୧୪ ଦିନ ପରେ ଦେଶରେ କମିଲା କରୋନା ସଂକ୍ରମଣ । ସେପଟେ ଓଡ଼ିଶାରେ ବି ତଳମୁହାଁ ଦୈନିକ ସଂକ୍ରମଣ ।୨୪ ଘଂଟାରେ ଆକ୍ରାନ୍ତ ସଂଖ୍ୟା ୧୦ ହଜାର ତଳେ
କନକ ବ୍ୟୁରୋ: କିଛି ଦିନ ୪ ଲକ୍ଷ ଉପରେ ସଂକ୍ରମଣ ଚିହ୍ନଟ ହେବା ପରେ ଟିକେ ଆଶ୍ୱସ୍ତି ଆଣିଲା ଭଳି ଖବର ଆସିଛି । ଗତ ୨୪ ଘଂଟାରେ ଚିହ୍ନଟ ହୋଇଛନ୍ତି ୩ ଲକ୍ଷ ୨୯ ହଜାର ୯୪୨ ନୂଆ ଆକ୍ରାନ୍ତ । ସବୁଠୁ ବଡ଼ କଥା ହେଉଛି, ୧୮ ଲକ୍ଷ ୫୦ ହଜାର ୧୧୦ କରୋନା ପରୀକ୍ଷା ହୋଇଥିଲା, ଆଉ ୧୭.୮୩ ପ୍ରତିଶତ ହାରରେ ଚିହ୍ନଟ ହୋଇଛି ପଜିଟିଭ୍ ମାମଲା । ଏପ୍ରିଲ ୨୭ ତାରିଖ ପରଠାରୁ ଅର୍ଥାତ ୨ ସପ୍ତାହ ପରେ ଏହା ହେଉଛି ସବୁଠୁ କମ ଦୈନିକ ସଂକ୍ରମଣ ।
ଭାରତ କରୋନା ମିଟର
ତାରିଖ ଟେଷ୍ଟ ପଜିଟିଭ୍ ପଜିଟିଭିଟି ହାର
ମେ’ ୧୦: ୧୮,୫୦, ୧୧୦ ୩,୨୯,୯୪୨ ୧୭.୮୩%
ମେ’ ୯ : ୧୪,୭୪,୬୦୬ ୩,୬୬,୧୬୧ ୨୪.୮୩%
ମେ’ ୮ : ୧୮,୬୫,୪୨୮ ୪,୦୩,୭୩୮ ୨୧.୬୪%
ମେ’ ୭ : ୧୮,୦୮,୩୪୪ ୪,୦୧,୦୭୮ ୨୨.୧୮%
ମେ’ ୬ : ୧୮,୨୬,୪୯୦ ୪,୧୪,୧୮୮ ୨୨.୬୮%
ମେ’ ୫ : ୧୯,୨୩,୧୩୧ ୪,୧୨,୨୬୨ ୨୧.୪୪%
ମେ’ ୪ : ୧୫,୪୧,୨୯୯ ୩,୮୨,୩୧୫ ୨୪.୮୦%
Kanak News is now on WhatsApp
Join and get latest news updates delivered to you via WhatsApp
ପୂରା ସପ୍ତାହର ଟେଷ୍ଟ, ପଜିଟିଭ୍ ଏବଂ ପଜିଟିଭ ହାରକୁ ଭଲ ଭାବେ ଅନୁଧ୍ୟାନ କରନ୍ତୁ । ୪ ଦିନ ଧରି ୪ ଲକ୍ଷ ଉପରେ ସଂକ୍ରମଣ ଚିହ୍ନଟ ହେବା ପରେ ଗତ ଦୁଇ ଦିନ ହେଲା ହ୍ରାସ ପାଇଛି ସଂକ୍ରମଣ । ବିଭିନ୍ନ ରାଜ୍ୟରେ ଲକଡାଉନ, ସଟଡାଉନ ଭଳି କଟକଣା ପରେ ସଂକ୍ରମଣରେ ସାମାନ୍ୟ ଅଙ୍କୁଶ ଲାଗିଲା ବୋଲି କୁହାଯାଉଛି ।
କେବଳ ଦୈନିକ ସଂକ୍ରମଣ ନୁହେଁ କରୋନା ଜନିତ ମୃତ୍ୟୁ ସଂଖ୍ୟା ମଧ୍ୟ ୪ ହଜାର ତଳକୁ ଖସିଛି । ଗତ ୨୪ ଘଂଟାରେ ଦେଶରେ ୩,୮୭୬ ଜଣଙ୍କ ମୃତ୍ୟୁ ହୋଇଥିବା ସରକାର ତଥ୍ୟ ଦେଇଛନ୍ତି । ୨ ମାସ ପରେ ପ୍ରଥମ ଥର ପାଇଁ ସକ୍ରିୟ ସଂକ୍ରମଣଙ୍କ ସଂଖ୍ୟା ହ୍ରାସ ପାଇଛି । ୨୪ ଘଂଟାରେ ୩ ଲକ୍ଷ ୨୯ ହଜାର ୯୪୨ ଜଣ ଆକ୍ରାନ୍ତ ହୋଇଥିବା ବେଳେ ସୁସ୍ଥ ହୋଇଛନ୍ତି ୩ ଲକ୍ଷ ୫୬ ହଜାର ୮୨ ଜଣ । ଫଳରେ ମୋଟ ସକ୍ର୍ରିୟ ଆକ୍ରାନ୍ତଙ୍କ ସଂଖ୍ୟା ୩୦ ହଜାର ୧୬ ହ୍ରାସ ପାଇଛି । ଦେଶରେ ସକ୍ରିୟ ସଂକ୍ରମଣ ସଂଖ୍ୟା ପହଁଚିଛି ୩୭,୧୫,୨୨୧ । ଯାହାକି ମୋଟ ସଂକ୍ରମିତ ସଂଖ୍ୟାର ୧୬.୧୬ ପ୍ରତିଶତ । ସେହିପରି ଦେଶର ସୁସ୍ଥହାର ରହିଛି ୮୨.୭୫ ପ୍ରତିଶତ । ଦେଶରେ କରୋନା ଜନିତ ମୃତ୍ୟୁହାର ରହିଛି ୧.୦୯ ପ୍ରତିଶତ ।
ଏପଟେ ଓଡ଼ିଶାରେ ମଧ୍ୟ ୧୦ ହଜାର ତଳକୁ ଖସିଛି ଦୈନିକ ସଂକ୍ରମଣ । କ୍ରମାଗତ ୫ ଦିନ ଧରି ୧୦ ହଜାର ଉପରେ ନୂଆ ଆକ୍ରାନ୍ତ ଚିହ୍ନଟ ହେଉଥିଲେ । ତେବେ ଗତ ୨୪ ଘଂଟାରେ ୯୭୯୩ ପଜିଟିଭ୍ ମାମଲା ଆସିଛି । ୪୬ ହଜାର ୨୪୧ କରୋନା ପରୀକ୍ଷା କରାଯାଇଥିବା ବେଳେ ସଂକ୍ରମଣ ହାର ରହିଛି ୨୧.୧୮ ପ୍ରତିଶତ । ମେ’ ୫ରୁ ୧୦ ମଧ୍ୟରେ ୫ ଥର କରୋନା ସଂକ୍ରମଣ ୧୦ ହଜାର ଉପରେ ରହିଛି । ମେ’ ୬ ତାରିଖରେ ୧୨ ହଜାର ଉପରେ ଚିହ୍ନଟ ହୋଇଥିଲେ କରୋନା ରୋଗୀ । ଏହାପରେ ଧୀରେ ଧୀରେ ଖସୁଛି ଦୈନିକ ସଂକ୍ରମଣଙ୍କ ସଂଖ୍ୟା । ଓଡ଼ିଶାର ୪ଟି ଜିଲ୍ଲାକୁ ଛାଡିଦେଲେ ୨୬ ଜିଲ୍ଲା ଏବେ ରେଡ୍ ଜୋନରେ ରହିଛି । ଦେବଗଡ଼, କନ୍ଧମାଳ, ଗଜପତି ଓ ମାଲକାନଗିରି ଜିଲ୍ଲାରେ ହଜାରେ ତଳକୁ ରହିଛି ସକ୍ରିୟ ସଂକ୍ରମଣଙ୍କ ସଂଖ୍ୟା ।
ଓଡ଼ିଶା କରୋନା ମିଟର
ତାରିଖ ଟେଷ୍ଟ ପଜିଟିଭ୍ ପଜିଟିଭିଟି ହାର
ମେ’ ୧୦ : ୪୬,୨୪୧ ୯,୭୯୩ ୨୧.୧୮%
ମେ’ ୯ : ୪୮,୩୭୭ ୧୦,୦୩୧ ୨୦.୭୩%
ମେ’ ୮ : ୪୮,୭୫୭ ୧୦,୬୩୫ ୨୧.୮୧%
ମେ’ ୭ : ୫୦,୮୬୪ ୧୧,୮୦୭ ୨୩.୨୧%
ମେ’ ୬ : ୫୦,୭୯୯ ୧୨,୨୩୮ ୨୪.୦୯%
ମେ’ ୫ : ୪୮,୩୧୪ ୧୦,୫୨୧ ୨୧.୭୮%