କନକ ବ୍ୟୁରୋ: ଏ ହେଉଛନ୍ତି ଉତ୍ତରପ୍ରଦେଶର ଦବଙ୍ଗ ଡିଏସପି ତଥା ରାମପୁରର ଡେପୁଟି ସୁପରିଟେଣ୍ଡେଣ୍ଟ ଅଫ୍ ପୁଲିସ ଅନୁଜ ଚୌଧୁରୀଙ୍କ କଥା । ନିଜର ଡେୟାରିଙ୍ଗ ନେଚର ପାଇଁ ଏବେ ସୋସିଆଲ ମିଡିଆରେ ଭାଇରାଲ ହେଉଛନ୍ତି ଏହି ପୁଲିସ ଅଫିସର । ସମାଜବାଦୀ ପାର୍ଟିର ବରିଷ୍ଠ ନେତା ଆଜମ୍ ଖାନ୍ଙ୍କୁ ସର୍ବ ସମକ୍ଷରେ ଦେଇଛନ୍ତି ଠିକଣା ଜବାବ୍ । ତାଙ୍କ ବାହାଦୁରୀ ଓ ନିର୍ଭିକ ଅନ୍ଦାଜ ପାଇଁ ତାଙ୍କୁ ପୁରା ୟୁପିର ଜନତା ବାହୁବଳୀ ଡିଏସପି କୁହନ୍ତି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ ୟୁପି ରାଜପଥରେ ଗାଡି ଚେକିଂ ଚାଲିଥିବାବେଳେ ହାବୁଡରେ ପଡିଯାଇଥିଲେ ସମାଜବାଦୀ ପାର୍ଟିର ବରିଷ୍ଠ ନେତା ଆଜମ୍ ଖାନ୍ ।ନିଜେ ଅନୁଜଙ୍କ ପାଖକୁ ଚାଲି ଚାଲି ଯାଇ ତାଙ୍କୁ ସପା ସରକାରଙ୍କ ଦୟା କଥା କହିଥିଲେ । ହେଲେ ଏହାକୁ ଖାତିର କରିନଥିଲେ ଅନୁଜ । ସେ ଜଣେ ସଚ୍ଚୋଟ ପୁଲିସ ଅଫିସର ହେବା ସହ ଜଣେ ଖେଳାଳି ମଧ୍ୟ । ସେ ତାଙ୍କ କର୍ତ୍ତବ୍ୟ କରୁଛନ୍ତି, ତା ଛଡା ଜଣେ ଖେଳାଳି କାହାର ଦୟାରେ ବଞ୍ଚେନି ବୋଲି ସଫା ଜବାବ ଦେଇଥିଲେ ଅନୁଜ ଚୌଧୁରୀ । ପୁରା ଚୁପ୍ ହୋଇ ପଳାଇଥିଲେ ଆଜମ ଖାନ୍ ।
ଏବେ ୟୁପିର ରାମପୁର ଜିଲ୍ଲାରେ ସିଓ ସିଟି ଭାବେ କାର୍ଯ୍ୟରତ ଅଛନ୍ତି ଅନୁଜ । କ୍ରୀଡା କ୍ଷେତ୍ରରେ ଦେଶକୁ ତାଙ୍କର ଅବଦାନ ପାଇଁ ତାଙ୍କୁ ପୁଲିସରେ ଡିଏସପି ଭାବେ ନିଯୁକ୍ତି ମିଳିଥିଲା । ଅନୁଜ ଜଣେ ଅନ୍ତର୍ଜାତୀୟ କୁସ୍ତି ଖେଳାଳି । ଖୁବ ପିଲାବେଳୁ କୁସ୍ତିର ରିଙ୍ଗ ଭିତରକୁ ପଶିଥିଲେ ଅନୁଜ । ଆଉ ସେଇ କଅଁଳ ବୟସରୁ ହିଁ ହାତେଇଥିଲେ ପୁରସ୍କାର ପରେ ପୁରସ୍କାର । ତାଙ୍କର ଏହି ଚେଷ୍ଟା ତାଙ୍କୁ ବିଶ୍ୱ ସ୍ତରର ଜଣେ କ୍ଷାତିସମ୍ପନ୍ନ କୁସ୍ତି ଖେଳାଳି କରିପାରିଛି । କାନାଡା ଅଷ୍ଟ୍ରେଲିଆ. ସାଉଥ୍ ଆଫ୍ରିକାରେ ଅନୁଷ୍ଠିତ କମନୱେଲଥ୍ ଗେମରେ ୩ଥର ଗୋଲ୍ଡ ମେଡାଲ, ଚୀନରେ ଅନୁଷ୍ଠିତ ଏସୀଆ ଚାମ୍ପିଅନସିପରେ ସିଲଭର ମେଡାଲ, ଥାଇଲାଣ୍ଡ ଏସୀଆନ୍ ଚାମ୍ପିଅନସିପରେ ବ୍ରୋଞ୍ଚ ମେଡାଲ ଆଣି ପୁରା ଦେଶକୁ ଗୌରବାନ୍ୱିତ କରିଛନ୍ତି ଅନୁଜ ଚୌୁଧୁରୀ । କେବଳ ଏତିକି ନୁହେଁ ଦିଲ୍ଲୀରେ ଅନୁଷ୍ଠିତ ରାଜ୍ୟଗୋଷ୍ଠୀ କ୍ରୀଡାରେ ମଧ୍ୟ ଭାରତର ପ୍ରତିନିଧିତ୍ୱ କରି ସିଲଭର ମେଡାଲ ଆଣିବା ସହ ପୁଲିସ ବିଭାଗ ପାଇଁ ଆଣିଛନ୍ତି ଅନେକ ମେଡାଲ ଓ ଟ୍ରଫି ।
କ୍ରୀଡା କ୍ଷେତ୍ରରେ ଦେଶ ପାଇଁ ତାଙ୍କର ଅବଦାନ ଓ କର୍ମକ୍ଷେତ୍ରରେ ତାଙ୍କ ନିଷ୍ଠା ପାଇଁ ତାଙ୍କୁ ମିଳିଛି ଅନେକ ସମ୍ମାନ ଓ ପୁରସ୍କାର ।
୨୦୦୫ରେ ତାଙ୍କୁ ରାଷ୍ଟ୍ରପତିଙ୍କ ଦ୍ୱାରା ଅର୍ଜୁନ ଆୱାର୍ଡ ସମ୍ମାନିତ କରାଯାଇଛି ।ଏହାସହ
୨୦୦୨ରେ ଲକ୍ଷ୍ମଣ ଆୱାର୍ଡ
୨୦୧୬ରେ ଉତ୍ତରପ୍ରଦେଶ ସରକାରଙ୍କ ଦ୍ୱାରା ୟଶ୍ ଭାରତୀ ଆୱାର୍ଡ
୨୦୦୫ରେ – ୟୁପି କେଶରୀ ଆୱାର୍ଡ ମିଳିଛି ।
୧୯୯୯, ୨୦୦୦, ୨୦୦୧ ବର୍ଷ ପାଇଁ ଲଗାତାର ୩ ଥର ପାଇଁ ଶେର- ଏ- ହିନ୍ଦ ଆୱାର୍ଡ ପାଇଛନ୍ତି ଅନୁଜ
ଏହା ସହ ତାଙ୍କୁ ମିଳିଛି ବୀର ଅଭିମନ୍ୟୁ ସମ୍ମାନ ।
ରାମପୁରର ସିଓ ସିଟି ଭାବେ କାର୍ଯ୍ୟରତ ଲୋକଙ୍କ ପାଖକୁ ଯାଇ ତାଙ୍କର ସମସ୍ୟା ବୁଝିବାକୁ ପସନ୍ଦ କରନ୍ତି । କାମରେ ଯେତିକି କଡା ସାଧାରଣ ଜନତାଙ୍କ ପାଇଁ ସେତିକି ନରମ ମିଞ୍ଜାସର । ତେଣୁ ତାଙ୍କୁ କିଛି ଲୋକ ୟୁପିର ଦବଙ୍ଗ ବୋଲି କହୁଥିବାବେଳେ ଅନେକ ତାଙ୍କୁ ଚୁଲବୁଲ ପାଣ୍ଡେ ବୋଲି ଡାକନ୍ତି ।
ନିଜ ଫିଟନେସ୍ ପାଇଁ ଅନୁଜ୍ କୌଣସି ବଲିଉଡ୍ ଷ୍ଟାରଙ୍କ ଠାରୁ କମ୍ ନୁହଁନ୍ତି । ଫିଟନେସ୍ ପାଇଁ ସଲମାନ୍ ଖାନ୍ ମଧ୍ୟ ତାଙ୍କଚୁ ଫଲୋ କରନ୍ତି ବୋଲି କୁହାଯାଏ । ତାଙ୍କ ସିକ୍ସ ପ୍ୟାକ୍ ଓ ବଡି ଫିଟନେସ୍ ପାଇଁ ଯୁବପିଢିଙ୍କର ସେ ବେଶ୍ ପସନ୍ଦ ।
ୟୁପିରେ ପୋଷ୍ଟିଙ୍ଗ ପରଠାରୁ ଅପରାଧୀ, ନିଶା ବେପାରୀ ଓ ଜୁଆଡିଙ୍କର ଯେମିତି ନିଦ ହଜିଯାଇଛି । ଡ୍ୟୁଟିରେ ଥିବାବେଳେ ନ ଥାଏ ନେତା ମନ୍ତ୍ରୀଙ୍କୁ ଡର ନା ସେମାନଙ୍କ ପ୍ରଭାବରେ ଚାକିରି ହରାଇବାର ଭୟ । ଯାହାର ନଜିର ଏବେ ସୋସିଆଲ ମିଡିଆରେ ଦେଖିବାକୁ ମିଳିଛି । ଏମିତି ପୁଲିସ ଅଫିସରଙ୍କୁ ସାରା ଦେଶ କରୁଛି ସଲାମ ।