାକଆଉଟ୍ କରିଥିଲେ ଅମର କୁମାର ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମନସୁନ ଅଧିବେଶନର ଶେଷ ଦିନରେ ଉପରୋକ୍ତ ଦୁଇଟି ପ୍ରସଙ୍ଗରେ ସ୍ଥଗିତାଦେଶ ଉପସ୍ଥାପନ କରିବାକୁ ଚାହିଁଥିଲେ ଅମର କୁମାର । ପ୍ରଥମ ପର୍ଯ୍ୟାୟରେ ତାଙ୍କୁ ଅନୁମତି ମିଳିନଥିଲା । ମଧ୍ୟାହ୍ନ ଭୋଜନ ପରେ ବି ବାଚସ୍ପତିଙ୍କୁ ଅନୁରୋଧ କରିବା ସତ୍ତେ୍ୱ ତାଙ୍କୁ ଅଣଦେଖା କରାଯାଇଥିଲା । ପୂର୍ବରୁ ମନ୍ତ୍ରୀ ଓ ଅନେକ ଥର ବିଧାୟକ ରହିସାରିଥିବା ଅମର କୁମାର ଗୃହର ନିତିନିୟମ ପ୍ରତି ଅବଗତ । ବାଚସ୍ପତି ମଧ୍ୟ ଏସବୁକୁ ମାନିବା ଆବଶ୍ୟକ । ଉଭୟ ଶାସକ ଦଳ ଓ ବିରୋଧୀଙ୍କୁ ନିଜ ମନ୍ତବ୍ୟ ରଖିବାର ସମାନ ଅଧିକାର ଦେବା ଆବଶ୍ୟକ । ହେଲେ ଗୃହର ମଙ୍ଗୁଆଳ ଖୋଦ୍ ବାଚସ୍ପତି ଜଣେ ଦଳିତ ବିଧାୟକଙ୍କୁ ଅଣଦେଖା କରି ଆଇନ ବ୍ୟବସ୍ଥାର ଉଲଂଘନ କରିଛନ୍ତି । ଫଳରେ ମୁଁ ମାନସିକ ସ୍ତରରେ ଗଭୀର ଭାବେ ଆହତ ହୋଇଛି । ମୋ ଆଖିରୁ ଝରୁଥିବା ଲୁହ ମୋର ଅସହାୟତା ନୁହେଁ ବରଂ ରାଜୀତି ପ୍ରତି ମୋର ସମର୍ପଣ ଭାବ ବୋଲି ଅମର କୁମାର ଗଣମାଧ୍ୟମରେ ପ୍ରକାଶ କହିିଛନ୍ତି ।
ଅନ୍ୟ ବିଜେପି ବିଧାୟକ ମଧ୍ୟ ବାଚସ୍ପତିଙ୍କ ଏପରି ପକ୍ଷପାତିତାକୁ ବିରୋଧ କରିଛନ୍ତି । ରାଞ୍ଚି ବିଜେପି ବିଧାୟକ ସିପି ସିଂ କହିଛନ୍ତି ଯେ, ସେ ବାଚସ୍ପତି ଥିବା ସମୟରେ ବିରୋଧୀଙ୍କୁ ମତବ୍ୟକ୍ତ କରିବାକୁ ଅଧିକ ସୁଯୋଗ ଦିଆଯାଉଛି । ହେଲେ ଏବେ ମିଳିତ ସରକାରଙ୍କ ସମୟରେ ବିରୋଧୀ ତଥା ଦଳିତ ବିଧାୟକଙ୍କୁ ଅବହେଳା କରାଯାଉଛି ବୋଲି ସିପି ସିଂ କହିଛନ୍ତି ।