ଗଂଜାମର କରୋନା ମୁକାବିଲା ନେଇ ଗୋଲାପୀ ଚିତ୍ର ଆଙ୍କିଲେ ଜିଲ୍ଲାପାଳ: କହିଲେ ଜିଲ୍ଲାରେ ସୁସ୍ଥ ହୋଇଛନ୍ତି ୭୮% ରୋଗୀ; ରହିଛି ପର୍ଯ୍ୟାପ୍ତ ଚିକିତ୍ସା ବ୍ୟବସ୍ଥା
ଜିଲ୍ଲାର ସ୍ୱାସ୍ଥ୍ୟସେବା ଉପରେ ଖପ୍ପା ହୋଇଥିଲେ ସ୍ୱାସ୍ଥ୍ୟ ସଚିବ
କନକ ବ୍ୟୁରୋ: ରାଜ୍ୟରେ କରୋନା ମହାମାରୀରେ ସବୁଠୁ ଅଧିକ ପ୍ରଭାବିତ ହୋଇଛି ଗଂଜାମ । ଦୁଇ ଦିନ ତଳେ ସ୍ଥିତି ସମୀକ୍ଷା କରି ଜିଲ୍ଲାର ସ୍ୱାସ୍ଥ୍ୟ ବ୍ୟବସ୍ଥା ଉପରେ ଅନେକ ପ୍ରଶ୍ନ ଉଠାଇଥିଲେ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର । ତେବେ ଆଜି କରୋନା ସ୍ଥିତି ନେଇ ଗଂଜାମ ଜିଲ୍ଲାପାଳ ପ୍ରେସମିଟ୍ କରିଥିଲେ । ସେ କହିଛନ୍ତି, କରୋନା ପରିଚାଳନା ଜିଲ୍ଲାରେ ଠିକଠାକ୍ ଚାଲିଛି । ପ୍ରାୟ ୭୮ ପ୍ରତିଶତ ରୋଗୀ ସୁସ୍ଥ ହୋଇ ଫେରିଛନ୍ତି । ସଂକ୍ରୀୟ ସଂକ୍ରମିତଙ୍କ ସଂଖ୍ୟା କମିବାରେ ଲାଗିଛି । ରୋଗୀଙ୍କ ପାଇଁ ୧୩୨ଟି ଆମ୍ବୁଲାନ୍ସ ଅଛି । ୯୦ଟି ଆଇସିୟୁ ୟୁନିଟ ସହ ୭୨୫ ଅକ୍ସିଜେନ ସପୋର୍ଟ ବେଡ୍ ରହିଛି । ତେଣୁ କୋଭିଡ୍ ଲକ୍ଷଣ ଥିଲେ ଭୟ ନକରି ଟେଷ୍ଟ କରାନ୍ତୁ ବୋଲି ଲୋକଙ୍କୁ ନିବେଦନ କରିଛନ୍ତି ଜିଲ୍ଲାପାଳ ।
Kanak News is now on WhatsApp
Join and get latest news updates delivered to you via WhatsApp
ଜିଲ୍ଲାର ସ୍ୱାସ୍ଥ୍ୟସେବା ଉପରେ ଅନେକ ପ୍ରଶ୍ନ ଚିହ୍ନ ଲାଗିଥିବା ବେଳେ ଜିଲ୍ଲାପାଳ ବିଜୟ ଅମୃତ କୁଳାଙ୍ଗେ କହିଛନ୍ତି ଜିଲ୍ଲାରେ ସବୁକିଛି ଚାଲିଛି ଠିକ୍ଠାକ୍ । ପ୍ରେସମିଟ୍ କରି ଗଂଜାମର କରୋନା ସ୍ଥିତି ଉପରେ ତଥ୍ୟ ରଖିଛନ୍ତି ଜିଲ୍ଲାପାଳ । ଗଂଜାମର କରୋନା ସ୍ଥିତି, କ’ଣ କହିଲେ ଜିଲ୍ଲାପାଳ?
• ସୁସ୍ଥ ହୋଇ ଫେରିଛନ୍ତି ପ୍ରାୟ ୭୮ ପ୍ରତିଶତ ରୋଗୀ
• ସକ୍ରୀୟ ସଂକ୍ରମିତଙ୍କ ସଂଖ୍ୟା କମୁଛି
• ଘରକୁ ଘର ବୁଲି ସର୍ଭେ କରାଯାଉଛି
• ଆକ୍ରାନ୍ତ ଚିହ୍ନଟ ହେଲେ ସଂପୃକ୍ତ ଅଂଚଳକୁ ଅବରୋଧ ଅଂଚଳ କରାଯାଉଛି
• ଟ୍ରେସିଂ, ଟେଷ୍ଟିଂ ଓ ଟ୍ରିଟମେଂଟକୁ ଗୁରୁତ୍ୱ ଦିଆଯିବା ସହ
• ଜିଲ୍ଲାରେ କରୋନା ଟେଷ୍ଟ ୩ଗୁଣା ବଢ଼ିଛି
• ଲକ୍ଷଣ ଥିଲେ ନଲୁଚାଇ ଟେଷ୍ଟ କରିବାକୁ ଲୋକଙ୍କୁ ଅନୁରୋଧ କରାଯାଇଛି
• ସ୍ୱାସ୍ଥ୍ୟସେବା ପାଇଁ ରହିଛି ପର୍ଯ୍ୟାପ୍ତ ବ୍ୟବସ୍ଥା
• ଜିଲ୍ଲାରେ ୧୩୨ ଆମ୍ବୁଲାନ୍ସ ରହିଛି
• ୯୦ଟି ଆଇସିୟୁ ୟୁନିଟ ସହ ୭୨୫ ଅକ୍ସିଜେନ ସପୋର୍ଟ ବେଡ୍ ଅଛି
ସେପଟେ ଗଞ୍ଜାମ ଗସ୍ତରେ ଯାଇ ଦୁଇ ଦିନ ତଳେ ସ୍ଥିତି ସମୀକ୍ଷା କରିଥିଲେ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର । ନଜର ପକାନ୍ତୁ କି ଟିପ୍ପଣୀ ଦେଇଥିଲେ ପ୍ରଦୀପ୍ତ ମହାପାତ୍ର?
• ଗର୍ଭବତୀ ମହିଳା, ଟ୍ରମା, ଅସ୍ଥିଶଲ୍ୟ, ଅନ୍ୟାନ୍ୟ ସ୍ୱାସ୍ଥ୍ୟସେବାରେ ଅବ୍ୟବସ୍ଥା
• ବନ୍ଦ ରହିଛି ଡାଏଲିସସ ୟନିଟ୍
• ୧୦୮ ଓ ୧୦୪ ଆମ୍ବୁଲାନ୍ସ ଆସୁନଥିବା ଅଭିଯୋଗ
• ହସପିଟାଲର ପରିମଳ ବ୍ୟବସ୍ଥା ନେଇ ଅଭିଯୋଗ କରୁଛନ୍ତି ରୋଗୀ
• ହସପିଟାଲରେ ହାଉସକିପିଂ ସେବା ମଧ୍ୟ ନିମ୍ନମାନର
• କୋଭିଡ ପରିଚାଳନାରେ ଏମକେସିଜି ମେଡିକାଲର ଭୂମିକା ଉପରେ ପ୍ରଶ୍ନ
• କରୋନା ରୋଗୀଙ୍କ ଡିସ୍ଚାର୍ଜ ଗାଇଡଲାଇନ ଅନୁସାରେ ହେଉନାହିଁ
ଜିଲ୍ଲାର ସ୍ୱାସ୍ଥ୍ୟସେବା ଉପରେ ସ୍ୱାସ୍ଥ୍ୟ ସଚିବ ଖପ୍ପା ହୋଇଥିବା ବେଳେ କୋଭିଡ୍ ପରିଚାଳନା ନେଇ ଗୋଲାପୀ ଚିତ୍ର ଆଙ୍କିଛନ୍ତି ଜିଲ୍ଲାପାଳ ।