କନକ ବ୍ୟୁରୋ :  ଦକ୍ଷିଣ ଆଫ୍ରିକାର ପୂର୍ବତଦ ଦ୍ରୁତ ବୋଲର ଡେଲ ଷ୍ଟେନ ଟେଷ୍ଟ କ୍ରିକେଟରେ ନୂଆ ନିୟମ ଆରମ୍ଭ କରିବାକୁ ପରାମର୍ଶ ଦେଇଛନ୍ତି । ଟେଷ୍ଟ କ୍ରିକେଟରେ ଫ୍ରି ହିଟ୍ ନିୟମ ଲାଗୁ କରିବାକୁ ପରାମର୍ଶ ଦେଇଛନ୍ତି ଷ୍ଟେନ । ଆଉ ଏହାଦ୍ୱାରା ବ୍ୟାଟର ମାନଙ୍କୁ ବଡ ଫାଇଦା ମିଳିବ ଓ ବୋଲରଙ୍କୁ ଦଣ୍ଡ । ସୀମିତ ଓଭର କ୍ରିକେଟ ଫର୍ମାଟରେ ବୋଲର ବୋଲର ନୋ ବଲ୍ ପକାଇଲେ ବ୍ୟାଟିଂ କରୁଥିବା ଦଳକୁ ଫ୍ରି ହିଟ୍ ଦିଆଯାଇଥାଏ । ଆଉ ଏହି ବଲ ସତେଯେପରି ବ୍ୟାଟରଙ୍କ ପାଇଁ ବୋନସ ସଦୃଶ ହୋଇଥାଏ । କାରଣ ଏହି ବଲରେ ରନ ଆଉଟ ଓ ଷ୍ଟମିଂକୁ ଛାଡିଦେଲେ ଅନ୍ୟ କୌଣସି ପ୍ରକାର ଆଉଟ ହେବାର ଭୟ ନଥାଏ । ତେଣୁ ଫ୍ରି ହିଟ୍ ବଲରେ ବଡ ସଟ୍ ଖେଳିବାକୁ ଚାହିଁଥାନ୍ତି ବ୍ୟାଟର ।

Advertisment

ଷ୍ଟେନ ଟ୍ୱିଟ୍ କରି କହିଛନ୍ତି, ଟେଷ୍ଟ କ୍ରିକେଟରେ ନୋ ବଲ ପାଇଁ ଫ୍ରି ହିଟ୍ । ଆପଣ କଣ ଭାବୁଛନ୍ତି? ଏହାଦ୍ୱାରା ନିମ୍ନସ୍ତରରେ ବ୍ୟାଟିଂ କରିବାକୁ ଆସୁଥିବା ବ୍ୟାଟରଙ୍କୁ ଫାଇଦା ମିଳିବ । କାରଣ ନିମ୍ନସ୍ତରରେ ବ୍ୟାଟିଂ କରିବାକୁ ଆସିଥିବା ଖେଳାଳୀଙ୍କୁ ଶୀଘ୍ର ଆଉଟ୍ କରିବାକୁ ଅଧିକ ବାଉନ୍ସର ମାରିଥାନ୍ତି ବୋଲର । ଯାହା ନିମ୍ନସ୍ତରର ବ୍ୟାଟରଙ୍କୁ ଅଡୁଆରେ ପକାଇଥାଏ । । ତେଣୁ ନୋ ବଲ ହେବା ଦ୍ୱାରା ଶେଷ ଆଡକୁ ଆସୁଥିବା ଖେଳାଳୀଙ୍କୁ ବଡ ସଟ୍ ଖେଳିବାକୁ ବଡ ସୁଯୋଗ ମିଳିଯିବ । ଭାରତ-ଦକ୍ଷିଣ ଆଫ୍ରିକା ସିରିଜ ଚାଲୁଥିବା ବେଳେ ଏଭଳି ଟ୍ୱିଟ୍ କରିଛନ୍ତି ଡେଲ ଷ୍ଟେନ । ଏହାସହ ଭାରତୀୟ ବୋଲର ଯଶପ୍ରୀତ ବୁମରାଙ୍କୁ ମଧ୍ୟ ପ୍ରଂଶସାରେ ପୋତି ପକାଇଛନ୍ତି ଷ୍ଟେନ ।